كورس أنا سعيده (متفائله)♡♡

[فاطمة 25]

للطاقه الإيجابيه
المشاركات تستمر ل 40 يووم
أو أكثررر ..
المواضيع فقط عن الطاقه الإيجابيه .. عن السعاده . عن الحب والأمل والثقه بالنفس

مانبي ناس محطمه
مانبي ناس حزينه وكئيبه .. طردوا الهموم من داخلكم .. خليكم أكثر ثقه بنفسكم
نبي كلنا نتغير
نكون أسعد .. أفضل .. متفائلين .. أكثر ثقه بنفسنا

تنبيه?
ممنوع وضع الفيسات والرموز التي تعبر عن الحزن والقلق والقهرر والبكاء ..
نبي أشياء سعيده
الفيسات الجميله إلي تسوي طاقه ايجابيه في الروح
??❤?

 

[فاطمة 25]

��لتطرق السعاده ارواحكم ❤��
احبتي كلنا ينشد السعاده
ويبحث عنها ساعيا بشتى الطرق
لكن السعاده تجدينها في الإخلاص الله
في ذكر الله لتطمئن روحك وقلبك
السعاده في سجده في منتصف الليل
بعد اقامة صلاه الليل
واستغفاره اناء الليل واطراف النهار ��
السعاده في ابتسامه دائمه على محياك
السعاده تبحثين عنها في اعماقك
��المداومه على تلاوه ��سوره يس
اقل شيئ مرتين يعمل عمل السحر في الروح
������❤����❤��

**

 

[فاطمة 25]

��الحمدلله..
أتنفس..وأستشعر ..
وأتعايش
بوفرة الحب الإيماني♥

�� الحمدلله طاقة الحب تتوهج بداخلي
��أنا أنبض
��أنتعش
��أنشر الحب
��بداخلي وبداخل جميع الناس
��وكل من يعيش معي ويتصل بي ♥بوفرة الحب♥
⤵
اليوم
����شمسي ستشرق با♥لحب
لينتشر♥ دفئها على أرجاء ��الكون

♥فأنا أفعل طاقة الوفرة بالحب ♥

"طاقة الحب تتفاعل معي ومع الآخرين"
��أنا أحبني ��♥
احبك نفسي واثق فيك تمام بأنك تتوجهين إلى القمه وبالجهه الصحيحه
الحمد لله على ذلك والحمدلله على نعمه علي
الحمدلله الذي أوجدي ...
الحمدلله��
☆☆

 

[فاطمة 25]

رددي��❤
- أنا سعيده - أنا إيجابيه
- أنا أستمتع بكل لحظه من لحظات حياتي
- إن تحققت أحلامي سأكون أسعد والحمد لله
- وإن لم تتحقق أمنياتي
- سأبقى سعيده ولن يؤثر شيء على سعادتي إطلاقا
- أنا أتحدى الظروف الصعبه .. ولا أدعها تؤثر علي ..
- أنا أبتسم وأشكر الله حتى في الألم والوجع
- أنا بإمكاني أن أهزم الحزن وأتغلب عليه
- السعادة تتجدد بداخلي يوميا والحزن لا يدوم وعمره قصير
♧♧

 

[فاطمة 25]

لاحسد بعد اليووم��

علاج الحسد ����

أكبر خطأ تعتقده الفتاة أو المرأه
1 إنها محسوده
2 الناس حاسدينها أهي وأهلها
3 عيونهم كلها عليها
4 سبب كل عله تصيبهم من الناس .. سواء مرض أو إبتلاء أو قلة توفيق

صحيح في ناس قلوبها سوده وحسوده وماتحب الخير والنعمه لأحد

وكل ذي نعمه محسود
والحسد والعين حق

بس أكبر خطأ تخطئينه بحق نفسك وأهلك إنك تعتقدين بالحسد ..

وتفكرين فيه ليل ونهار وتخافين منه
تعلمي تكونين قويه وماتخافين

لأن أنتي بسبب تفكيرك بالحسد .. تتوهمين وتتخيلين أشياء لاصحة ولا وجود لها

منو أقوى ؟
الله ولا عيون الحسود

طبعا الله ..
مو أنتي مؤمنه
مو الله الخافظ
تصلين .. تقرين قرآن
تذكرين الله

رددي بإعتقاد تام؛ ��❤
أنا ماحد بالعالم يقدر يحسدني
أنا ولا أكبر قوه بالعالم وعيون تقدر تضرني
أنا قويه لأن أعتمد على الله
أنا أثق بالله
أنا الله حافظني وحاميني من كل عيون (ومن شر حاسد إذا حسد)
������
إذا تظنين أحد حاسدك
قولي:
يارب هذه الساعه فك عني الحسد
يارب بهل ساعه شيل العيون عني
يارب إذا مسحوره فك عني السحر
����
واستجبنا له ونجيناه من الغم

بعدها قولي
الله فك عني الحسد
الله فك عني العيون
الله فك عني السحر

أنا مو محسوده
أنا مو مسحوره
أنا بألف خير
أنا بنعمه
أنا بعافيه

لا *** ولا حسد ولا إعتقادات وظنون سيئه

أنا أقرأ المعوذات
أنا أستعين بالله
أنا ماخاف من الحسد
أنغ ماخاف من عيون الناس


المؤمن مبتلى
مايصيبك من مرض أو بلاء .. فهذا حال الدنيا .. وكل الناس.. هو إختبار من الله.. فكن شاكرا وسعيدا دوما وثق بالله
لاتقل عين ولا حسد ...

