كيفيه العتناء بلقيصريه رجاااااء فيدوني

[بسانت]

السلام عليكم ورحمه الله وبركاته
بنات شلون اعتني بعمليتي بعد العشر ايام رجاء فيدوني كلش ماعرف شي أمانه حدي خايفه واول مره اسوي قيصريه والله بدعيلها

 

[sweeta77]

الله يهون عليك
العنايه جدا بسيطه
في المستشفى السسترات يغرون لك
ولما تطلعين البيت يكونون حاطين لك لزاق كبير فيه شاشه بالنص وراح يعطونك زياده منه تاخذينه معاك البيت
اتحممين فيه ولما تخلصين حمام اتشيلين القديم وتحطين الجديد من غير ما تسوين اي شي او تحطين كريمات او ادويه
الى الموعد اللي الدكتور يحدده ليش الغرز بعدين الدكتور يعلمك طيقه العنايه لان كل دمتور له ادويه معينه وطريقه معينه
مثلا انا دكتورتي قالت لي تمسحين على الجرح في مسحات الكحول وعطتني كريم احطه مرتين باليوم

 

[بسانت]

دكتوري ماعطاني شي قالي خلاص ماله داعي
وبعدين مكان العمليه يرطب بسبب الكرش اللي فوقه معني مو حرانه 
وعندي استفسار بعد :
عادي القعده ماتضر لانه اغلب وقتي قاعده وقليل انسدح
والعمليه طريه للحين متي يزول الخطر
سورررررري طولتها صار تحقيق مو استفسار

 

[sweeta77]

حبيبتي
لازم تكونين حريصه ان مكان العمليه يكون ناشف
على القليله كل دخله حمام تنشفينه وانا شخصيا استخدم مسحات الكحول
وعن القعده ما اعتقد في مشكله

 

[++MesK++]

حمدلله على سلامتج و سلامة البيبيات

حبيبتي حاولي ما يحوش الجرح ماي بأول فتره عشان لا يلتهب


و ابتعدي عن العطورات و البخور لانها تسبب التهاب الجرح


حطي كريم ميبو عشان اثر الجرح يلتئم

و المرّه من الحواي وايد زينه مفعولها مثل المضاد الحيوي

بليز ادعيلي ربج يسهلها علي و يرحم أبوي

 

[_زينه_]

حبيبتي القعده مافيها خطر بس بشرط مكان الجرح مايعرق ومسحيه مرتين يوميا بالمره واشربي من المره كل مازارج احد

وحاولي تمشين واااااايد

والحمدلله على سلامتج ومبروك ماجبتي

 

[auoma]

يعطيكم العافيه
ابي اسأل لي متى نظل ننظف الجرح ونعقمه جم يوم يعني
ومتى نقدر نصعد الدرج عادي وننزل ومايكون خطر على الخياط الداخلي؟؟
وعادي تتربعين واذا شي طاح على الارض عادي اجندس وايبه؟؟ انا وايد اخاف
انا الحين بكمل شهر وللحين اخاف من ابسط الاشياء

 

[بسانت]

يعطيكم العافيه بنات وجزاكم الله الف خير

 

[بسانت]

..... اب. ...........​

 

[sweeta77]

يعطيكم العافيه
ابي اسأل لي متى نظل ننظف الجرح ونعقمه جم يوم يعني
ومتى نقدر نصعد الدرج عادي وننزل ومايكون خطر على الخياط الداخلي؟؟
وعادي تتربعين واذا شي طاح على الارض عادي اجندس وايبه؟؟ انا وايد اخاف
انا الحين بكمل شهر وللحين اخاف من ابسط الاشياء

اتنظفين لما يلتئم الجرح
وعادي اصعد الدرج وين المشكله
كل شي عادي
الا انك تشيلين شي ثقيل

 

[ام الحلوااات]

اللــــه يـــقـــــومــــج بـــاالــــســـلامــــه

 

[كريستال]

لاتشيلين شي ثقيل ولاترهقين نفسج

 

[_زينه_]

الدرج عادي انا صعدت درج اول ماطلعت من المستشفى

والتنظيف عااااااااااااااااااااااادي عادي