كوكتــيل عشــــاء فـــاخـر بالصووووووووور

[ريم الصبايا]

المنيو
The MENU ....


*سله شيكولاته
نافورة الشيكولاته .....
اصابع من البسكويت الساده والسمسم .....
مارشميلوو ملون ......
فراوله طاززهـ ........

*بوب كورن بالملح
بوب كورن بالجبنه
شيبس دوريتز حار وليز بالملح
ديبس للشيبس

*السلطه اليونانيه
السلطه الخضراء
سلطة طحينه

*ساندويشات الدجاج
ساندويشات الهوت دوق بخبز من صنع ايديا ...
ساندويشات جبن حلووم
ساندويشات الجمبري بصوص الصويا

*المشروبات ..

القهوه العربيه
شاي
نعناع
شامبين سعودي
غازيات بارده
قهوه تركي بعد العشاء

السلطه اليونانيه

قطعي خس امريكي + خيار + جزر مبشور + ملفوف ابيض شرائح رفيعه + جرجير + فلفل لون اصفر مقطع شرائح + بقدونس وشبت وكزبره


اخلطيهم سوا وثم الطبقه الثانيه حطي شرائح من الطماطم الصغيره ... زيتون اسود
ومربعات جبن فيتا ( استخدمت الخفيف من المراعي ))

وصبي عليه الصوص(( زيت زيتون وملح وعصير ليمونه وفلفل اسود و2ملعقة خل )) طبعا ذوقوا لحد مايجي معاكم الطعم اللي تحبوه ...

واخيرا رشي على الوجه سماق وريحان وشوي اوريغانو ....

السلطه الخضراء

قطعي خس امريكي + خيار مقشر + جزر مبشور + ملفوف ابيض واحمر شرائح + جرجير + بقدونس وكزبره وشبت + فلفل لون احمر + حمص حب معلب + ذره حب معلب ..


اخلطيهم سوا وثم وقت التقديم صبي عليه الصوص
(( صوص قودي ثاوزند ايلاند + الصوص الفرنسي + ملح + خل بلسميك +علبة زبادي + ملعقه صغيره مايونيز ))

وزينيه بالخبز المحمص الجاهز

سلطة الطحينه ..

اخلطي 2علبة زبادي + 3 او4ملاعق كبيره طحينه سايله + رشة ملح + فص ثوم مهروس + 2 ملعقة مايونيز + عصير ليمونه ..

حركيها بالشوكه سوا لحد ماتختلط وذوقي الطعم ...
اذا تحبينها ثقيله زودي من الطحينه ...

تتجمل بحبات الحمص وزيت الزيتون والفلفل الاحمر


ساندويشات الدجاج

احمسي بصل وثوم مقطعين صغار ...
ضيفي لها بهاراتك المفضله والملح ...
وثم ضيفي الفلفل الاخضر والملفوف والمشروم ...
حركيهم زين ثم ضيفي الدجاج المسلوق والمفتت ...

حفظتها مغطيه كويس بالثلاجه ووقت ماجيت احشيها حركت معاها ملعقتين مايونيز وحشيتها بالخبز الجاهز من حبيبات السميد مع قطع من الخس لتزيين الساندويش من الداخل ....:
ساندويشات الهوت دوق مع الخبز ...

الخبز طبعا من تصليحي وهو عجينه العشر دقايق....
عملتها مدوره وثم دهنت الوجه بالبيض ورشيت شوي سمسم وشوي حبه البركه ...

الهوت دوق قطعته صغار ...

بس حمست بالاول بصل وثوم وثم فلفل اخضر وبعدين حطيت الهوت دوق...

حطيت بهارات ايطاليه واكثر شئ كمون وفلفل اسود ...

ولما خلص وطفيت النار حطيت فوقه بقدونس وكزبره وشبت مفرومين عشان يعطي نكهه حلوه ..​

لا تردون بكمل

 

[ريم الصبايا]

ميني بيتزا ...

نفس العجينه حقت الخبز ..
بس فردتها وثم قصيتها لدوائر صغيره ...

الحشوه كانت عباره عن ::
حمست بصل وثوم وطماطم ...
حركتهم كويس وثم ضفت بهار مشكل ...
زدت عليه كاتشاب وثم خلطته بالخلاط ...

