كويتية وراتبي لايكفيني

[شويمه]

معلماتي انا معلمة وكويتية بعد بس في ظل هالظروف ومتطلبات المعيشة اصبحت رواتبنا لاتكفي ولاتلبي احتياجاتنا فالراتب لايصل الى اول الشهر وبقيتة يمشي عالبركة
بغيت منكم افكار لزيادة دخلي لاتبخلون علي بأفكاركم

 

[Miss samora]

ويييييييييييي حاولت قبلج أوفر ماقدرت كل آخر شهر اتسلف بس أنا أصرف على أهلي والله كريم

 

[شويمه]

حبيبتي توفير ماورى وجيهنا توفير بس نبي شي اضافي يحسن دخلنا وكلنا والله نصرف ع بيوتنا واهلنا والله كريم

 

[ام حنااين]

مع انى ماجربت بس ماشالله عليهم التاجرات بالمنتدى ممكن تشتغلين مثلهم

 

[جيتك تعال]

اولا ممكن تتحكمين في صرفك ... بمعنى تستغنيين عن بنود صرف مالها دااعي

ولا تقوولين لي مافييه لان بجد الكويتية مسررررررررررررفة

شي ثااني مثل ما قالت لك ام حنااين جربي تتاجرين بشغلة بس يبيلها قوة وحظ

شي ثالث ممكن تشتغليين بعد الظهر " وزارة التربية فاتحة هالمجال اندية مسائية + نادي الفتياات "

وايد شغلاات تقدرين فيها تزيدين دخلك بس اول شي ييبي ورقة وقلم وكتبي كل بنود الصرف عندك

وشووفي الي ماله دااعي الغييه او عالاقل قلصييه ماله دااعي ياخذ ميزاانية وايد

واخيرا لو حاولتي توفرين مبلغ بسيط وتنسينه صدقيني بتلاقين عندك مسااحة مادية كبيرة

ومولازم كل شي ابيه يجي بنفس الشهر

 

[منورة الكويتية]

تصدقي وكثري من الحمد

 

[(كويتيه عسل)]

احسن حل لا تروحين وايد السوق الا اذا بشترين

لا تروحين وتتتمشين راح يزوق قلبج وتشترين الاكو والماكو

واذا بتروحين لا تاخذين بطاقات البنك خليهم في البيت

وحددي كل اسبوع شكثر تحتاجين وصرفي من اللي عندج اللي انتي محددتهم

انسي عندج فلوس جنه عندج بس هذول راح تضطرين تحافظين عليهم

جذي تتحكمين في مصاريفج والشغلات اللي تحتاجينها لا تشترينها مره وحده

ابدي بالضروري واللي في خاطرج فيه ومومستعيله عليه اجليه للشهر الياي

موعلشان ماعندج بس علشان تتحكمين في مصاريفج وخلي دايما فلوس لوقت

الحاجه ماتدرين سيارتج تخترب وظرف يصيرلج تحتاجين فلوس

وكل شهر حطي في حسابج الثاني فتحي حساب استثماري وحطي 50 دينار

ولا تنسين كل شهر صرفي ارباع او انصاص ووزغي على الفراشات

او اشتريلهم شي اذكر ابله معاي في المدرسه شرتلهم شالات ايام البرد

او طلبيلهم فطاير يتريقون فيه تاخذين اجر

 

[Čut!e Quèéи]

اي والله صاجه
ناسين المدرسات
الله يكون بالعون

 

[يا قائم آل محمد]

"قلت استغفروا ربكم إنه كان غفاراً يرسل السماء عليكم مدراراً ويمددكم بأموال وبنين ويجعل لكم جنات ويجعل لكم أنهاراً"

 

[بنت اوسكو]

يا حلو اللي يحمد الله على النعمه القناعه كنز لا يفنى​

 

[شويمه]

شكرا لكل من ردت علي فديتكم بنات ديرتي بس خلكم معاي شوي انا ماجلة البيت علي وعيالي ومعاش الخدامة واقساط للسيارة وقرض وامشي ؤاتب شهري لامي اذا بوفر كم اوفر ومتى اشتري اللي خاطري فية اذا حتى مصرف الجيب بالعافية يكمل معاي اخر الشهر لازم اتسلف

