كيراتين صلخ ونار وعوار قلب :\

[al-zain]

السلام عليكم

بنات عفيه ابي مساعدتكم

انا جربت الكيراتين وطبعا كان يذبـــح بمعنى الكلمه

حرقني وصلخ جلدي يعني ماسوى علـــي

معنى الصالون راقي والنتيجه كان ارقـى !

فماادري اذا كل الكيراتين جذي يحرق ولا بس الصالون الي سويت عنده



طبعا الحرقه كانت لما حطولي الماده وقامو يستشورون خصله خصله ..
طلع بخار الله وكيلكم يقول صابين ماي مغلي على راسي



ياريت تفيديوني وشكرا

 

[over love]

رد : كيراتين صلخ ونار وعوار قلب :\

وعليكم السلام

شحاطين لج هذيله حسبى الله عليهم ؟

عن نفسى ماحصل معاى كل الى قلتيه الحمدالله

 

[كويتيه احب الكشخه]

هو يطلع بخار بس خفيف مو وايد
اخاف ما تعرف الي سوتلج

 

[كتكوته امي]

رد : كيراتين صلخ ونار وعوار قلب :\

امبيه وين سويتيه ؟؟؟؟؟؟

سوري مابي اخرعج بس الوصف اللي وصفتيه يخرع ان شاء الله شعرج ماصار في شي ؟؟

بنات اللي سوت تعلمنا كان هالشي فبالي خرعتيني

 

[pretty sarona]

انا اشوف بالصالون لما البنات بالصالون يسوون كيراتيين يطلع دخاان وايد و ريحته قوية ما تقدرين تقعدين بنفس المكان ,, بس دام النتيجه حلوة عليج بالعافيه

 

[قطوووة]

شسم الصالون ؟

 

[Miss_Accountant]

رد : كيراتين صلخ ونار وعوار قلب :\

أنا بعد أشوفهم لما يسوونه يطلع دخااااان

 

[عواار قلب]

up
up

 

[كويتيه مذهله 87]

انا صار معاي مثلج وحطيت موضوع كامل عنه
والله شفت الموت بعيوووووووووووووووني اختنقت بغيت اموت وقطع نفسي مايسوي علي قلت توووووووووووووووووووبه اظل بكشتي احسن لوووووووووووووووووووووووووووول

 

[cat_women]

رد : كيراتين صلخ ونار وعوار قلب :\

اول مره اسمع بهالشي

عندي حماتي و رفيجتي مسوينه بس ما صار معاهم جذي

 

[al-zain]

بنات ترى النتيجه حدها حلوه
صار حرييييير ولمعه وكل شي بس لما سوتلي اياه الله وكيلكم على قوله كويتيه مذهله قلت توووووووووووبه اسويه
لما خلصت قمت اجيك على جلدي قلت يمكن احترق ولا شي من الدخان والحراره


عفيــه بنات الي سوت كيراتين مضبوووووط وماحرقها تقولي على الصالون لانه حدي بسوي

.
.

وكويتيه مذهله والله حاسه فييج وبالعوار مشكلــه

 

[بنت مشرف]

يمكن حبيتي كيراتين لبناني عن نفسي انا سويت برازيلي روووووووعة بمعنى الكلمة والصراحة الي سويلي لها خبرة تي البيت ماشاء الله شعري ردت كثافتة وناعم ومافي اي اثار والصراحة اهيا تقول اذا زين ومناسب حق الشعر ولا لا وامتنى اني فدتكم

 

[ام الدرر]

انا سويت 3 مرات بالبيت <<<<خلال سنتين مو ورا بعض ترا
يطلع دخان مع الستريتر وريحه بس مو قويه حيل
تحسين اذا جربت صوب الويه يحرق العين بس
مو للدرجة اللي وصفتيها
شكلهم خالطين معاه اللبناني لان يقولون هو له ريحه قويه ويحرق​

 

[Dr.Nouf]

انا صار جذي ،
والنتيجة كانت زينة ،

وكان يديد الكيراتين توه مبطلته جدامي واصلي وصالونهم اهوا الي الموزع بالكويت جنه اسمه مس توته ،

وكان في دخان بس عادي

 

[ريما ام فيصل]

مدري والله