كيف اقدر اخذ حقي .. شو رأي المحكمة في قضيتي ؟؟

[قلبي يتبعك]

السلام عليكم


هذا موضوعي الاوول منزلته من فترة :eh_s(2):

http://www.q8yat.com/t996802.html


خواتي حبيت استفسر يمكن وحده فيكن سمعت عن نفس المشكلة وانحلت بعون من الله والقاضي

خواتي انا ما لجأت لهالحل الا لما نفذ صبري واشووف الظالم متهني في حياته وعايشنها

وانا ذايقة المر والهم بيأكلني أكل بسسب ظلمه

مسلسل الاخ المتسلط لا زال قائم والمشكلة انه لاعب دوره عدل ويحسب انه الدنيا دوم دايمه له

ابووي ولا له شوور ابدأ حتى لو كان له شوور يخااف من هالظالم

حديث الرسول معرووف : اذا اتاكم من ترضون دينه وخلقه فزوجوه الى نهاية الحديث ..

بس انا اشووف عكس جيه تماما


الشوور مب بيدنا ابدا كأنه مب احنا اللي بنتزوج


اتكلم عني وعن اختي


بس فيه فرق بيني وبينها .. اهي تخاف وتستسلم بمره بس انا عكسها تماما



ولدرجة اصراري على موقفي من الزواج ورغبتي في الستر

اعتدى علي الضرب المبرح قسم بالله يومين وهو يضربني ما كنت اقدر انام من الجروح اللي في

جسمي ولا احد رحمني وشلني المستشفى والمشكلة كان ابووي جنبي وراضي بهالشيء ما قادر يتكلم


ووصلت لدرجة تهديد بانه راح يقتلني



وفووق هذا صبرت

انا قررت اني ما اسكت على هالظلم



انا حالي من حال باجي البنات عندهم زوج واطفال وبيت ابى استقر خلااص



ما اريد اسووي شيء ايب من خلاله الكلام لاهلي واحطي راسهم بالقاع


بس بعد اهلي ما يرحمون وما يبون الستر لنا وما خلوولي خيار ثاني غير الجأ للمحكمة


اريد ارفع عليه قضيتين قضية عضل زواج والثانية اعتداء بالضرب وتهديد بالقتل



يا ريت اللي عنده معرفه بالمووضوع يساعدني وشو لازم اسووي؟



حسبي الله ونعم الوكيل

 

[اميره1980]

بموضوعج السابق البنات عطوج وايد حلول و اكثر شي عجبني انج تكلمين مرت اخوج و تشوفين شلون طريقة تعامله وياها يعني من النوع اللي يسمع كلامها او لا
مثلا تقوله ان من طرفها او اي شي يخليه يقتنع بالخاطب
و في حل ثاني انج تدخلين رياييل بالسالفة من كبار العايلة خوالج او عمامج
و سالفة المحكمة انسيها مو حلوة ابدا و خصوصا ان مالج محاولات حقيقية انج تردعينه قبل لا تلجأين للمحاكم و لويتها غير الفضايح جدام الناس و يمكن ما تلقون خاطب يرضا اتزوج بهالطريقة
الله يستر عليكم و يزوجكم عاجلا غير اجل يا رب

 

[زهرة دلقينيوم]

قبل لاتسوين اي شي استخيري
انا مع الاخت اميره انج تدخلين احد من عمامج او خوالج
لكن ان شفتي انهم ماحلو الموضوع شوفي قصة هالمحكمه واستخيري قبل لاتسوين اي شي
الله المستعان بالتوفيق

 

[الاحمدية]

نصيحة انسى موضوع المحكمة فضائح ووقت طويل بالمحاكم وشوى بشوى الناس تأخد خبر السالفة وما فى ريال يتقدم لبنت شاكية اخوها بالمحمة لكى تتزوج عليكى بالتقرب من الله هو المستعان وصدقينى نصيبك باقى لا تستعجلى الله قاسملك الخير بس الصبر كل شئ بيد الله ولا حول ولا قوة الا بالله

 

[frozntouch]

الله يعينج حبيبتي ويفرج عليكم همكم انتي و اختج

والله يهدي اخوج

بصراحه ماعندي فكره بسالفه المحكمه
بس اذا مافي فايده باخوج وماكان راضي يفج وحاولتوا معاه وماكو فايده توكلي على الله
حتا لو بس توقعونه على تعهد انه يشيل ايده من موضوعكم ويخليه على ابوج لانه اهوا اللي مسوؤل عنكم ليدامه عايش عسى الله يطول بعمره لكم
ولا تطولين لسانج عليه حاولي تتفاهمين معاه او شوفي احد قريب منه

 

[Patcholli]

حبيبتي بخصوص الحديث الشريف اذا اتاكم من ترضون دينه

السؤال عن الخاطب دور وواجب الاهل مو دورج انتي واذا اهلج شافوه مو مناسب واهم رياييل وابخص بالرياييل فانتي اشلون حكمتي عليه انه زين ؟؟ لاتاخذج العاطفه صدقيني لو لج نصيب وربي قاسملج بتاخذينه والكل بيتسكر حلجه بدون قضايا ومحاكم ودوامات مع اهلج
ربج اكبر واعظم من المحامين والقضاة ليش ماتلجئينله وتتركين سالفة القضايا عنج ..