 

[james546613]

شكرا لكل من ردت علي فديتكم بنات ديرتي بس خلكم معاي شوي انا ماجلة البيت علي وعيالي ومعاش الخدامة واقساط للسيارة وقرض وامشي ؤاتب شهري لامي اذا بوفر كم اوفر ومتى اشتري اللي خاطري فية اذا حتى مصرف الجيب بالعافية يكمل معاي اخر الشهر لازم اتسلف

شوفي في بنود بميزانتج ثابته لايمكن تغيرها مثل راتب الشغاله ولكن في بنود متحركة يعني متغيرة مثل الماجلة يمكن تغير فيها وتوفرين بعد ....يعني العيد تزيد المصاريف والمدرسة بعد ولكن في الشهر الي مافية مناسبات ممكن توفرين فية والقرض ابي يوم ويخلص وترد فلوسك لج وجيذي ان شاء الله توفرين والاستغفار والحمد يبارك في فلوسج ويزيدهم

 

[ضحـاوي]

رواتبنا خير والحمدالله.

بس انت ظروفج غير وتحتاجين دخل ثاني

اشتغلي العصر بالمسائي

 

[ريم الخليج]

شكرا لكل من ردت علي فديتكم بنات ديرتي بس خلكم معاي شوي انا ماجلة البيت علي وعيالي ومعاش الخدامة واقساط للسيارة وقرض وامشي ؤاتب شهري لامي اذا بوفر كم اوفر ومتى اشتري اللي خاطري فية اذا حتى مصرف الجيب بالعافية يكمل معاي اخر الشهر لازم اتسلف

سؤال ؟؟؟ وين زوجك مسؤوليه مصروف البيت والعيال عليه اما الشغاله كلنا حنا نقدمها ونسلمها رواتبها حبيبتي لازم تفهميه ان هذا واجبه وخليه يصرف على البيت بلي يقدر عليه

اما انتي ساعديه مساعده فقط وبكذا رااااح توفرين والله يبارك لك في رزقك وعليك بالصدقه ولو بالقليل

 

[قــل مـا تـشـاء]

إذا فيه إمكانية تكتبي كم رتبج وكم تصرفين مصروفات ثابتة ( الشغالة واللي تعطينه أمج والأقساط والقرض )
وكم شخص أنتو عشان نساعدج وإذا عندج أجار والا لا وإذا خاشه جمعية والا لا وإذا فيه قطية شهريا لفطورج
وحاااولي قد ماتقدرين أنج ماتتسسلفين وأحسبي متى يخلصون القروض والأقصاد لأن هذا بالحااااله ياخذ من الراااتب وااايد

 

[روحي زوجي]

احمدي ربج ترا النعمه زواله شنو مايكفيج راتبج ؟ قولي ابي ازيد دخلي مو تنكرين فضل الله عليج

الحمدلله والشكر ناس تحمد وناس تبطر

 

[a7la-elbanat]

الحمدلله الراتب يكفي ويزيد بعد بس يمكن انتي ظروفج مختلفه حاولي توفرين لنفسج ولاتشترين من الغالي

 

[كادى الحب]

ليش اعيالج مالهم معاش من الحكومة

 

[فرحه]

بنات ترا احوال الناس تختلف عن بعض

اذا هى تدفع راتب خدامه وهى اللى تستقدمها ترى غيرها لا كله على الرجال او مناصفه بينه وبينها حتى في راتب الخدامه هى نص وهو نص

البعض عنده اقساد سيارة ويقاصد سيارة عياله او اهله

ومصاريف العيال وبيت وكماليات وقروض اثاث وغيره

اذا انتى بنت وفي بيت اهلج غير اذا انتى زوجه وعندج عيال

الله يكون بعونج

 

[خيشة شكر@]

الله يعينا على الدنيا احنا بخير والحمدلله