أنزع هذه الأفكار للأبد من رأسك .. هي تجلب لك كل شيء سيء ..

كن إيجابي .
أي شيء سيء يحصل لك
قل كفارة لذنبي
تطهير لنفسي
يبلوني ربي أأكفر أم أشكر

سأكون سعيدا
حتى لو كنت مريضا
وحتى لو خسرت ..
☺☺

 

[فاطمة 25]

قصه قديمه
كانت البنت جميله ومن أهل الأحساء
وبال 19 من عمرها
خطبها ولد عمها وتزوجته
وكل شيء صار بسرعه ..
بدون فترة خطوبه
لأن أبوها ماكان يرضى بهل شغلات ... على أهل أول
وصار العرس .. وبليلة الدخله
البنت كانت خجوله ومارضت زوجها يقرب منها ..
بدايه صبر عليها ...
لين نفذ صبره وأراد يجبرها على هالشيء وياخذه بالقوه.. فصارت ردة فعل سلبيه ونفرت منه ..
ماعرف كيف يكسب قلبها .. وهي ماتبيه يلمسها ويقرب منها
وكان صعب يطلقها
وهو شاب ومحتاج لزوجه
فقال الحل يتزوج عليها ويخليها على ذمته..
لكن كل ماراح خطب بنت وشرح لأهلها وضعه ... رفضوا يناسبونه .. بحجة إن بنتهم ماوافقت .. وماله عذر يبقي الزوجه الأولى على ذمته .. فأضطر يطلق زوجته الأولى عشان يتزوج غيرها .. وشرح لأبوها وأمها السبب.. وتفهموا الوضع

أبوها وأمها قالوا يمكن بنيتنا ماحبته .. واحنا جبرناها عليه.. لعل وعسى الله يرزقها بغيره ويتغير الوضع .. وهي تكون نضجت أكثر ..

وخلال فتره بسيطه
ماهي إلا عدة شهور خطبها رجل مؤمن .. ورفضته .. بسبب الخوف ... وكل ماتقدم واحد قالت ماتبيه .. أحتاروا أهلها معاها .. كيف يرغبونها بالزواج ..
وطبعا البنت كانت منعزله شوي .. ماتختلط مع البنات إلي بعمرها .. كانت تحب الدراسه .. وماتطلع واجد من البيت..

الأم تشوف البنات يعرسون .. وإلي بعمرهاا متزوجات .. هاذي حامل .. وهاذي عندها جاهل .. وذيك أثنين .. وبنتها لأ .. رافضه الزواج ...

وحده من النسوان كانت معروفه تحل مشاكل وخلافات ويستشيرونها بالقضايا الصعبه

فأم البنت راحت تصيح وشكت لها الحال

قالت الحل ترغبون بنتكم بالزواج.. وتزرعون بداخلها الحب والرغبه بالعلاقه الزوجيه والإنجاب والأمومه ..

الأم قالت لها شلون؟؟ مو كأن هالشيء صعب ولو ماتقبلت الكلام

قالت المره خليهاا علي
لو خطبها واحد وانتو وافقتوا عليه وحبيتوا تناسبونه .. بلغوني ..

وفعلا تقدم ولد الحلال ... وهو فاقد الأمل يوافقون .. لأنه سمع إن هالبنت كلا ترفض الخطاب ...

وأم البنت فرحت لمن سمعت إنه من الصاغه (أصحاب محلات الذهب).. وولد عز وحسب ونسب ... وإنه متعلم ومثقف.. وحليوو ونظر ومخطط��
بس كانت يدها على قلبها .. كانت تتمناه زوج لبنتها .. بس هالبنت القشرا شكلها بترفضه

فتذكرت الأم حلالة المشاكل ..المره نفسها إلي راحت تكلمت معاها فقالت المره .. خلاص ردوا على الولد وأهله وقولوا إنكم موافقين بدون ماتدري بنتكم

قالت الأم صعبه ويمكن ترفض البنت ونتفشل..

