كيف أصير أحب أقراهم؟؟؟؟

[عيون ظبيانية]

صباح الخير لكل القارئات الكويتيات

هاذي أول مره أكتب بهالقسم وحسيت بلقى المعونه عندكم:eh_s(7):

ابي مساعدتكم في مشكلتي ،،

أنا وااايد أحب الكتب واتعنى أشتريهم

لكن ماأقدر أقراهم لأني أحس بملل وقت القرايه

أقرا الروايات وأخلصهم بس

أريد أتثقف أكثر وأستفيد من الكتب اللي تفيد

يمكن عندي مشكلة في اختيار الكتب :eh_s(10):

عشان جذيه إذا عندكم نصايح أستفيد منكم

وأشكركم جميعاً :balo:

 

[Om eL-3a9aGeeL]

عودي نفسج عالقراية بانج تقرين اشياء تحبينها مو لازم كتب ثقيلة علبونه بتستفيدين

حتى الروايات تقدرين تستفيدين منها

ابدي باشياء خفيفة كتب عبد الوهاب السيد اسلوبه يشد ويخليج تكملين لي النهاية
رواية السجينة اذا ما قريتيها
يمكن بالبداية القرايه تكون بطيئة بس بعدين ودج ما تهدينها

وانا مادري ليش وايد بنات يقولون انه الروايات مالها فايدة
بالعكس تنمين مداركج وهم يصير عندج اسلوب

وانا نفسج ماعرف اخلص الشي بسرعة
يعني عادي شهرين على ما اخلص رواية عالمزاااج

 

[عهود الحب]

الكتب احلى بنظري
صج الرواية تشدج وتونس وتستمعين فيها
بس قراءة الكتب اكثر فائدة لج
معلومات تغير شخصيتج تطور من حياتج تنمي اشياء كثيرة
ابدي بالكتب الخفيفة
ودايما الكتاب الي يهمج تعرفين اكثر عنه اهو الي بتقرينه
اشتري اشياء انتي حابة تعرفين عنها او تتعلمينها
موفقة

 

[lailosh]

اي صح اشتري الكتب الي انتي تشوفين انها تشدج

ان كنتي تحبين عن تطوير الذات او التاريخ او كتب الاساطير

اشتري الي تشوفين نفسج فيهم لان راح تستمتعين فيهم وتندمجين

مع اني افضل التنويع

وقراءه ممتعه ومفيده لج

 

[ام بنتها]

ابدي بالكتب الصغيره الخفيفه و نصيحه اذا تبين شي بهالمواصفات اقري الخيميائي اسمه ما يشد بس روووووووووووووووووووووووووعه خفيف و ما ينهد وحتى لمن خلسته قلت لو اقرا مرا ثانيه هم يسواا صج صج حلووو و مو طويل

 

[ام بنتها]

اندمجت وانا اكتب خلسته : خلصته هههههههههه

 

[كويتية بحتة]

نصيحة مني لج اشتري الكتب الي تناسبج
سواء اكانت تطوير الذات او التريخ او الادب
والي تشوفين انها راح تجلب لج الفايدة

 

[حديشه]

وانا بعد مثلك احب الكتب بس اتملل ,,,,,,,,,,
لازم نعود نفسنا غصب ,,,,,

 

[بمبة المفترسة]

يمكن الكتاب اللي تقرينه مو عاجبج او اسلوب الكاتب مو شي
يشتري كتاب يعجبج وانتي بالمكتبة افتحي الكتاب واقري منه شوي
شوفي عجبج ولاا لاا
اخذي الكتب اللي اسلوبها بسيط

 

[بنوتة طموحة]

بما انج جيتي وكتبتي اهني عن مشكلتج

فهذا يعني بداية حل المشكلة

ببساطة اسألي نفسج عن أي موضوع تحبين نعرفين معلومات جديدة وتتثقفين

ترى الثقافة كلمة معناها كبير وواسع شوفي نفسج بتتثقفين بشنو

ترى عادي في ناس مثقفة بالطبخ مافي طبخة ما يعرفونها

وهذا الشي أبدا ما يقلل منهم لكن اهم يجذبهم هالمجال

قعدي مع نفسج وفكري

ونصيحة من أختج ترى إذا انتي ما ساعدتي نفسج وشديتي حيلج

ترى محد يقدر يساعدج

وشكرا

بالتوفيق إن شاء الله

 

[miss_math]

عنوان الموضوع عجيب مكس فصحى وعامية هههههههه

بالنسبة للسؤال البنات ما قصروا واهم شيء تكونين حابة موضوع الكتاب وأسلوب الكاتب