كيفي !! بقطع اجازتي ... أحد عنده ماااانع :@

[Mi$sLe$s]

السلام عليكم ورحمه الله
بناااات قولولي هالشي يصير ولا لأ
تخيلوا رحت منطقه مبارك بقطع اجازه الامومه مارضوا مع انه حقي واقدر استخدمه بأي وقت لو بالعطله وتحججوا ان ما يصير لان المجلس ما تشكل !!!
شكوو المجلس
المهم افتريت صارلي يومين من المنطقه لي الوزاره مابقي احد مارحت له وهم مو راضين
مع ان قانون الخدمه المدنيه مختلف عن كلامهم تماما
شالحل حبيباتي ؟؟!!

 

[Om_RaYomaH]

للاسف حبيبتي كل شي موقفينه ليمن يتشكل المجلس
نقل ندب تعيين كله وقفوه ليمن تخلص الانتخابات
روحي بعد الانتخابات مباشرة واقطعي الاجازة الحين مايصير

 

[الكرملين]

انتظري بعد الاجازة واقطعيها واتوقع بعد الامومه ينقلونج

 

[FJ style]

اي هذا القرار مخالف للديوان لكن صار
وقفت الوزارة قرار قطع اجازة الامومة الى مابعد الانتخابات

ديرة كلمن يخربط فيها على كيفه

توني قارية هالشي بتويتر

 

[Mi$sLe$s]

تخيلوا ترا حقنا وقاعد ياخذونه منا كل الوزارات يمشون هالشي الا التربيه حسبي الله ونعم الوكيل عاللي يألف تعليمات من كيفه ويخالف قوانين الدوله
وعالنقل عرفه ان بينقلوني بس ابي تمشي المعامله 

 

[^^yasmina^^]

حبيبتي مالهم خلق
شكو المجلس
المجلس مو الحكومة
لو الحكومة كل شي يتوقف اي
بس المجلس ماله شغل هذا مجلس شعب مو حكومة اتدير امورنا صح ولا غلط ؟!


وتبين الدليل والثاني والاهم
والله العظيم انا رايحة اسبوع الي طاف بقطع اجازتي الاموومة بشرط ان يردوني مدرستي
قالولي انوديج مدارس صبيان ما نردج مدرستج لان الفترة الي خذيت فيها وضع يو ابلتين يدد وقالولي اسم المدرسة بمنطقة بيان
رفضت وقلت ماني موقعه علي شي وبكمل امومتي لاني كنت بقطع اموومتي عشان ارد حق رفيجاتي
و دام بيحطوني مدرسة صبيان اكملها اهبه بالاساس تخلص ٤-٤ الامومة فمالج شغل فيهم امبي شكو مجلس بالموضوع
روحي كلمي المراقبه او مدير المنطقة
*

 

[^^yasmina^^]

انا محافظة حوولي نسيت اقولج
ورحت للمراقبه بكبرها ليلى الشريف قتلها بقطع امومتي قالتلي اي مدرسة تبين عندج يا مدرسة عبداللطيف العثمان او
مدرسة فاطمة المسباح الي بالشعب
قتلها بررد مدرستي مابي اي مدرسة ثانيه
قالتلي العدد مكتمل عندج هالمدرستين ومدرسة مشرف صبيان
اذا تبين

ما قالتلي انتخابات ولا مجلس *

 

[Mi$sLe$s]

انا مبارك الكبير رحت حق المراقب العراج ما رضى يمشيني
ومديره المنطقه بدريه الخالدي باجازه ورديت مكتب منى اللوغاني بالوزاره
يومين انطرها وكله زحمه والموظفات قالولي روحي شغلج بمنطقتج يعني مصخره الوضع لعبوا علي
الحين قدمت كتاب رسمي ووقعوا عليه سكرتاريه المراقب بالاستلام بنطر جم يوم ان ما دقوا برفع تظلم ونشووف

 

[!الجادل الصعب!]

هذي التربيه صلي عالنبي ..!

انطري لبعد الانتخابات ولاتحوسين نفسج معاهم .. نفسهم طوووويل ..!
والحمدلله مابقى شي عالانتخابات ..!

 

[Angel_store]

اب اب اب

 

[PuPa^^SWeeT]

الجادل عجبني توقيعج



صاحبة الموضوع

ماعندي فكرة والله


غريبة شكو المجلس بالوزارة

 

[( المـلاك )]

مبارك كل شي فيهم خربوووطة مالت عليهم

 

[*kim*]

الله يعينج ويسر امورج