كولكشني من أرماني .. بالصور والاسعار ..

[نور^عيونه]

مرحبا بنات
:eh_s(17):​

باركوووولي .. واخيرا فتحوا كاونتر لمكياج ارماني فالدوحة :rerrerek:..
ومكانه لبنات الدوحة فمحلات السلام .. اللي عند الستي سنتر​

رحت قلت بشوف شنو عندهم , لان قبل رفيجتي جابت لي اساسهم اللي الكل يمدحه من دبي
وحبيته الصراحه خفيف وفيه لمعة حلوة ..
رحت وياليتني مارحت هههههههههههااااي ... كل شي عندهم حلو ... والماركة راقية من قلب ... المهم ماقصرت وخذت لي كم من شغله .. ورحت البيت وانا حاسة للحين في اشياء فخاطري .. كان اشرد من الدوام ثاني يوم الصبح واكمل ع البااااقي
.. بحطها لكم كل شي حتى السامبلات بالصور والاسعار ..​

هذي المجموعة كاملة ... صارلي يومين حاطة الاغراض قدامي واطالعها بفرحة خخخخ​

​

نبتدي فالفاونديشن والبودرة
عندهم 3 انواع فاونديشن , قبل جربت اللي تغطيته وسط وفيه لمعة , هالمرة خذت اللي تغطيته قوية و لونغ لاستينغ فاونديشن , واللي مهم انه فيه واقي من الشمس SPF 20 , يعني اذا بتحطين مكياج لوقت طويل او ف جو حار و رطب هذا بيكون الفاونديشن المناسب
والبودرة فيه نوعين , بودرة مضغوطة , وبودرة مع اساس مضغوط وهذي اللي انا خذتها وبعد فيها واقي من الشمس بنسبة SPF 34​

​

الفاونديشن
lasting silk uv foundation spf 20
الدرجة رقم 5
و السعر 244 ريال قطري​

البودرة
lasting silk UV compact
الدرجة رقم 5.5 تجي على برونز شوي , يعني لو باخذ لوني بالضبط كان المفروض اخذ 5
السعر 260 ريال قطري​

هذي صورتهم على يدي , على اليمين الفاونديشن بس وعلى اليسار الفاونديشن فوقه البودرة​

​

الحين نجي للـ بودرة الحرة ,, اتععععععععب وانا اقول تجنن , تقدرين تستخدمينها فوق الاساس على طول , او تستخدم فوق الاساس والبودرة لتثبيت المكياج , او هايلايتر , لمعتها وااايد حلوة وعلى الطبيعة احلى من الصور بوايد , لونها لؤلؤي على وردي مع شوية بنفسجي , مدري شلون اوصف اللون , وتجي على لون واحد بس
يوم راحت كان ثاني يفتحون الماركة , تخيلوا باقي منها 2 بس خخخخ خلصوها البنات​

pink loose powder
السعر 198 ريال قطري​

​

هذي صورتها على يدي​

​

وهذي بعد ماخففتها شوي​

​

^^^ شويات وراجعتلكم بالباقي ^^^
:eh_s(9):​

 

[نور^عيونه]

نرجع ونكمل مع باقي المشتريات
:ggdw:​

وخذت بلاشر لونه بيبي بينك ,, من كوليكشن لـربيع 2011 ,, يعني بيكون ليميتد اديشن ,,
تقدرين تستخدمينه بلاشر او هايلايتر ,, لانه فاتح وايد وفيه لمعة شوي​

سعره 198 ريال قطري​

​

​

وهني صورته على يدي​

​

اما الشدو ,, فعمري ما اقتنعت بشدو مايكون بادور خخخ مدري ليش
احسه لو حطيت شدو كريمي بيلصق عيوني وبيتكتل وبيخطط فوق جفوني
بس هالمرة قلت خلني اجرب واخذ هالشدو ,,
بنات عجيييييييييب ,, اولا هو مو كريمي ,, مدري شنو تحسينه نفس الشدو العادي بس كانه على موس او رغوة او مدري شنو
لاتكتل ولا كان صعب احطه , بالعكس وايد سهل وحلو ولونه ملفت ع العين​

eyes to kill intense
الدرجة رقم 1 Blast of Blue
السعر 130 ريال قطري​

​

​

​

المسكارا
الصراحة زينة بس مو بيرفكت ,, يعني تعطي طول صح بس للكثافة لازم استخدمها مع مسكارا ثانية
يعني ممكن تستخدم كـ مسكارا مساعدة , مايعتمد عليها بروحها خخخخخ طبعا هاي بالنسبة لي لاني ماقتنع الا بشي يخلي رموشي كأنها تركيب , يعني اللي تحب لوك طبيعي وايد بتحبها​

eyes to kill mascara
السعر 172 ريال قطري​

​

​

^^^ شويات ونكمل ^^^​

 

[نور^عيونه]

نكمل مع باقي المشتريات ​

الارواج ,, وااااااااااااااااااااااااااايد حبيت ارواجهم
تهبل يابنات .. الوان روعة وراقية من قلب , ترطيب للشفايف , ماتجفف ولا تشقق الشفايف وهذا اهم شي عندي فالارواج​

​

النوع الاول اللي اسود بالكامل , يجي شوي كانه غلوس , ويعطي امتلاء للشفايف وايد حلو​

sheer lipstick
الدرجة رقم 35 بعد ليميتد اديشن من مجموعة الربيع 2011
السعر 135 ريال قطري​

