كويتيات ساعدوني .. دوخه ~ }

[تنآهيد ..~]

/

\

بنـات أنا تعبت من حالتي عمري 19 سنـه وتوني صغيـرهـ

وكل يوم تعبـانه بشغله ..

ساعات أكـون قاعدهـ مافيني شي وأسولف وأضحك فجـأهـ أدووخ وتركبني حرارهـ


وساعات عادي أقوم من النوم ألقى نفسي تعبـانه كلش ماأقـدر أتحـرك

ومرهـ معدتي عورتني حيـل رحت المستشفى ..

قالولي فيـج إلتهاب بالمعـدهـ طبعا ً ماصدقتهم


رحت خـآص على طول .. وقالي نفس الكـلام

وقالي أبتعدي عن المقالي والمشروبات الغ ـآزيه والقهـوهـ والمايونيـز والكاتشب وواجد أشيـاء

شآكل أجل

عاد أنا ماأستغني عن القهـوهـ وأموت عليهـا ولاشربتها

أطيح بالفـراش من معدتي وأدوخ وتجيني آلام بمعدتي


ومرات أكون قاعدهـ عادي أحاتي شغله فجـأهـ أررجف

وأعرررق واجد ويجيني مثل الهبـوط حتى صوتي

يالله يطلع

رحت حللت كذا مرهـ بخاص ومستشفى عـآدي

يقولون لي فيــج نقص بالهيموغلوبين ونقص حديد

وفيتامينات


وعطوني أدويـه أستمريت عليها ماشفت نتيجــه للأسـف ’’ :0bee2e8d89:


وهم نصحوني بالمنظـار حق معدتي وكذا موعد عطوني

وأخـآف أروح أسويـه كلـه أأجلـه



/


أدري مافهمتوا شي مني / بس شسـوي والله تعبت من حالتي ’’

 

[الكيكه دندن]

رد: كويتيات ساعدوني .. ~ }

الله يعينج ويشفيج التزمي بكلام الطبيب صح راح تواجهين صعوبه بالبدايه لكن صحتج اهم
وحاولي ترقين نفسج بالقرآن مع علاج الطبيب
والله يوفقج​

 

[املاك ss وافي]

رد: كويتيات ساعدوني .. ~ }

هلا اختي انا مثلج دايم تعبانه ومعدتي ياساتر من الالم والدكاتره ذبحوني بالادويه ولاشفت نتيجه بس استمريت على الرقيه الشرعيه والحمدلله موشرط تروحين لشيخ انتي اقري على نفسج والله يشفيج

 

[تنآهيد ..~]

رد: كويتيات ساعدوني .. ~ }

جزاكم الله خيـر

الحمد لله على كل حال

بس القـرايه ماأخليها ودايما ً أقرى على نفسي ..

 

[نووووونا]

رد: كويتيات ساعدوني .. ~ }

هلا اختى ما تشوفين شر حبيبتى

بس انتى عارفه شنو فيج لازم تتحملين شويه وتصبرين عشان صحتج ,, ابتعدى عن هالاشياء ايللى تضر

صحتج وكثرى من الاغذيه ايللى تزيد الهيموغلوجين عندج وفيها حديد مثل الجبده والتمر وغيره

والمعده المفروض تعالجينها عشان ترتاحين وما تاذيج اذا كبرتى ,,

والف سلامه ,,,,,,

 

[فديت عيوني]

رد: كويتيات ساعدوني .. ~ }

اذا تبين صحتج التزمي بالادويه

والله يشافيج

 

[تنآهيد ..~]

رد: كويتيات ساعدوني .. ~ }

مشكورين بنات ماقصرتوا

الأدويـه أستمريت عليها لين خلصت والله بس هم ماكو نتيجه

أبي حل

 

[تنآهيد ..~]

رد: كويتيات ساعدوني .. ~ }

 

[تنآهيد ..~]

رد: كويتيات ساعدوني .. ~ }

للرررفع

 

[نوير هانم]

حبيتي عليج باصيام لانه معدتيح تعبانه
عزيزتي بمكن فيج جرثومة نشطة لازم تسوين تحاليل انا كنت نفس حالتج بس التزمت بالقرا ن والعسل من العويد والله والله والله

انصحج نصحية اخت راح تصير لج طاقة

واذا تبين شي انا اختج في الله عندج ايملي دز لي مسج واي سؤال حاضر

 

[تنآهيد ..~]

ماقصرتي حبيبتي

وإن شاء الله أطبق اللي قلتيه ..

