كويتيات مالي غيركم بعد الله دشوا كلكم بليز

[منــال]

السلام عليكم

يارب عسى كل وحده ترد على موضوعي وتخفف من معاناتي يارب تخفف من معاناتها وترزقها
من حيث لا تحتسب :eh_s(11)::eh_s(16):
بنات ان من النوع اللي يحب يتشكى لمى تكون عنده مشكلة وهالشي سبب لي مشاكل مع خواتي
قاموا يقولولي احنا ترى مانحب الشكاوي لانها تسبب لنا ضيقه :eh_s(16)::eh_s(11):
بنات اذا اختج اقرب الناس لج ما تبيج تتشكين لها فحق منو تتشكين انا ما اقدر اكتم
اذا كتمت احس اني بموت واحس امراض الدنيا كلها اتييلي شسوي بنات شنو الحل هل اكتم
واحتمل طبعا الشكوى اولا واخيرا لله سبحانه لانه اهوا اللي بيده الحل بس الواحد احيانا
يحب يفضفض منو مرت بنفس اللي امر فيه وشنو الحل برايكم هل اسكت واتحمل الامراض ولا
اتحجى وما الاقي احد يسمعني بلعكس الاقي الكل يبعد عني ويزفني ويكرهني :eh_s(11)::eh_s(16):
شسوي بنات قولولي عفيه :eh_s(11)::eh_s(16):

 

[Tom ♥ Jerry]

,

حياتي فضفضي لنا هني ,, ترا كلنآ خوأت و على قلب وآحد
و بندعيلج و نعطيج حلول :*

 

[فوفو22]

انا متزوجه سنوات طويله وعمري ما شكيت لاهلي

لانه ممكن انا اتصالح وانسى ولكن الاهل ما ينسون

حبيبتي

الشخصيه الشكايه بعلم النفس اسمها شخصيه سلبيه وتدور حولها هاله تبعد الناس عنها

مثال

لما اتصل ب بدريه تهلي وترحب وتسولف ولسانها كله لله الحمد
لما اتصل بريم ...اول شي شكوى انها ما نامت لانه فيها صداع وعقب عيالها خلف الله عليهم وتالي زوجها وعناده وتنهيها بخدمها

صرت شوي شوي ما احب اتصل فيها لانها تنقل لي الطاقه السلبيه

الحل

الشكوى لغير الله مذله

اشتكي لربج ثم

اما تستشيرين ناس ثقه بحل المشكله من الصديقات او المنتدى

فوفو

 

[عادت ذكرياتي]

الشكوى لغير الله مذلة إما تشتكين لربج أو ممكن تفرغين كل الأمور السلبية ومشاكلج بكتابات مثلا ...إلخ


والله يوفقج

 

[الدنيا لحظه**]

حبيبتي احنا خواتج لاتحاتين واي شي تبين حاضر

 

[لمى الهاجري]

احنا خواتج هني اشكي لنا وقولي الي بقلبج

 

[ạ7ạśêś ~]

.

اشتكي ماحد ماسكج بس اشتكي لـ ربي سبحانه ماحد بيسمع لج غيرهِـ سبحانه

 

[هيبة ملك]

والله نفسي

لكن مالقيت اللي اثق فيه عشان اشتكي له غير الله

فكله تلاقيني هني مع خواتي اي شي يصير افضفض لهم

يافديتهم مايقصرون معاي

 

[أبلة فاتن]

عندج هالموضوع افرغي كل مافي جوفك فيه ونحن كلنا اذان صاغيه لكي​

 

[Ghreba eb derty]

حبيبتي مافي احد بالدنيا ما عنده مشاكل ومثل ما يقولون لي سمعتي مصيبه غيرج تهون عليج مصيبتج وترا الناس ما يحبون الشخص اللي يتشكى وايد والاخت فوفو وضحت من هالجانب وهو سبب نقل طاقه سلبيه لهم يعني الناس تحب اللي يجلبون الفرح والسرور لقلبهم مو اللي ينكدون عليهم وكله مشاكل مشاكل حتى لو كانوا خواتج اول شيء شوفي المشكلة حاولي تحلينها بروحج واذا واجهتي مشكله كبيره وتحسين انج محتاجه احد يوقف معاج ويساندج ذيج الساعة روحي حق الناس المقربين لج*

 

[dlallii]

الشكوى لغير الله مذله
حبيبتي كل ما حسيتي ب ضيقه و تبين تفضفضين قومي توضي و صلي لج ركعتين بس مو بسرعه لا تركدي فيها و بوقت السجود ادعي الله سبحانه لان مثل ما تعرفين ان العبد يكون قريب من الله عند السجود
و والله من تخلصين تحسين ماعندج شي تقولينه و ان كل اللي بقلبج قلتيه

 

[chalange girl]

احنا كلنا خواتج

 

[Zahra 93]

حبيبتي كلنا عندنا مشاكل وقليل لما تلاقي اًذان تسمع عودي نفسج ان مو كل وقت راح تلاقين يسمعج ويكون امين..... اختاري رفيجاتج وشوفي من يستاهل يكون قريب منج ويسمع شكواج

 

[عسل سل]

مثل ما قالت الاخت فووووفوووو
قولي مشكلتج بالمنتدىىىى ولا تقولينها للقراااايب

 

[جامعيه كويتيه]

والله يالغاليه انصحج الشكوى لغير الله مذله خواتج حتى لو يحبونج ويغلونج
طبع الانسان يمل ومايتحمل
كل ماتضيق فيج حطي سجادتج وادعي واشكي لربج سبحانه
هو مغير الاحوال وقادر ع كل شي
واذا تبين نصيحه احد او مشوره عندج خواتج او بنات المتتدى
المهم لاتطلع للعايله
والله يفرج همج يارب

 

[miss-rooose]

ي حياتي الله يفرج عنج ... بس حاولي تقللين من الشكوى خاصه اذا كانت السالفه عاديه وماتسوا .....

ودايم خلي شكواج لربج ،


وترا كلنا خواتج فديتج

الله يوفقج ويشرح صدرج

 

[كويتيهة]

اشكي لربج بالسجود :$

و جيبي دفتر خصصيه للفضفضه كل شي بخاطرج اكتبيه بالدفتر

والله يخفف عنج ..

 

[Ms.MrMr]

صحيح الواحد يحتاج شخص يفضفض له
وانا نفسج ما احب اكتم

بس مو نوعي وايد اتشكى الا اذا شي يسوى ساعات اكلم روحي

فكره " كويتيهة " حلوة سويلج دفتر وكتبي حق روحج او كلمي رووحج

وان شاءالله قدرت اساعدج

 

[اخلاقي تكفيني]

حبيبتي اذا تضايقتي سيده توضي و قومي صلي و بعدين اشكي حق ربج و قوليله كل شي والله راح اتحسين براحه ..
واذا على خواتج في اوقات يكونون مستانسين و ما يبون شي يضايقهم !

 

[ريماR]

في فرق بين تشكين همج وتفضفضين للقرب شخص لج
وبين الحنه الي اربعه وعشرين ساعه تعيدين السالفه وتمللين الي عندج