كويكلي الله يرضى عليكم ساعدوني

[soss]

انا زوجه ثانيه لشمالي شرقي في بداية الخطوبه سألت امه وخواته هل زوجته على علم قالو ايه بعد الزواج تفاجأت أنها ماتدري ولما واجهت زوجي قال اذا تبي اصبري او روحي فطبعا صبرت استمر زواجنا بالسر سته شهور بعدها عرفت وكانت حامل في الشهر الثالث عرفت بالصدفه لانه هو ماقال لي لانه مانعني من الحمل ، على طول تركت الحبوب وحملت الحمدالله دحين عمر ولدي خمس شهور للأمانه زوجي قلبه طيب لكن شخصيته ضعيفه عند زوجته الأولى ودائما في رسايلها تحسسه بنقص في رجولته وكذا ، صبرت على عدم العدل الى تقريبا قبل اربع شهور راحت بيت أهلها بعد ماضافني في كرت العايله زعلت وماراح ترجع لمن يخلص لها فيلا بأسمها جاب لها شغالتين وسواق وحجز لهم بكره مسافرين برا المملكه مصروفها الشهري هي وأولادها عشره آلاف وانا بالقوه اذا عطاني مبلغ قعد يحاسبني عليه انا كنت صابره وأداريه لكن تقصيره ذبحني انهد حيلي وصبري ، مستأجر لي شقه تفشل ومن شهر رمضان متفقين نخرج شقه اكبر وانظف قاعد يأجل ولا اعرف الأسباب ، اثاثي جداً عادي ومن الرخيص قلت انا بأثث ولما سافرت لاهلي مارجعت الا هو شرا غرفة النوم والكنب كله يفشل قلت مو حلو وزعل عودت رضيت وش اسوي ... قبل يومين قلت لقيت شقه حلوه سعرها مناسب قال انتي مالك شقه خلص خلصنا قلت ايش يعني قال بصراحه انتي انسانه غير مؤهله للزواج لاطبخ ولا غسيل ولاتعرفين حقوق الزوج ،،، انصدمت قال غيرك مليون والا روحي تعلمي وتعالي قلت لا خذ المليون وخلني قال اصلا انا كنت مخليك صدقه واكسب حسنات فيك قلت الله يجزاك خير اجل خلني مع ولدي قال لا مالك قعده قمت ضبيت اغراضي قلت ودني لاهلي او هنا بيت أخوي قريب لان اهلي في ديره ثانيه ، قال خلي أخوك يجي يأخذك وتنكسر رجلي لو رجعتك . قلت طيب ودني لامي قال انا بكيفي أقرر متى اوديك . وينام بالصاله مافي كلمه لامني ولا منه

 

[soss]

في تفاصيل كثيره لكن تعبت من الكتابه لكن قال لي ام فلان الحين صارت مافي زيها قلت طبعا انا كنت فترة تصحيح لها والحين خلص انتهى وقتي مارد علي ،،،قلت تذكر كلامك لي عنها لما مره كنت مريض وراحت وتركتك انت نفس الشي سويته فيه تركتني وانا مريضه قاعده انزف تقول انتي تدعين المرض قام يدعي عليه ياليتك تموتي عشان ارتاح الله يأخذك ومن ذا الكلام مارديت عليه ، طبعا مقصر معي في الفراش اذا جاني مره في الاسبوع قبلها يسألني اخذتي الحبوب والا لا مدري ليه سألته يقول عشانك لسى ماأرتحتي . طبعا هو أنصدم بحملي الاول .. الطبخ انا اطبخ لكن مايعجبه مدري ليه مع ان دخلت بيت اهله وأكلت من أكلهم آكلي ماينقص عنهم بشي حتى البيض والسلطه ماياكلها وادا رحنا لأهله تنفتح نفسه والغسيل تمام بس هو يدور عذر فيه ... زوجته. الاولى من اول اسبوع في زواجهم جاب لها شغاله لانها مارضيت تعيش بدون شغاله يعني هو متعود على اكل الشغالات وطبيخهم وغسيلهم من سنين ،، كمان دائماً تحسسه ان في احد بيسحره و واضح قصدها تشككه فيني وأمس اخذ شنطة السفر من عندي فيها ملابس قالت له الجاكيت فيه بقعة كلوركس وربي الجاكيت ذا ماشفته اصلا لكن واضح هوا قال لها شي عني فتبغى تثبت له ذا الشي او هي من عقلها تبي تبين له خلل فيه ..انصحوني كيف أتصرف معاه اليوم ولما يكون مسافر وهل ممكن يفرط فيه وفي ولده ... لا إله إلا أنت سبحانك إني كنت من الظالمين

 

[الشهد كله]

حبيبتي زواجج هذا من أوله غلط بغلط ، سواء كانت تدري زوجته أو ما تدري !!!!

