كويتيات الي خذوا الاسبرين و ابر الكلكسان ارررررجوكم ...؟

[elpinkya]

السلام عليكم بنات

حبيباتي ابي خبراتكم

انا اراجع بالصباح والسبب انه لي 3 أجهاضات متكرره
و اخذ الاسبرين و ابر الكلكسان احتياط
مع انه مافيني لا تجلطات ولا أجسام مضاد

المهم انه انا اخذ الاسبرين من اول ما حللت و وقفته ثاني اسبوع من الثامن

و انا الحين راح ادخل الاسبوع 39 بعد جم يوم و الدكتور مو راضي يوقف الإبر

مع انه حسب خبرتي و دراستي و استشارتي ل 3 دكاتره كلهم بمستشفى الصباح
انه من اكمل الاسبوع 38 الدكتور يوقف الإبر يومين و يدخلني يولدني

انا قلت حق دكتور رد علي بكل برود عادي مو شرط كملي شهرج و أخذي الإبر

مع انه وضعي الحمدالله راس البيبي تحت و الرحم مفتوح
يعني ما في اي مشكله من انه يوقفهم و يدخلني يولدني


بنات انتوا متي وقفهم لكم و متي ولادتوا


والله حدي خايفه من النزيف بالولاده و خصوصا انه معاي انيما حاده

 

[زين ودلال]

انا دكتورتي قالت عن البيبي اسبرين اوقفه بالثامن بس انا وقفتهم صارلي اسبوع مابي اخذهم

بس الابر مادري ماخذيت

بس مدام دشيتي شهرج ماعليج شر ان شاء الله ومابقالج شي مادري ليش ماوقفهم لج

 

[elpinkya]

ليش وقفتي الاسبرين !؟
و اهي ليش عطتج اياه من الأساس !؟

عندج أجهاضات !؟ او تجلط بالدم !؟


و علي دكتوري مادري عنه والله احس انه مخرف ساعات
حتي بالوصفه مالت الدوا مكتوب انه لازم اوقفهم عشان ما يصير نزيف بالولاده

الله يستر

 

[iLLuMinaTion]

نبي نفهم اكثر

 

[kimoo]

حبيبتي انا ولدت بالاسبوع الاربعين وخمس ايام ووقفت الاسبرين والابر قبل الولادة بيومين ودكتوري ما رضي اوقفهم قبل وقالي الولادة فيه قبلها عوارض بس تبتدي اوقف الابر اذا مثلا عوار قوي او نزل ماي ما اخذها

وانا بعد كنت اخذهم احتياط لان عندي اجهاضات
واخذتيهم ثمان شهور ما وقفت عالاسبوعين لان لا سمح الله ممكن يأثر والله يسهل عليج انشالله بولادة سهلة وميسرة

ودكتوري كان بالمواساة

 

[dlll3]

بس حسب علمي واللي سمعته لازم توقفينهم بأول التاسع عشان مايصير نزيف لاسمح الله

 

[elpinkya]

انا الي اعرفه لازم يوقفهم

حتي لما كنت اداوم بالولاده كل الي مروا علي ياخذونهم يكون الدكتور موقفهم قبله بيومين و يدخلهم الولاده

 

[كويتيه مذهله 87]

حبيبتي انا اخذت البيبي اسبرين وابر كلاكسين

بس تتوقعين متي وقفتهم !!!


لمن طلعت من الاربعين


ما ادري يمكن لان فيني اجسام مضاده وعندي 4 اجهاضات من قبل وانا اراجع بالصباح
والي يقولج الابر تسبب نزيف
هالمعلومه غلط
كملي الابر مدام زينه لج ليش تبين توقفينهم

 

[غنوة ستايل]

لا ياقلبي اللي اعرفه لازم توقفينه
انا اخذ حبوب اسبرين
وقبل الولاده بأسبوع وقفتها يعني وقفتها قبل الاسبوع 37
وولدوني بالاسبوع 38 لاني قيصري .

 

[ورده عنابيه]

حبيبتي انا نفسج مافيني اجسام مضادة بس اجهاض متكرر والدكتور عطاني ابر ووقفهم من الشهر الثامن لان تسبب نزيف اذا استمريتي لي الولادة

 

[SRM]

حبيبتي انا هم مثل البنات وقفتهم الدكتوره تالي مادري جم يوم ودخلتني ولاده والله ناسية قبل ٥ اسنين انتي كلمي دكتورج خاليقنعج وقوليله رايج عشان تطمنين انا اذكر كنت اخذ الابر والاسبرين واجهضت مرة من المرات عادي ماصار نزيف يمكن حسب الحالة كنت بشهر الثاني حامل واجهضت تعوذي من بليس والسلامة من الله الله يحفظج وتولدين بسلامة يارب

 

[elpinkya]

فددديتكم كلكم ما قصرتواا حبيباتي

والله بنات انا مستغربه من هالدكتور

لما رحت الموعد قالي تبين توقفينهم وقفيهم و اهو قاعد يقرا كتابه جنه مو مهتم ..!!


و امس حسيت بعوار و رحت المستشفي و لما قلت حق دكتور الطواري اني اخذ ابر كليكسان انصدم قالي للحين ليش انتي فيج اجسام مضاده
قلت لا بس احتياط عشان الاجهاضات

قالي غريبه مفروض موقفتهم من زمان
و سألني شنو قالي الدكتور
قلت gi قالي كيفج تبين توقفينهم وقفيهم !!

و الله مسكين بطل عيونه قال ليش انتي تراجعين عنده ولا اهو يراجع عندج من الدكتور فيكم ؟؟

قالي انصحج توقفينهم لانه لازم تتوقف قبل الولاده ب 48 ساعه !!

و انا باقي علي موعد ولادتي 6 ايام ان شاءالله
و موعدي يوم الاربعاء و بشوف شنو يقول

 

[ورده عنابيه]

الله يقومج بالسلامه

 

[FoOoShYaa]

أنا أخذ الإبر من قبل الحمل ووقفتهم بعد الولادة بأربع ايام
لأني والده قيصري بس ما وقف الدم في نفاسي إلا بعد ٣٠ يوم

 

[نـور الكويت]

انا كنت اخذهم بيبي اسبرين وقفته بالثامن مادري السابع

بس الابر اخذتها ليه بعد الولاده لمدة عشر ايام لاني قيصريه ..

واستمري ع كلام دكتورج احسن لج ..

وعسى الله يهون عليج ياقلبي

 

[noo7a]

الله يسهل عليج

انا ما اخذ الابر بس البيبي اسبرين لان كان عندي اجهاض من قبل

و الدكتوره قالت لي وقفيه بالثامن

و الصراحه خايفه اوقفهم

 

[أأأميرة الورد]

اااب

 

[أم بشبوشة]

أنا مثل حالتج بالمره الأولي وقفت الأسبرين بالثامن و الإبر قبل الولاده ب 3 أيام و دخلني بطلق صناعي لانه خاف من محازفه عموما بيبي أسبرين يسوي سيوله 5 أيام ولكن إبر كلكسان لمده 12 ساعه عقب أخذ الجرعة

 

[أم بشبوشة]

عموما في كل مره أوقف الإبر يطلبون مني عمل تخطيط يوميا