كيف ارقي نفســـــــــي من العين والحســـــــــــد

[قمر وربي امر]

السلام عليكم








بنات شلون اقرى على ماي مقري ياليت توضحون لي .. لاني ماعرف ومب متأكده

مثلا انا ابي اقرى سوره البقره كامله والرقيه الشرعيه للعين والحسد

انزين اذا قريت سوره البقره كامله واخلص انفث عالماي ..

وعقب اقرى الرقيه وانفث مره ثانيه ..؟؟

بس هذا الي اعرفه ياليت تفيدوني وتوضحون وجزاااااااااكم الله خييييييييييرا:eh_s(2):

 

[وروود]

اختي الرقيه الشرعيه والاذكار كامله تقرينها على نفسج-
والماي تقرين المعوذات وتنفثين بالماي ويستحسن انج متوضيه وما تقرين الاذكار على الماي

واللي كان يفعله النبي عليه الصلاة والسلام
قبل النوم يجمع كفيه ويقرا المعوذات وينفث ويمسح به على جسده ثلاثا

 

[~.. المياسة ..~]

انا كنت اقرأ على الماي واغسل فيه شعري و كنت اسوي كذا

هو انج تاخذين ماي وتقرين عليه المعوذات وتنفثين

وتقرين سورة الكرسي 3مرات سورة الاخلاص 3 مرات وسورة الحمد3 مرات

وانفث على الماي واغسل شعري بس الافض ما تغسلين بالماي المقرئ عليه ((بالحمام وانتم بكرامه ))

الافضل بالحوش على التراب او اي مكان اهم شي ما يكون وانتم بكرامه بالحمام

سوي كذا وخلي عندج ثقه ان الله بيسهل امرج وان الشي اللي تقرين على شانه ان الله بيشفيه

حسن الظن بالله اهم شي لان في بعض البنات تقول بس كذا اقرأ على نفسي مع اني ادري ما يفيد ...

هذا الكلام غلط ومايجوز تقوله حسن الظن في الله من اهم الامور اللي تشفيه وتنفعه لان القرأن شفاء وليس دواء

لان الدواء قادر على ان ينفع وقادر على ان لا ينفع

اما القرأن شفاء اي ان يشفي

والاهم حسن الظن بالله والثقه به

والله يوفقج للخير يارب