كويتيات ياااااااااااابعد حيي وميتى انتم بجد احبكم,..................................

[طوووطه]

مرحبا كويتيات شلونكم


بصراحه انا المنتدى استفدت منه واجد بصراحه واحس انكم خواتى وكلكم تحبون تفيدون غيركم وانا مستانسه انى سجلت فيه

بنات انا عندى مشكله ومتفشله اقولها بس بقولها لانى تعبت منها واتمنى تفيدونى


بنات انا من يوم كنت صغيره اى احد يقرب منى مثلا بيكلمنى استحى من ريحه النفس احس انهم بيشمون منى شى عرفتم بس مادرى فى ريحه ولالا يمكن مشكلتى نفسيه

قبل كانت عادى المشكله عندى بس اللحين قريب واتزوج خاف زوجى يقرب منى يقول شفيها ماتكلم ههههههههههههه
ماعرف والله
انتم بنات مثلى ولا بس انا ؟؟
وشنو عنايتكم بهالمنطقه عشان تكون حلوه الريحه
المشكله الثانيه المنطقه الحساسه
نفس الشى احس فيها ريحه وانا مافينى اى شى سليمه بس يمكن قله اهتمام والله بنات اخاف من هالمنطقه ماعرف شسويلها ؟؟

فيدونى بنات
ومشكووووووووووورين على جذى منتدى
واتمنى تفيدونى لانى بجد احسكم خواتى

 

[طوووطه]

بنات ارفعولى الموضوع بليز

 

[ليتني مـآ كبرت]

حبيبتي بالنسبة للحلج فرشي و استخدمي غسول و استخدمي كاشط للسانج لأن بعض الروائح من اللسان
وعندج لزقات تحطينها بحلجج وتذوب ريحتها حلوة.. و نظفي بين اسنانج بالخيط بس مو دايم عشان مايطلع فيج فراغات بينهم

وقبل عرسج روحي عياة جيكي على اسنانج إذا فيه سوسة / كلس أو شي جذي
وسوي تنظيف ...
وترا اهم شي تنتبهين لأكلج لأن ريحة الحلج أساسا طالعة من المعدة ..

بالنسبة للمنطقة الحساسة ليش تخافين تقربين يمها؟؟ نظافة المنطقة أهم شي بالنسبة للبنت أو للمتزوجة

شوفي حبيبتي بالبداية لازم تهتمين بنفسج وقت الدورة من أكل و أدوية وغيرة ..

بتقولين ليش؟؟ أقولج عشان تتجنبين الافرازات اللي لها ريحة هذا غير الهوا والأصوات

بعدين لازم تغسلين بغسول خاص عندج انتيميت أو كير فري اختاري اللي يناسبج

بعدين لازم عقب كل حمام تتنشفين عدل لأن الرطوبة تسبب بكتيريا وتعفن هذا غير الروائح

أو عندج غسول المرة هم زين ..

وعندج مسك القرشي المكعبات عقب كل سبحة ادعكي منه خفيف على الثنايا ومن فوق بدون لاتدخلين شي لأنج بنت

وعندج بعد المسك السائل هم من القرشي ونفس الاستخدام و الأفضل تخففينه شوي بماي ..

نجي للحف استخدمي الطريقة اللي تريحج .. بس نصيحة بعدي عن الموس يسب سواد هذا غير الشعرة تطلع غليظة..

عندج مجموعة العروس من بروان سعرها بحدود 30 دينار حلوة وتصلح لجسمج كله لان معاها كذا راس..

و آنا كل يوم آخذا مسحة واحط فيها شوي اسكينول و امسح بصراحة مرتاحة حيل وتعطيج احساس بنظافة ..

و عندج غيارات يومية حلو تلبسينهم إذا معاج افرازات ..

حبيبتي إذا عندج إي أسئلة لايردج إلا لسانج ..

ومبروك مقدمـــا ... بحطلج صور اللي قلتلج عنه عشان تستفيدين

 

[البنوته تووووته]

اى حبييتى انا مرات احس جذى لووووووووول

بس اهم شى الاهتمام

اب لعيونج وان شاء الله البنات مايقصرون

 

[عليـــاء]

اكيد كل بنت تهتم باسنانها ولثتها قبل زواجها حتى ولو كانت سليمه وركزي على غسول الاسنان


كذا مره باليوم استخدميه ...



وبخصوص المنطقه الحساسه اطلعي على موضوعي بالرابط


http://wwww.q8yat.net/showthread.php?t=642356



الله يكتبلك السعاده والهنا بحياتك