قالت ثقي بالله ثم فيني فيني
أنا خبيره وحليت مشاكل كثيره

وفعلا قدرت المره تحل الموضوع .. راحت بيت أهل البنت .. وسكرت الباب عليها وجلست مع البنت
وكلام طويل .. . وصارت ترغبها بالشاب .. وتوصف لها مواصفاته وجماله وثقافته .... وتكلمها عن الزواج .. وعطتها كتاب .. ونصحتها تقرأه ... وكلام إيجابي .

البنت أقتنعت بس بعدها خايفه .. ووافقت وتزوجت ...

لكن هم بعد نفس الشيء.. رفضت الزوج الجديد يقرب منها

بعدها حست إن المخاوف كلها تدريجيا بدأت تتلاشى

زوجها عرف كيف يتعامل معاها .. زرع الحب والثقه داخلها والإيجابيه ...

ومع الوقت.
البنت المنعزله . صارت إجتماعيه وتسولف وتضحك ..
وكل إلي يعرفونها لاحظوا الفرق

الزبده
أي مخاوف وأفكار سلبيه .. بإمكاننا نعالجها ونتخلص منها

^^^

 

[فاطمة 25]

كثير من العقد والأفكار تكون أمور أنتو غرستوها بنفوسكم
ومع مرور الزمن ..كبرت ونمت
وصارت شيء يزعج .. بدون مانشعر ..

مثل النبته .. بدايتها بذره .. ولمن نسقيها كل يوم .. تكبر وتنمو ويصير لها جذور بالأرض

فالأفكار إلي مو زينه
أنتو كنتوا كل يوم تسقونها .. من حيث لاتشعرون .. وصارت لها جذور بأعماقكم

وجاء الوقت إلي لازم تقطعونها وتستأصلون جذورها .. وتسوون تنظيف للمكان

وتزرعون مكانها شتلات جميله ..وزهور فواحه بالعطر والجمال

تقولين
أنا ماقدر .. لا مستحيل
مو ممكن .. أنا مو حلوه
أنا فاشله
أنا ماعندي ثقه بنفسي
أنا وأنا .
أنا حزينه .. أنا وانا وانا

وأمور تضيق الخلق

ما ألومش إذا تكونين مكتأبه وكارهه الدنيا

جاء الوقت إلي لازم تمسحين كل هل كلام من داخلك وتسوين تنظيف .... دلييت.. كلييين

������

نبي هل قروب يترك أثر حلوو بنفس كل وحده فينا

تتغلب على ضعفها
على حزنها وكآبتها

تقول أنا سعييده
وهي فعلا تحس بالسعاده

تكون واقه بنفسهاا وتحبها

@@@

 

[فاطمة 25]

السعاده الحقيقيه
تنبع من الداخل ♡
تبين وقت الأزمات ��
����������
وحده كانت غنيه وعندها فلوس وعايشه بعز .. وكانت سعيده ومتنعمه ...

وصار إنها خسرت كل شيء .. وتغير وضعها المادي ...
باعت البيت الكبير .. وسفرت الخدم ...

وصارت تسكن في شقه أجار ... زوجها تركها وطلقها وأخذ إلي خذه ... وبقت مع أولادها 2 صغار ...

صديقاتها تعجبوا منهاا ..
بعدها قويه .. يشوفونها مبتسمه ... هي تبكي وتحس بالحزن ... والألم لأنها خسرت ...بس السعاده بقت بنفسها .. راحوا فلوسها وراح زوجها .. لكن سعادتها كانت داخليه .. تقول مافي أي سبب يزيلها .. تشتغل بالبيت .. وتروح وظيفتها ... وصارت تطمح إنه تمتلك بيت .. حتى لو بسيط .. وأنها ستحصل على زوج أفضل من زوجها السابق ...

كانت إيجابيه ...
بسمتهااا رائعه ...
بإشراقتها وتفاؤلها وحبها للحياة

تعرفت على رجل حزين وكئيب .. ماتت زوجته بحادث. قدرت تحببه بالحياة .. وتعطيه تفاؤل .. وهو عفويا حبها وعرض عليها الزواج
تزوجهاا وحب أطفالها وصار لهم أكثر من أب.. وكان هو بعد يسكن بشقه .. وحاليا يبني بيت ... فوقفت معه ..
وحست بسعاده أكبر من إلي كانت عايشتهاا من قبل...

€€€

 

[فاطمة 25]

الإيجابي
مثل كل الناس
يبكي ويحزن .. وتمر عليه لحظات صعبه وحزينه .. وضروف قاسيه

لكنه يمسح دموعه بعد البكاء ويبتسم .. وحتى مع الضيق يستشعر الراحه..

يعرف كيف يتعامل مع الحزن .. وهاذي الأمور بمهاره . مايخليها تسيطر عليه .. أو تأثر على سعادته

مايتشاءهم .. بالعكس يكون متفائل .. ويتطلع للأفضل����

 

[حديث الروح]

موضوع رائع
وفقك الله
وجزاك خيراً