دهنت فيه البيتزا وثم حطيت فلفل اخضر ومشروم وزيتون ملون اسود واخضر ...
رشيت عليه من فوق بالاوريغانو .. ودخلته الفرن ...
سكرت عليه من تحت ثم حطيت طبقه من جبن الشيدر وثم طبقه من جبن هجدو ..
وحمرتها من فوق بس شئ بسيط ،،.،،عشان تسيح الجبنه ...


5/ ساندويشات الجبن الحلوم ..

جبت خبز توست وفردته شوي ...
حطيت طبقه من الطماطم ثم قطعه مستطيله من الجبن ...
ثم ورقه جرجير .... وتدهن بزيت زيتون ...
غرست فيها عود عشان تمسك الطبقات .. وجملته من فوق ...
وممكن تحمصينها راح تكون احلى

ساندويشات الجمبري بصلصة الصويا

احمسي البصل والثوم ..
ثم ضيفي الفلفل والجزر المبشور ..
حركيهم كويس ثم حطي الجمبري ..
حطي صلصة الصويا الثقيله ( المركزه ) المعتدله ...
ضيفي بهارات السمك وشوي ملح ...
غطيه لحد ماتنشف مويته ويستوي...

بعدين هاتي خبز صامولي صغير وابدي احشيه ...

على فكره فيك تحطين شطه او كاتشاب او مايونيز بيطلع يمي يمي


شامبين سعودي

2 عصير تفاح او علبه راوخ الكبيره
علبة سفن اب
علبة باربيكان بالتفاح ..

قطعت شرائح تقاح وليمون واوراق النعناع ...

ثم صبيت العصير بالمايل يقولون عشان الغازات ماتروح ...

ذقته وكان تمام وزدت العلبه الثانيه من عصير التفاح لزوم السكره...

طبعا سويته من العصر عشان يطلع فيه طعم التفاح والنعناع اكثر ....

ووقت التقديم ضفت الثلج عشان يكون ثلج ويبرد علينا عقب الردح ...
نافورة الشيكولاته

سيحت علبة نيوتيلا الكبيره في حمام مائي ...
تقريبا زدت عليه زيت خفيف كاس وكنت احرك لحد ماصار خفيف ....

شغلت النافوره وصبيته فوقها وطلع هيك
ديب الشيبس

اخلطي علبة زبادي او علبتين حسب اللي محتاجته ...
مع ملعقتين مايونيز + رشه ثوم باودر + رشه سماق + رشه ملح الليمون + عصير ليمونه + رشة زعتر اخضر ..

حركيهم كويس وذوقي الطعم اذا تمام او زيدي عليه ملح عادي...

يقدم مع الشيبس
منقووووووووووووووول

 

[ريمه الكويت]

واااااااااااااااااااااو ماشالله يشووووووووق يعت خوووش بوفيه ناخذ افكار منه بس اهم شي الشامبين هههههههههه:dddds: بدعت مع الثلج

 

[om-HaSsoOon]

حلوووو مشكوره

 

[جارة القمر]

رووووووووووووووووووعه


مشكووووووووووووووووووره

 

[ريم الصبايا]

يسلموووووووووووووووووووو على المرور الروووووووووعه

 

[ضحكة الدنيا]

مشكوووووووره حبيبتى على النقل الحلو للموضوع

 

[78MariMar78]

ماشاءالله يعطيج العافية

وتسلم الأيادي

 

[زهرااا]

وااااااااااي شهيتينه

 

[كويتيه كيوت000]

تسسسسسسلم ايدج بصراحه شي فاخر ومجهود تششششششكرين عليه

 

[myaj_q8]

فعلا شى روعه تسلم ايدج ويعطيج ألف عافيه ياقلبى

 

[الحــــــلا كله]

مشكوووره حبيبتي
روعه

 

[نووووونا]

مشكوره افكار حلوه ومميزه

 

[زيـטּ عَبْس]

تسلمين على النقل

 

[Love Make Up]

ماشاء الله عليج وتسلم إيدج عالسنع هذا كله ...
وبالعافيه عليكم..

 

[ABEER FLOWER]

يسلمو ريم على النقل الرائع

 

[أنــا]

الله يعطيك العافية ......ووووووااااااااااااااااااااااوووووووووووووو وين كنت ؟؟؟عنك؟؟

 

[وجدان الكويت]

ماشالله وايد حلوو

يصلح حق ريوووق بعد

 

[قطوة@@]

يعطيج العافية

 

[ريم الصبايا]

تسلمووووووون على الردود اللي عطرت صفحتي بريحة الورد