كويتيات حبيباتي بليز ساعدوها

[هدوء.]

السلام عليكم حبايني ..

بنات والله احترت وين احط الموضوع وقلت ماكو الا بالقسم هذا ومادي اهو مكانة الصح ولا الغلط ..
المهم بدش بسالفتي ..
اليوم اتصلت علي رفيجتي وانا حيل معاها كأنها اختي .. وقاعده تبجي والله ضيقت خلقي
الا تقولي انه ولدها عمره 19 سنة عنده تبول لا ارادي !!
ومو عارفة شلون يتعالج واهي ماتبي تحرجة بالموضوع هذا لانه كبير مو صغير

فا بليز بنات والله اني ابي اساعدها وياليت تفيدوني بالموضوع هذا
يعني وين طبيب حكومة ولا خاص ووين , يعني اي خلفية بالموضوع هذا ...​

 

[أموووووولة]

ان شاء الله البنات يفيدونج ويشافيه يا رب

 

[منوة القلب]

المفروض يروح لطبيب مختص عارف وش علاجه

لازم تصارحه حتى لو بيتحسس من الموضوع لازم يتفهم انه مرض و يعالج منه لا يهمل نفسه

والله يشافيه

 

[هدوء.]

ان شاء الله البنات يفيدونج ويشافيه يا رب

مشكورة حبيبتي امولة جزاج الله خير

 

[اجمل نساء 2011]

رد : كويتيات حبيباتي بليز ساعدوها

والله ماعندي معلومة انشاءالله البنات يفيدونج الله يشفيه بس واضح انه حالة نفسية اتوقع لو توديه لدكتور نفسي خاص يفيدها اكثر ترى مافيها شي

 

[هدوء.]

رد: رد : كويتيات حبيباتي بليز ساعدوها

والله ماعندي معلومة انشاءالله البنات يفيدونج الله يشفيه بس واضح انه حالة نفسية اتوقع لو توديه لدكتور نفسي خاص يفيدها اكثر ترى مافيها شي

مادري والله يمكن .. عاد قلت لها يمكن انة في نفسية او يعاني من شي الا تقولي لا مافيه شي وطبيعي

 

[هدوء.]

المفروض يروح لطبيب مختص عارف وش علاجه

لازم تصارحه حتى لو بيتحسس من الموضوع لازم يتفهم انه مرض و يعالج منه لا يهمل نفسه

والله يشافيه

اي هذا اهو اللي بيصير لكن اهي مسكينة موعارفه شتسوي ولا تبي تسأل احد لان ماتبي احد يعرف بالموضوع لانه الولد كبير مو صغير

 

[مضاوي 75]

توديه لطبيب عام وهو الي يحولها للطبيب المختص

الله يشافيه ويعافيه يارب

 

[هدوء.]

توديه لطبيب عام وهو الي يحولها للطبيب المختص

الله يشافيه ويعافيه يارب

يعني شلون طبيب باطنية وتشرح له الحالة واهو الطبيب يحولها للطبيب المختص بالحالة هذي ,,,؟؟

 

[هدوء.]

شدعوه بنات كل هالمشاهدات ولا في وحده ردت جواب شافي

 

[الدلع عندي]

رد : كويتيات حبيباتي بليز ساعدوها

شوفي يالغاليه هذي احتمال اعراض مرض الام اس والله اعلم لازم الام تكلمه او اخد من اخوانه يروخ وياه الطبيب خل يروح الحكومه يسووله فحص شامل او الخاص يكون احسن هذا الشي ماينسكت عنه

 

[هدوء.]

رد: رد : كويتيات حبيباتي بليز ساعدوها

شوفي يالغاليه هذي احتمال اعراض مرض الام اس والله اعلم لازم الام تكلمه او اخد من اخوانه يروخ وياه الطبيب خل يروح الحكومه يسووله فحص شامل او الخاص يكون احسن هذا الشي ماينسكت عنه

لاحول الله
والله بقولها
حبيبتي جزاج الله خير وماقصرتي

 

[أموت برزة عقاله]

رد : كويتيات حبيباتي بليز ساعدوها

غريبه والله الله يشافيه

اتوقع انه حاله نفسيه لان عمره 19 !!

ويمكن سبب عضوي الله اعلم بس بالاول تروح تسوي فحص شامل واذا طلع كل شي طبيعي توديه الطبيب النفسي

وتحاول تقرب منه وجنه صديقته ولا تحسسه بالاحراج او ان شي عيب ! وتبين له ان هالشي لا ارادي وله علاج وامره سهل

الله يشافيه يارب

 

[نور كوليكشن]

الله يشفيه
خل تروح المستوصف واهو يحولها للمستشفى المختص

 

[** Noura **]

رد : كويتيات حبيباتي بليز ساعدوها

مافي الا حل واحد توديه الطبيب لانه نفسيا تعبان

وخل تقوله مافيها شي بينها وبينه والله يشافيه يارب

 

[هدوء.]

رد: رد : كويتيات حبيباتي بليز ساعدوها

غريبه والله الله يشافيه

اتوقع انه حاله نفسيه لان عمره 19 !!

ويمكن سبب عضوي الله اعلم بس بالاول تروح تسوي فحص شامل واذا طلع كل شي طبيعي توديه الطبيب النفسي

وتحاول تقرب منه وجنه صديقته ولا تحسسه بالاحراج او ان شي عيب ! وتبين له ان هالشي لا ارادي وله علاج وامره سهل

الله يشافيه يارب

والله حدها كاسرة خاطري امة
جزاج الله كل خير يا حبيبتي وماقصرتي

 

[هدوء.]

رد: رد : كويتيات حبيباتي بليز ساعدوها

مافي الا حل واحد توديه الطبيب لانه نفسيا تعبان

وخل تقوله مافيها شي بينها وبينه والله يشافيه يارب

الله يشفيه هالولد مسكين
مشكورة حبيبتي ماقصرتي

 

[Pearl Qatar]

رد : كويتيات حبيباتي بليز ساعدوها

حبوبه .. المفروض الام تتفاهم ويا ريلها .. او اذا عندها ولد ثاني تكلمه وتقوله يتكلم مع اخوه عن هالمشكله
وترا هالمشكله تنحل .. ويروح المستشفي ويعالجونه

ويمكن يكون مرض نفسي لاسمح الله

الله يشفيه يارب

 

[هدوء.]

رد: رد : كويتيات حبيباتي بليز ساعدوها

حبوبه .. المفروض الام تتفاهم ويا ريلها .. او اذا عندها ولد ثاني تكلمه وتقوله يتكلم مع اخوه عن هالمشكله
وترا هالمشكله تنحل .. ويروح المستشفي ويعالجونه

ويمكن يكون مرض نفسي لاسمح الله

الله يشفيه يارب

ببلغها انا عن كل اللي قلتوه لي
وماقصرتي حبيبتي ويعطيج العافية

 

[مرتاحه]

خلها اتوديه طبيب المستوصف
وهو راح يحولها لمختص
وفي مستوصفات حاطين بوستر كبير
وحاطين في موعد عيادتهم ممتى يبطلون
والله يشفيه