السلام عليكم ورحمه الله وبركاته ..
هذا الكلام مقــتطفات من كتاب احمـــد الشــقيري (خواطر شاب ) ولاكن انا حـــبيت ألخــصه واقولــه بأســـلوبي .. مع اضافه بعض الاشياء من عندي
معظمنا يسرح بصلاته .. واولكم انا .. بقولكم بعض الشغلات اللي اسرح فيها ..
وطبــعا هذا كله من الشيطان حسبي الله عليه .. حتى احيانا تيي اشياء فبالنا او سوالف قديمه انقول ياربي انا شذكرنا بهل موضوع الحين شيابه فبالي ؟؟
يعنـــي مثلا .. اكون يوعانه .. افكر شنوو غدانا اليوووم .. او امممم ياربي خاطري بستييييك عليه صووووص المشرووم يمييي ولا بفرنش فرااايز مع كاتشب ..
او اذا كان عندي امتحان .. افكر ياربي انا درست السوال الفلاني ؟؟؟
امبيييييييه جواب السوال الفلاني نسيييييته لازم اول ماخلص صلاه اروح اشووف الجواب لانه مهم وبيييني بالامتحان ..
ولا اذا بروح عرس .. اقول احط الروج اللحمي ولا الوردي احلى:eh_s(10): .. لالا الوردي احلى اللحمي بيطلعني باهته مع هل فستان ..؟؟
وغيرها وغيرها من الاشياء التافهه اللي ماتجينا الا وقت الصلاه ..
1_ اول شي الخشوع فالقلب .. والقلب كالعضله .. يعني مستحيل بين يوم وليله نخشع ..
او ماتلاحظون لما نطلع من محاظره او جمعه بنات نتكلم فيها عن الدييين نقووم نشتط انصلي بخشوع .. لاكن الصلاه اللي عقبها او اليوم الثاني كلمن يسرح بمشاغله او مشاكله .. فهذا دليل على ان الخشوع مو بقلبنا ..يعني فتره وعدت ..
2_ اذكري الله لو خمس دقايق باليوم.. يعني استغفري مثلا او اقري صفحه او نص صفحه من القرآن الكريم .. او مثلا وانتي تشوفين المسلسل الفلاني وحطوا دعايه .. قصري على صوت التلفزيون واستغفري او كبري وهللي .. !!! ..لان من المستحيل انج تنتقلين مثلا من مسلسل او سوالف مع خواتج او اغاني او اي شي كان الي خشووع في صلاه .. بتحسين سالفه اختج للحين فبالج .. ولا صوت الاغاني باذنج ماراحت .. فذكر الله يعتبر من الممهدات للخشوع ..
3_ اول ماتسمعين الاذان على طول قووومي فزي وصلي .. لانه بعدين بتحسين بكسل .. وخصوصا صلاه العشا اللي البعض ياجلها لي الساعه 10 و11 بليل.. ويكون فيج النوووووم :ch12: وتصلين بسرعه بسرعه عشان تقومين تنامين
4_ توضي لكـــل صلاه .. وانتي تتوضين ابدي وقولي بســـم الله .. وبعدين قولي اللهم طهر قلبي كما طهرت بدني واجعله قلبا خاشعا .. او استغفري .. لانج لو خلصتي من الوضوء على طول بتصلين .. فبالتالي تطلعين من جو ايماني كالدعاء والاستغفار الي جو ايماني ثاني اللي هو الصلاه .. فتكونين مندمجه
5_ كل وحده الحين تتخيل انها بتصلي اخر صلاه فحياتها !!!!!!!! .. شلون بتكون صلاتج .. طبعا كلنا بنقول بنطول بالصلاه وبنقرا ادعيه وبنكون فقمه الخشوووع .. هذي الطريقه تساعدنا وايد بالخشوووع .. فكل وحده لما تكبر وتقول الله اكبــــــر لازم وهي رافعه يدها تقط كل شي ورا ظرهها وتعتبر هذي اخر صلاه فحياتها عشان تخشع خشوع تام ..
6_ بطئي في صلاتج وفي قرائتج وفي ركوعج وسجودج .. واستشعري في كل كلمه تقولينها .. يعني مثلا لما تقولين ســــبحان ربي العــــظيم .. حسسي نفسج كانج تشوفين شي مبهرررر .. اكيد بتقولين ســـبحاااااااااااان الله .. جذي خلي شعورج وانتي تقولينهاااا .. من قلبج يعني ..
7_ بعد الصلاه داااااااااايما .. استغفري ثلاث مرات .. اولا لتقصيرج فالصلاه .. ثانيا لتقصيرج عن حمد الله .. وانه ترك لج فرصه تصلين بين يده .. وثالثا عن جمييييييع ذنوووبج ..
8_ خصصي لج مكان تصلين فيه بعيييد عن صوتج اخوانج او عيالج .. لان ممكن سوالف اهلج تجذبج .. او ازعاج عيالج يخلونج تنزعجين وماتعرفين شتقرين فلازم وقت الصلاه تكونين بجوو هااادي وبغرفتج بروحج
وانا اؤكد انج اذا سويتي هذا كله .. بتخشعيييين بالصلاه .. وبتكونين مع ربج ..
والصلاه كلها 5 دقايق .. يعني انتي طول الوقت لاهيه .. على الاقل خلي هل 5 دقايق اللي تصلين فيها تكونين فيها مع ربج ..
واحب اختمها بهذا الدعاء
(( اللهم ارزقنا قلباً خاشعاً .. ولساناً ذاكراً .. وعلماً نافعاً)):yaaaaaarb:
اختــــكم :AsOomy
