كم مهرك

[الطفلة الحكيمة]

السلام عليكم كويتيات ابي اسال الحضريات الحين كم المهر في المتوسط وشنو يقدمون في الجهاز ولازم شبكه يعني الزبده شناخر نظام للدزه ومشكككووورين يا السنعات اللي بترون علي

 

[غلآ |~]

يفيـدونج البنـآت إن شـآء الله ,,

آب ,,

 

[Mrs.Q]

هلا فيج حبيبة قلبي
والله المهر بكل عايلة غير بس اقل شي ٦ ومعاه دبلة الماس اكيد والمهر يتراوح بين ٦ لي ٨ حسب مثيلات البنية وحسب حالة الريال الموظف غير عن الطالب واللي يشتغل بالنفط مثلا غير عن المدرس وهالوظايف فهمتيني
وبالنسبة للشبكة اذا انتو معطين البنية ٦ مثلا تقدرون تييبولها الشبكة او ممكن تعطونها زيادة ٨ مثلا وتقولولها الشبكة عليكم
وطبعا كل شي بالاتفاق وعلى حسب حالة الريال

والدزة حطوا فيها المهر والدبلة الالماس والعطورات العربية والفرنسية ومصحف ومبخر وبخور ودهن عود غالي هذول الاساسيات
اما الاضافات تقدرون تحطون فيها ساعة ماركة والحين غالبية الدزات فيها ساعات وفيها خاتم ذهبي يكون ذهب او ماركة
وهم تقدرون تحطون ثوب صلاة كشخة حرير ومطرز مع سيادتها وتلبسون المصحف بحيث يصير طقم
وتقدرون اذا ماشريتوا شبكة تحطون طقم ناعم حيييييل وذرب
في ناس تحط جنطة ماركة وبوكها بس هالموضة صارلها فترة مختفية انا انصحكم تركزون عالساعة وتقطون عليها وايد بتكشخ الدزة
هذول اغلبية الاشياء اللي بالدزة واتمنى اكون فدتج وادعيلي بالذرية الصالحة =)

 

[Mrs.Q]

وبالنسبة لنظام الدزة يا تييبين صندوقين كبار يا صندوق كبير ووياه ٢ او ٣ صغار وساعات يكونون خمس صناديق باحجام مختلفة
حاولي تنقين شي رزة بالعرض ولمن تنقين صندوق قولي حق صاحب المحل يفصلج اسفنجات عالاغراض اللي بتحطينها عرفتي شنو قصدي؟ الاسفنجات اللي تيي ملبسة بمخمل بحيث كل غرض يصيرله مكانه الخاص ويطلع شكلهم رزة بالتقديم
انا وايد احب صناديق الدر المنثور احس يتعبون عليهم والخشب مالهم يهبل مو حشو ومضغوط لا اييبولج الهندي الاصلي
بس طبعا عالحظ ساعات يبدعون ساعات تحسين شغلهم عادي
اذا قررتي تاخذين من الدر المنتثور عندهم عطر اسمه فخامة كشخة ومال معاريس عود مركز واذا حبيبتي اخف اخذي عطر ثراء ريحته مميزة ويا البخور واذا تبين شي خفيف اخذي مسك ورد غريب وفواح

التغليف سوالف تلفلف بتور وسيلوفانات وحراير وشرايط بطلوا يسوونها واصلا شكلهم مو حلو في ناس علبو بيسوون الدزة نفس ايام كويت قبل بكشة وهالسوالف يقومون يخربون كل شي ويلفلفون وتروح رزة الدزة

امممم هذا اللي ببالي الحين
اذا بخاطرج شي اتمنى تسئليني عالخاص ترى انسى المواضيع اللي دشيتها
والله يوفقكم ويتمم عليكم بخير

 

[دلوعة أبوهآ]

آلمهر يختلف حسب امكانية الماديات عن كل شخص ..

,

 

[الطفلة الحكيمة]

مشكورين حبايب قلبي خصوصا mrs.q ماقصرتوا

 

[بكيزة هانم]

وناسه

 

[ALMooOooN]

حبيبتي الف مبروك

و بالنسبه للمهر يختلف من عايله لي الثانيه

و بالنسبه للدزه

المحلات ما خلوو شي

امل الكويت عندهم شغلات زوووغه

تقدرين تفترين علي المحلات و تختارين اللي يناسبج

 

[اميره^_^بحلآها]

اب لعيونج

والله يوفقكم

 

[ماكواسم2]

المهر على حسب ميزانية الولد في وحده معانا في الدوام 2,5 وهي بنت .. يعني اذا الريال حالته شوي ضعيفه الناس ما ادقق مو تقولون اهم شئ الاخلاق

 

[قوس قزح]

اب اب اب

 

[جيجي 1410]

بنوتآت ايش تقصدو بالدزه ..؟..,

 

[سـلام العـشق]

من 6 لي 10

على حسب كل عايلة وامكانيات المعرس

 

[modern]

حسب امكانياته و الاهم يكون انسان صالح و يحبك

 

[reem alflla]

اناوالله عطوني 7 بس الصج الصج ماعجبني ولويت بوزي بس ابوي قال الباجي من عندي نيهاهاهاهاااييي
ودبلتي الماس وماركه عليهم
وشبكتي الماس هم عليهم
ويابولي دزه تحـــجي

وابوي حبيبي قال العرس عليه لاني ريلي ابوه متوفي وتوه متوظف يعني مو مكون نفسه فعاد ابوي طلع فيها وقال بس عاد نتفتي الصبي والعرس علينا


وتره محد يتحجى بالمهر نهااائيا كلششش مادري عن باجي البيوت بس هذا نظام بيتنا

بس الغالب يعطون مثل ما عطو بنات عمها

وكلش مو لازم شبكه كله على مقدرة الريال عنده خير وبركه ماعنده مو لزوم يتنتف بعد زواج هذا والواحد يشتري ريال ويبي الستر
واي سؤال بالدزه حااضرين حبي :**

 

[reem alflla]

واييي نسيت اقولج تره الناس الحين ما قامت تودي دززززه دززززه انا يابولي لانه امه حجيه كبيره وعندها لازم دزه

بس بنات عمي وبنات خالتي لا ما تعتبر دزه الي يابوها لهم لانه مكملات حق المهر لانه فشله بس يعطونها الفلوس حاف فـ سولهم صندوق مجكنم وذرب حطو فيه قرآن وعباايه راس لااازم حتى لو مو متحجبه والمهر و هديه منكم عاد اكو ناس تهادي ساعه او سوار وخاتم او تراجي الماس عاد كيفكم انتو انا عندي كل واحد حسب امكانياته

 

[((غلاي))]

يختلف حسب كل عايله و امكانتيات الزوج
الله يوفق الجميع

 

[دريم لوفر]

اب

 

[منيرة@]

٦. يعني ٦٠الف ريال يوووه منجد كثيرررر

 

[قطوووة]

موفقين