كيف اقدر اتخلص منها

[سعودية واضحه]

السلام عليكم يااحلى عضوات باحلى منتدى واكثر منتدى أرتاح فيه وتعرفت على بنات كثثثثثثثثثير واتشرف بمعرفتهم وهم عارفين نفسهم اكيد لاني دايم معاهم :eh_s(6):

المهم:
أكيد قريتو العنوان كيف اتخلص منها وهي المشكله اللي اعاني منها

بنات بقولكم بصراحه انا من النوع دمعتي قريبه ممكن اواجه مشاكل وظروف معينه بس اكون قدها الحمد لله واتصرف صح وبقناعه تااااامه بس دمعتي قريبه على مواقف للي حولي وحساسه وما احب اجرح احد ولا احد يجرحني
المهم اختي اللي اصغر مني تعرفت هنا بالنت على بنت سعوديه من تقريبا 6 شهور ومررره البنت طيبه وهي من الفئات الخاصه ماتمشي من اول ماولدت وماشاء الله مكمله الثانوي ولما تعرفت عليها اختي تقول تغيرت حياتها حست فيه احد مهتم لها وتفضفض لها خاصه انو امها معلمه بمنطقه بعيده وماخذه بيت هناك وماتشوف امها وامها تتصل عليهم وماتهتم لبنتها وتكلم الكل الا هي
اول ما اسمع اسمها اتاثر خاصه اني شفت البنت وماشاء الله عليها فيها قناااااااااااااااعه وقعدت تحكينا ومن ضمن الكلام قالت انو فيها لي في الكلى تروح كل بعد فتره للمستشفى تغيره يوووووووووة مره يابنات اكتب وانا ابكي :0bee2e8d89:
ماشاء الله عليها متحمله اشياااء كثير وامها ولدت جابت ولد وهي تقول احب اخوي مرررررره يارب اشوفه يمشي ومايكون مثلي لما قالت كذا ماقدرت طلعت من المجلس حسيتها تنظر لكل شي بدقه وتقارنه مع نفسها
قلت لاختي مررره لاتتخلين عنها ترى تقول هي تغيرت بعد ماعرفتك خليك معها
بنات ابي منكم حل كيف لما اشوفها ما اتاثر والله اول ماشوفها عيوني دمووع وانا ما ابغى احسسها اني شفقانه عليها اواحسسها بشي..
انتظر ارائكم وردودكم وافاداتكم وشاكره لكم

 

[lolo-lilo]

هلا وغلا بس انا اللي مافهمته بالعنوان شنو تقصدين اتخلص منها ؟؟؟؟؟؟

وبعدين حبيبتي اهي موناقصه شي اللي فيها الله كاتبلها ونصيبها بالدنيا لازم تعتبرينها حالها من حالنا وتحملي وتذكري انه اذا زرتيها بتاخذين اجر ولازم اتقووين قلبج وليش اتشفقين عليها لا صدقيني احسن شي تعاملي معاها مثل اي وحده وارجو اني افدتج

 

[سعودية واضحه]

تسلمين حبيبتي ماقصرتي وان شاء الله احاول
اتخلص منها هالمشكله اللي كل ماشوفها ابكيي ما اقدر امسك نفسي