شكله كان متزاعل معاها وبينهم مشكلة كبيرة ومو قادر يحلها قال أتزوج عشان ابتعد عن مشاكل الأولى وبهالزواج كبر المشكلة الأولى ما حلها ، للأسف هذا مخ أغلب الرجال
مو بس ريلج !!!!!!


المطلوب في الوقت الحالي لا تقارنين نفسج بزوجته الأولى مهماً كان هذي أم عياله ودشت حياته قبلج ، بمعنى أصح لها معزة ومحبة بقلبه أكثر ......

أذا على السفر خليه يسافر وسلمي عليه وادعي له ان الله يرده لج بالسلامة
دايماً قولي " اللهم رده إلي رداً جميلاً "

اكثري من الإستغفار والدعاء في صلاتج وقولي يارب إن كان فيه الخير رده لي وإن كان فيه الشر ابعده عني ، سحرج في صلاتج ودعائج .....

وإذا رجع لج بعد السفر وما تغير فيه شي دخلي أهلج بالموضوع ، لازم أبوج وأخوانج يعرفون اللي قاعد يصير بينج وبينه ...

الله يعينج​

 

[Um Tuki]

في هالموضوع هذا كله
مو معور قلبي غير الياهل بو خمس شهور

غرتي من زوجته الأولى ليش تحمل وانا لا .. قمتي حملتي و يبتي ضحية ..
زوجج مايبيج لو يبيج ما سوى هذا كله
كان في لحظة ضعف يوم ياخذج
يا تصبرين عشان الياهل ..

يا تتيسرين بيت اهلج و تربين ولدج تربية سنعة .. و تدلعينه و تعوضينه حنان الأبو اللي مايدري عنه

ماعرف شنو انصحج

كلام زوجج مثل السجاجين مافي حرمة بالدنيا تتقبلها والله

يبي يطفشج و يطردج من حياته قل ما يطردج من شقتج

ليش رضيتي من البداية بشقة تفشل .. وانتي عندج علم ان زوجته الاولى لها فيلا و خدم و سواق

ريلج له رب يحاسبه يوم الدين

ظالم

حسبي الله ونعم الوكيل

ربي يساعدج حبيبتي

و الله يسخر لج ولدج

خليه هو محور حياتج

اما زوجج اتركيه بالهامش

 

[soss]

معاكم حق في اللي قلتوه لكن انا استخرت ربي اكثر من مره في هذا الزواج وثقتي بربي كبيره الحمدالله ... وأبدا ماغرت من زوجته بالحمل الله يعلم ... لكن هو قال انا اعشق الأولاد وهي مو راضيه تحمل ولما عرفت أنها حامل بديت اشك بالوضع وانه زواجه نزوه ومتعه قلت احمل لعلها تزين الأمور وانا أموت ع الاطفال استشرت استشاري معروف قال اتركي الحبوب من ورآه واحملي

 

[soss]

الشقه مارضيت انا كنت معه في مدينه اول زواجنا لوحدنا ٤ شهور خلص انتدابه وجينا هنا الديره اللي فيها اهله وزوجته وكان يحطني عند امه وأمه طيبه لكن تقول زوجته لسانها طويل ولو عرفت انك عندي يتسبب لي مشاكل فرحت عند اهلي في شهر فضيل شهر رمضان وضليت أصر عليه يدور شقه بالقوه جاب لي ذي مع انه إنسان مقتدر كان يقدر يسكني في فندق شهور لمن يلقى شقه مناسبه وعشان ما أظلمه هو وانا حامل دورنا شقة تمليك وشقق ايجار لكن مالقينا شي مناسب وبعد الولاده تغيرت الأمور

 

[soss]

الشقه مارضيت انا كنت معه في مدينه اول زواجنا لوحدنا 4 شهور خلص انتدابه وجينا هنا الديره اللي فيها اهله وزوجته وكان يحطني عند امه وأمه طيبه لكن تقول زوجته لسانها طويل ولو عرفت انك عندي يتسبب لي مشاكل فرحت عند اهلي في شهر فضيل شهر رمضان وضليت أصر عليه يدور شقه بالقوه جاب لي ذي مع انه إنسان مقتدر كان يقدر يسكني في فندق شهور لمن يلقى شقه مناسبه وعشان ما أظلمه هو وانا حامل دورنا شقة تمليك وشقق ايجار لكن مالقينا شي مناسب وبعد الولاده تغيرت الأمور