 

[ii DareeN ii]

حبيبتي التحليل يبين مؤشرات التهاب المعدة وعشان تتاكدين لازم منظار وترا مايخرع لازم تبدين لعلاج مبجر عشان ماتزيد المشكلة قوي قلبج وسلامات شي اهون من شي

 

[تنآهيد ..~]

مشكورهـ حبيبتي

بقوي قلبي وأح ـآول أسوي المنظـآر ..

 

[$$ صعبة الوصوف $$]

اولا / ماتشوفين شر يالغاليـــه ..

تعبت وانا احن عليج بسالفة هالمنظــآآر ..

شنااطره انتي

روحي ياقلبي جيكي وألتزمي بكالم الدكتور اللي يمنعج منه وخري عنه نهاائيا ..

وسلامة قلبج يالغــلا

 

[Q8ia_100%]

ما تشوفين شر

 

[تنآهيد ..~]

الشر مايجيكم

صعوبه

حياتي أنتي .. رحت للدكتور ضيق خلقي كل شي ممنوع .. تعبت شآكل يعني

والمنظآر بحآول أسوي إن شاء الله بس أبي تشجيع

 

[جاي الضحى]

أهلين ريماس...ما تشوفين شر...بشري عنج!

من وصفج للي تمرين فيه أحسج وصلتي إلى مرحله إن صحتج أهم بكثير من طعم القهوه وغيره من الممنوعات...اتبعي تعليمات الطبيب حالياً بدقه...وفي نفس الوقت انتي تحتاجين إلى فحوصات شامله مثل ماذكرو بعض خواتي...يعني تروحين طبيب بموعد مسبق على بو انج بتسوين فحوصات كامله...دم وبول وضغط ...إلخ. مو تروحين على بو طواريء ويلصونج في أي شي... أعراضج تشير إلى مشكله عضويه...نتايج التحليل راح تدلي الطبيب إلي مصدر المشكلة ومن ثم التوصل إلى العلاج الشافي بإذن الله...هل وزنج طبعي ؟

الشي الحين يتوقف عليج وعلى حرصج على صحتج مع التوفيق من الرحمن...طهوره إن شاء الله.​

 

[تنآهيد ..~]

جاي الضحى

مشكورهـ حياتي

وأكثر من مره سويت تحليل وقالولي مثل الأعراض اللي كاتبتها بالموضوع

شكلي والله بروح ع يوم بسوي المنظآر بس المشكله ماكو وقت وأخاف من المنظآر

 

[قلبي معاك]

خبيبيتي ما تشوفين شر بس انتي تحاتين شي او متظايقه من شي؟؟؟؟؟
تحسين مافيج طاقه؟
ترجفين وتعرقين؟
تدوخين وايد؟
شلون نفسيتج؟
شلون شهيتج للاكل؟
نومج تغير؟وجم ساعه تنامين؟
جاوبيني وان شاءالله افيدج

 

[تنآهيد ..~]

تحسين مافيج طاقه؟

إيه ..
ترجفين وتعرقين؟

مرات ..
تدوخين وايد؟

يس ..
شلون نفسيتج؟

نص ونص ..

شلون شهيتج للاكل؟

ببيتنا ماآكل إلا شوي .. وأروح بيت عمي أدب دب مو طبيعي .. والحين قاع أسوي ريجيم ..

نومج تغير؟وجم ساعه تنامين؟

كل يوم متغير مره أسهر يومين ومره أنام ..