كواية البخار!!!!! شاسم احسن ماركة ؟؟؟؟؟؟؟

[AL REMAS]

السلام عليكم ورحمة الله وبركاته
عرفتوا قصدي كواية البخار اللي تعلقين الثوب وتكوين فيها
ابي وحدة بخارها قوي وتكوي العبي والملافع وثياب الحرير
لان بعضها يتغير لونه من الكواية العادية
و تدرون اذا القطعة فيها شغل او كسرات او ستراس ما يضبط عدل بالكواية
فياحبذا
اللي مجربة كواية بخار تكوي عدل وسهلة الاستعمال
تعلمنا بماركتها وسعرها ومن وين شاريتها
ودمتم سالمين

 

[AL REMAS]

اللي عندها خبرة بكواية البخار تفيدنا

 

[الأماكن]

هاااااااااااااي يا الريمااس

شوفي حبيبتي...

كواية البخار حلوووووة و عملية جداااا جداااا
تقدرين تكوين فيها كل شي تقريبا
الستاير و مفارش الطاولات و كنابل السرير و إذا عندج ديباج جديد تقدرين تكوينه
الملافع و العبايات و النفانيف حتى بدلات السهرة
و البدلات إذا عليها قطع و كلف خايفة عليها لا تخترب

ميزتها إنها سرررررررررريعــــــــــــــــة و ما تاخذ وقت منج

مالتي شريتها من الغانم بس م أذكر ماركتها و أعتقد إنها 18 دينار يمكن أو أقل ما أتذكر بالضبط لإنها قديمة عندي​

 

[اميرة الزهور]

براون احسن ماركة

 

[AL REMAS]

هاااااااااااااي يا الريمااس

شوفي حبيبتي...

كواية البخار حلوووووة و عملية جداااا جداااا
تقدرين تكوين فيها كل شي تقريبا
الستاير و مفارش الطاولات و كنابل السرير و إذا عندج ديباج جديد تقدرين تكوينه
الملافع و العبايات و النفانيف حتى بدلات السهرة
و البدلات إذا عليها قطع و كلف خايفة عليها لا تخترب

ميزتها إنها سرررررررررريعــــــــــــــــة و ما تاخذ وقت منج

مالتي شريتها من الغانم بس م أذكر ماركتها و أعتقد إنها 18 دينار يمكن أو أقل ما أتذكر بالضبط لإنها قديمة عندي​

مشكورة على الرد
تكفين شوفيلي شنو ماركتها او اي معلومات مكتوبة عليها
لان بعض الانواع ما تنفع بالمرة

 

[AL REMAS]

براون احسن ماركة

اسعدني مرورج
جربتيها؟ تكوي عدل !!!!!!!!
لان في انواع ما تكوي مادري ليش يبيعونها

 

[النبيطة]

انا جربت كواية اونير رهيبه فوق ماتتصورين ماشاءالله بخار متواصل ماينقطع مثل بعض الكوايات
بحدود 300 ريال واهم شي انك ماتشغلينها وعلبة الماءفاضيه ماتحتاج مويه حلوة بس عاديه وفيه كوايات بحدود1000 ريالشكل الهيكل حلوة هيكل اقوى بس انا اللي عندي عاجبتني وخدمتني زي ما ابي

 

[AL REMAS]

انا جربت كواية اونير رهيبه فوق ماتتصورين ماشاءالله بخار متواصل ماينقطع مثل بعض الكوايات
بحدود 300 ريال واهم شي انك ماتشغلينها وعلبة الماءفاضيه ماتحتاج مويه حلوة بس عاديه وفيه كوايات بحدود1000 ريالشكل الهيكل حلوة هيكل اقوى بس انا اللي عندي عاجبتني وخدمتني زي ما ابي

مشكووووووووووووووورة
اول مرة اسمع بماركة اونير
راح ادورها واجربها

 

[سيدة الكويت]

عفيه ريماس اذا شريتى قولى لى جزاج الله خير

 

[رنين]

اي و الله يا ريماس....
اضم سؤالي لسؤالج لأني جربت نوعين اول ماهو شحلاتهم تالي لا و الله طاحوا من عيني.....

 

[AL REMAS]

اي و الله يا ريماس....
اضم سؤالي لسؤالج لأني جربت نوعين اول ماهو شحلاتهم تالي لا و الله طاحوا من عيني.....

هلا اختي رنين
شنو اسمهم اللي جربتيهم عسى مو براون والا فيلبس انا ناوية اشتري منهم
واختي سيدة الكويت
راح اوافيج بالتفاصيل اول باول ان شاء الله

 

[* عباية راس *]

ناويه اشتري لي وحده بس مادري شنو الفرق بين الماركات او على اي اساس شي احسن من شي على السرعه والا كمية الماي والا شنو بالضبط


اتمنى تساعدونا بخبرتكم

 

[بنت الحزن]

بروان

 

[atooma]

انا ماركه بانوسينك كوايتي بس بالكرتون شاريتها حق العرس

 

[روزالكويت]

بنات هاه جربتوا اي ماركه وظبطت معاكم؟؟

 

[رنين]

ريماس لا هذي و لا ذيج

ما اذكر الاسامي مو ماركات معروفه....


بالنسبه لبراون ما جربت الاوتي لكن محضرة طعام كنت استعمل باناسونك كدت معاي أول ماهو لكن عقب اذتني بكثر الخراب....
براون ريحتني اكثر.بفضل الله....

و فيليبس انا اعدها افضضضضضل شي...
ماقط شريت منهم جهاز و غثني....
بالعكس كد و مد و كل ما عتج حلى بعيني اكثر>>>زل ايراني مو اجهزه مشالله




عباية راس >>>> الفرق بالدرجه الاولى يكون بالكفاءة... و في فروقات صغيره ثانيه.
يعني كل ماركه تكون نفس النتيجه(اوتي مثلا) لكن كل وحده تركيبتها من داخل غير و بعضهم يتفاضلون بالحركات الصغيره الي تميزهم عن بعض.
مثل سهوله الاستعمال ....شكثر يطول الماي معاج..... احتمال ان يتغير لون الماء مع الوقت و الا لأ.... المسكة .... دفع البخار و قوته .... وأهم شي النتيجه...أي تصميم يعطيج نتائج افضل.ما يحرق الهدوم مهما قربتيه و بسرعه ينكوي الشي معاه الخ الخ ...كل ها الاشياء و اكثر تحدد لج الكفائه.....

عشان جذيه نسأل الي جربوا بالتجربه فقط لا غير نقدر نعرف شنو الاريح

 

[النبيطة]

قلت لكم اونير وانتو مغمضين
ماشاء الله كم سنه عندي ويوميا اشغلها
بخارها متواصل مايقطع
شفت عند قريبتي بس ماعرف اسمها مرة شينه مو شي على قولتكم