 

[ياهم لدي رب]

حبوبه المفروض كنتي صامته وتوفرين له الراحه النفسيه والماليه لين يتولع بحبك
انتي غلطتي بانك صنعتي مشاكل المفروض صبرتي كم سنه الى ان تتمكنين
صدقيني الزوج اللي يتزوج ٢ يبحث عن الراحه خليها تطلب وتتشرط وتنكد عليه وانتي العكس تماما الى ان تكسبين قلبه ثم تشرطي براحتك

 

[soss]

ياهم لدي رب معاك حق لكن ماخلا فيني صبر وعقل الله يعين بس .. أبشركم الحمدالله تكلم معاي صح كلام عادي ايش تبين أغراض قبل اسافر وكذا . حسيته بدأ يلين الله يسخره لي ويسخر لكم أزواجكم آمين ياحي ياقيوم

 

[shak!shoka]

الله يعينج


وضعج من الاساس صعب و غلط

لازم تتحملين و تصبرين علشان ولدج لا تظلمينه

غيري معاملتج مع زوجج


مع انه واضح تزوجج و توهق !!


ما ادري شقولج ؟!

الله يسخره لج

 

[بنت السيل1]

الصبر له دور في مشكلتج
الصبر
الصبر

 

[بنت السيل1]

الصبر له دور في مشكلتج
الصبر
الصبر

 

[Royof]

حبيبتي

دام رضيتي تشاركين زوجه بزوجها خلاص تحملي .. وثاني شي انتي يعيشتي نفسج بتوتر وهم زوجج بدال لا يلقى راحته عندج قام يلقاها عند زوجته الاولى

الواضح تماما انج تقارنين. حياتج بحياة زوجته الاولى وحن حن على الرجال لين ما بدا يسمع كلامها فيج ماعطيتيه مجال يحبج ويثق فيج ..

دام الرجال على كلامج طيب ومشاءالله قلتي غير الاثاث غير ترا لو واحد ثاني قال ماني مغير ماتبين بكيفج .. ليش ماتكسبينه وتقنعين نفسج بالواقع خلاص انا

دشيت على شريجه لازم اتحمل كل شي خصوصا عندي ولد منه ورجال عنده بيتين يصرف ممكن الاثاث اللي جابه على قد فلوسه باجر يصير عنده ويحط لي احلى

منه بس بطيب خاطر . خففي غيره ومقارنه وحاولي تبهرينه بطباخ بترتيب بكل شي و خفف مشاكل وطلبات وابعدي نفسج عن التفكير حط لها سوا لها قولي اعوذ

بالله من ابليس وكملي حياتج يا اختي الحياه صعبه وطلاق صعب خصووووووصا مع بيبي !!!!

دزي له مسج بما انج انتي اللي طلبتي بيت اهلج ( فلان احبك وابيك واللي صار من الضغوطات اللي علينا ان شاءالله مع الايام كل شي يتغير واذا على طباخ وغيره مالك الا طيبت الخاطر )

و شوفي شنو يصير و ادعي ربج وصلي دايم الوتر وصدقيني بتنفرج ربي كريم

 

[soss]

انقهر على نفسي يابنات حتى الأعياد مانعيد مع بعض يقول روحي عند اهلك خليني مع أولادي .. معاكم حق في اللي قلتوه تزوج و توهق ان شاء الله لما يرجع من السفر يرجع بنفسيه حلوه، بالعكس والله أحاول اريحه لكن كثر الدق يفك الحديد

 

[Shinexo]

حبيبتي خطي في بالج ,

العيد هي اولى فيه منج وعياله اولى فيه من ولدج

المعزه والمحبه والغلا هي اولى فيه منج

لو مايحبها طلقها

وانتي اكبر غلط خذتيه على راس مراه

حتى لو استخرتي مب معناته بتعيشين مدلله مدلعه !

ماعندي شي انصحه لج لان واضح هو اللي كان مقصر ف حق مرته الاولى والحين حس بقيمتها وخلاج

 

[Shinexo]

حبيبتي خطي في بالج ,

العيد هي اولى فيه منج وعياله اولى فيه من ولدج

المعزه والمحبه والغلا هي اولى فيه منج

لو مايحبها طلقها

وانتي اكبر غلط خذتيه على راس مراه

حتى لو استخرتي مب معناته بتعيشين مدلله مدلعه !

ماعندي شي انصحه لج لان واضح هو اللي كان مقصر ف حق مرته الاولى والحين حس بقيمتها وخلاج