كوفي شوب .. محتاجه مساعدتكم وأفكاركم

[roseberry]

السلام عليكم ..

مرحبا حبيباتي ...

حبيت استشيركم في شغله ... ودي اسوي مشروع كوفي شوب
ابي اعرف شلون ابتدي .. ومن وين ابتدي ..
بيكون بس كوفي وكيك بأنواعه .. وسندويشات ..

كم الميزانية الكاملة للمشروع تقريبا ..
كم شيف اجيب وكم مساعد طباخ ..
كم جرسون ..
من وين أجيب طباخ يكون عنده خبره ..
كم راتب الشيف تقريبا
من وين أجيب صحون غريبه وأكواب إذا حد يعرف موقع معين أكون ممنونه
وين أسوي المنيو وبوكسات الكيك والأكياس

شنو تنصحوني يكون الستايل كلاسك أو مودرن
مع إني اميل للفرنسي الكلاسك

امممممممم أدري كثرت بس محتاجه مساعدتكم والله يجزيكم خير

أنا بالدوحه بس أقدر أجي الكويت لإني ادري فيها شغلات حلوه​

 

[lebanon night]

اذا مشروع مرتب من 10 الاف الى30 الف عالخفيف
الشيف و العمالة عن طريق اعلانات بالوسيط أو شركات توظيف
الموقع عن طريق سمسار او تلفي عالمجمعات مثلا الافينيوز مارينا ..... الخ حسب وين بدك تفتحي

الصحون و الاكواب يا اما بالجملة من الشويخ او اذا بدك شي راقي من محلات معينة
الاكواب و الاكياس من المطبعة أو مصمم يعملك الشغل كله
المنيو مع الشيف وحسب نوع شغلك
اذا حطيتي مدير للمشروع حكي لبناني و للشيشة مصري و الجرسونات فلبينين و أسيوين أو مصري بس مرتب

اي كوفي شوب ناجح متل قهاوي مارينا تحرصي يكون في أرجيلة (شيشة) وجو عائلي + شبابي بطريقة وفكرة موديرن
واحسن قهاوي بالكويت و اللي انا بعتبرهم التوب
فاشن كافيه
تشي تشي
أيامي
أيام زمان
التياترو
سفن بارز
قصر السريا و البردوني و الصنوبر

واذا بدك أفكار أكتر ممكن ساعدك بهل المشروع بكل شي من الالف للياء واذا عالافكار فيكي تعمليه موديرن هيك

وعندك تراثي متل بزة

وفي كتييير أفكار لهل الموضوع
المهم تختاري الموضوع القريب من قلبك و تحاولي تعملي كافيه فكرته قريبة منك

 

[91 hellokitty]

السلام عليكم

ابي اعرف شلون ابتدي .. ومن وين ابتدي ..

روحي شوفي المشروعات الصغيره

بيكون بس كوفي وكيك بأنواعه .. وسندويشات ..
حلو بس حاولي تسوين انواع الكب كيك الي الناس يحبونها روحي حق اكثر من كوفي شوب وتناقشي معاهم شنو اكثر شي عليه الطلب

كم الميزانية الكاملة للمشروع تقريبا ..
ماعندي فكره هم بالمشروعات الصغيره اهما يعطونج فكره
كم شيف اجيب وكم مساعد طباخ ..
مبدأ يمكن 3 واحد كاشير وثنين يسون الكوفي والكيك

كم جرسون ..
ماله داعي جرسون لو يكون الطلب من عند الكاشير مثل ستاربكس
من وين أجيب طباخ يكون عنده خبره ..
سألي موظفين في ستاربكس او نستلا اهما اخبر
كم راتب الشيف تقريبا
ماعندي فكره بس اتوقع 150 مو اكثر

من وين أجيب صحون غريبه وأكواب إذا حد يعرف موقع معين أكون ممنونه
اممم في عندج بنتا حلو واسعارهم رمزيه حيل وعندج سيرز
وين أسوي المنيو وبوكسات الكيك والأكياس
مممم علي حسب الميزانيه
شنو تنصحوني يكون الستايل كلاسك أو مودرن
ميكس بين الكلاسك والمودرم
مع إني اميل للفرنسي الكلاسك
الاستايل الفرنسي وايد راقي



نصيحتي لج روحي دعم المشاريع الصغيره وساليهم وروحي حق البنات او الشباب الي توهم مبطلين كوفي شوب وساليهم عن المشاكل الي واجهتهم وعن افضل موقع وان شاء الله مايقصرون
اتمنى اني اكون فدتج موفقه ان شاء الله ولاتنسين تعزميني على الافتتاح

 

[roseberry]

ليالي لبنان .. هيلو كيتي

وايد استفدت منكم .. مشكورين وماقصرتوا

بس أنا من قطر ... وممكن أجي الكويت اذا الاشياء متوفره

ماقصرتوا حبيباتي وان شاءالله أبلش في المشروع واستضيفكم فالكوفي​

 

[91 hellokitty]

حبيبتي العفو وموفقه يارب

 

[أسووومه]

وااااو خوووش تجاره

بسم الله الرحمن الرحيم

يلاا اربطووو الاحزمه

البدايه : اختاري موقع مميز و فيه ارتداد و مساحه المحل اكثر من 100 متر

خليه تقليدي كوفي وكيك بأنواعه .. وسندويشات ..

اتفقي مع شركه تورد لج الكيك و السندويشات بشكل يومي او حسب الطلب مع تشكيله واسعه

البدايه فقط 20 الف دينار كويتي كل شي جديد و على سنقت 10

حبيبتي انتي فاتحه كوفي شوب مو مطعم هندي كلش مو بحاجه لطباخ و مساعد طباخ

يبيلج 4 موظفين من الجنسيه الفلبينيه 2 ذكور و 2 أناث

و هم اللي ينظفون و هم الكاشير و هم اللي يسوون الطلبات لزباين

مثل : ستاربكس و كوستا و كاريبو و ذاكوفي بين و كثير من الشركات العالميه المعروفه

ماتعرفين منو فيهم الطباخ من الفراش

بالنسبه للمعاش و اللي قبل المعاش لازم توفرين لهم سكن و واحد يوصلهم لسكن

و يفضل لو سكنهم قريب من عملهم عشان توفرين السايق و السياره

المعاش بسيط و ضعيف 150 دينار الي 200

من اين مكان اشتري الصحون و الاكواب وفي النهايه روحي لمطبعه و خليه

يطبع علىيهم اسم المحل و شعاره و عندي المنيوو و التصميم

خلي استايل المحل مثل الشركات العالميه و لا تشطين عن المألوف

و في النهايه التجاره ربح و خساره و الرازق الله ابذلي اسباب النجاح

و تذكري : (( ان المال السايب يعلم السرقه ))

و لا تنسين كاميرات المراقبه بالمحل

اتمنى لج التوفيق