​

النوع الثاني اللي فيه شعار ارماني فالنص , هالمجموعة الوانها أوضح وكريمية يعني تعطي لون واضح ع الشفايف ونفس الوقت لونغ لاستينغ , يعني ماتروح فنص الطلعة ههههههاااي , ورطبة ع الشفايف ​

rouge d'armani lipstick
الدرجة 506
السعر 166 ريال قطري​

​

الغلوسات
على كلامها هالغلوس مهما اكلتي وشربتي لمعته تتم كانها بلاستيك وماتروح بس للـ امانة للحين انا ماجربته
انا يوم جربته عندهم كان وايد لونه حلو .. وفعلا غلوسي بس مايلصق او يحسسج فيه شي ثقيل ع الشفايف​

lip shimmer lip gloos
الدرجة 1
السعر 130 ريال قطري​

​

^^^ شوي ونكمل مع السامبلات اللي عطتني اللي تبيع هناك خخخ ^^​

 

[بيرلا ستور]

واو ماشاء الله الوانهم تهبل
مبروك عليج تتهنين فيهم وتسلمين عالصور

عاد مادري في منه بالكويت ننتظر حد من البنات يفيدنا

شوقتيني

مشكورة يالغلا

 

[حلوه ولمآحه]

خلآص مآقدر انطر،،
هالمآركه احبهآ من قلب راقيه وذربه امووت عليهآ
المره اليايه مري عطووورهم ،~
وتخلصينهم بالعافيه ~

 

[نور^عيونه]

وعطتني سامبلات لاكثر من شي

اولهم اساس اسمه
face fabric foundation spf 12
الدرجة 2

حلووووووو وايد , كانه بشرة ثانية للوجه , تغطية و اشراق ونعومة نفس وجه البيبي الصغير
بس فنفس الوقت كانج مب حاطة اساس , وايد حبيته وبخليه فبالي للمرة الجاية باخذه ان شاء الله

شوفوا الفرق بين نص يدي اليمين مع الاساس واليسار بدون الاساس

ثاني شي هايلايتر اسمه
fluid sheer
الدرجة 2

تقدرين تحطينه فوق الاساس والبودرة بالطبطبة او تخلطينه مع الاساس
على كثر ماشريت من هالسوالف ماكان فيه شي يعطيني نتيجه حلوة
احسه كان يطلع عيوب فالوجه مع انه مافي عيوب , بس هاي غيييييير , يعطي لمعة بلاستيكية بس بصفاء للوجه

و عطتني سيت لوشن وتونر وكريم

و بيبي مسكارا ,, حلوة حق الشنطة هههههااااي

وأخيرا ,,,,

كنت اشوف العطور من على بعد ,, وبيني وبين نفس اتعوذ من ابليس مابي اروح لاني مدمنة عطور بعد ومابي اشتري اكثر من اللي شريته
الا تقولي الفلبينية ماتبين تجربين عطورنا البرايفت .. سمعت فيه عطور برايفت قلت لها اكيد اكيد ليش لا ههههههههههههههه

رحت جربتهم كلهم ,, بعضهم حلوين وايد والبعض الاخر قوية وايد ,,
قلت بما انه صيف باخذ شي خفيف شوي
خذت هالعطر

اسمه Armani Prive Rose Alexandrie
سعره 625 ريال قطري

مكوناته

bergamot, tangerine, Italian neroli petals, rose and yellow mimosa



بس خلاص خلصنا ( وجه يشعر بالتعب ) هههههههاااي
ان شاء الله تكون عجبتكم الاغراض :yaaaaaarb: , و اي سؤال عن اي شي يمكن اكون نسيته , انا حاضرة للحلوين

​

 

[Eyeliner]

عليج بالعافيه حبيبتي اموت على ارواجهم ماخذتها من العام مع الفونديشن من لندن
في اشياء منزلتها عجبتني بنطر لين ماروح لندن قريب وباخذ لي
وصح اخيرا فتحووه في قطرر جفت الاعلان ذاك اليوم واستانست

 

[ANGEL CAT]

محتاره ارد ولا لا ابيج تخلصين عشان لا اخرب الموضوع بس ابي انام وما ابي ما ارد عليج


مشكووووووووووووره وتتهنين حياتي على ذوقك وتخلصينهم بالعافيه

 

[جوانا2010]

ماشاءالله مره رووووعه عليك بالف عافيه

 

[مناته]

عليج بالعافيه
وايد حلوين
المره اليايه جربي الكوريكتور البرتقال حق الهالات اشوف وايد يمدحونه

 

[روونــا]

تتهنين حبيبتـي ~

بس جربي عطورهـم القويـه عجججججـيبه

 

[سكر وعسل]

يجنن الشادو
امم بغيت اسالج في وين بقطر موجوده ؟

 

[DA3LOoOLA]

مشالله خوووش غريضاااات عليج بالف عافية

 

[شـــهـــد]

عليج بالعافيه

 

[عنود الغيد**]

كلش نايس

بس اساسهم ماحبيته كلش

 

[دلوعة المنتدى]

يعطيج العافيه

 

[• JoJo •]

يعطيك العافيه

 

[hatoona]

واي يشوقوون

​

 

[Killer^Girl]

حلوين عليج بالعافيه

 

[shoosh_uae]

تتهنين فيهم يارب
حبيت لون الشدو مع اني مب من محبين الالوان فوق العيون بس حسيته غريب ويونيييك
^^ :*