 

[omhagar]

ربنا يفرجها من عنده يارب

 

[جلكسيه اس 3]

حقج تاخذينه غصب عن الظالم
تذكري ان الله عظيم و هو القادر على كل شي
اما طريج المحاكم رااح يطول
اللجوء الى الله احسن حل
عليج بالقران و الاستغفار و الدعاء لله ان يفكم من شر أخوج

 

[yam_yam]

فوضي امرج لله هو اسمه العدل
ياخذ بحقج من كل ظالم و طاغي حسبي الله عليه

 

[red_candle]

بناااات باركووولي اطلقققققققققققت

 

[لمى الهاجري]

من حقج تشكتين هاذي من مصلحتج يا بنات تراه ضربها ولازم ما تسكت

 

[brettey]

كفو والله انج مره زين تسوين
روحي واشتكي ولا تسكتين

 

[أبلة فاتن]

حسبي الله ونعم الوكيل ،، هذي الناس ما ترحم سبحان ربي يرحم الناس ويسامح ويمسح الذنوب كلها

لكن البشر ما ترحم مالي غير ادعي لج


لكن عن نفسي في حالة ميئوس منها اخوج لازم يتوقف عند حده وزواجكم بالعكس من صالحه راح ينزاح عنه

العبء يعني كل وحده مسؤولة من رجل ومتستره ولا اهوا يحب يعيش دور الطاغي عليكم

يبيله تكسير اخوج صج صج احتريت ذنبج انج خلقتي فتاة !!

شنو هذا استشيري محامي موجودين بتويتر مستشارين قانوييين مجانا يردون على استفساراتج

يفيدونج اكثر​

 

[قاهره عذالي]

انتي لو مسويه تقرير طبي
بالضرب
لما رحتي المستشفى
وقلتي ان اخوج هو اللي ضربج
يسوون معاه تحقيق
المحكمه شلون تروحين اخاف اخوج يحبسج لان جلسات
مو مره وحده تروحين
اخوج هذا متسلط وما بقلبه رحمه
دخلي عمامج وخوالج عليه شوفي شيصير

بس لو في تقرير طبي بالضرب اللي صار والجروح كان هالشي من صالحج

 

[fajorh]

اب اب اب اب

 

[[ نور عيني ]]

لاحول ولاقوه الا بالله
شكله مريض نفسي او شيء ..
الله يهدييييه ويصلحه ويرد له عقله ..
حرام عليه يقطع نصيبج ..
الشكوى لله

 

[سميتكـ _ غلاي]

لاحول ولا قوة إلا بالله
اكثري من الاستغفار والصدقه والدعاء

 

[مرهفة]

حبيبتي قبل لا تتوجهين للمحكمة تاكدي قبل كل شي ان الشخص اللي خطبخ يستاهل هالخطوة وانه بيتم معاج لنهاية وقضايا العضل شهرين بالكثير واتخلصين منها اهم شي اتكونين فوق السن القانونية والخاطب يكون عنده حسن سيرة وسلوك وبعض القضاة يبون رسالة من امام مسجد تاكد لهم ان الرجل مصلي وعلى خلق وانهم يشوفونه اوقات الصلوات في المسجد وبعدين لازم يكون عندج ملجا غير بيت ابوج وقت اترفعين القضية القاضي مابيفتكر في اخوج كونه مو ولي امرج بس بيستدعي ابوج حبيبتي ومايزوجج الا لين يكلم ابوج ويفهم منه اسباب الرفض وغيره وتقدرين تختصرين طريج المحاكم اذا في عندكم قاضي يزوج ولا يفتكر في هالامور كلها يعني يزوجج من غير قضية يكفي انج بالغة السن القانونية ..
الاراء وايد وناس اتقول لج روحي وناس اتقول لج تركي عنج بس انتي اللي في الموضوع وادرى باللي تبينه ..
اخوج متسلط وعنيد الله ياخذ حقج منهم ان شاء الله ..
تحياتي

 

[قمر بيت أبوها]

روحي قبل لا تسألين وتتعبين عمرك الخليجين طبعهم واحد مستحييييييييييييييل تتزوجين عقب سوالف المحكمه بيقولون تحب واحد وتبي تتزوجه اعرف لك 4 خوات مدرسات لحد يومك هذا ماتزوجوا اولها اخوهم يرد الخطاب تاليها سالفة العضل
نصيحه مني لك وخري عن هالسوالف واخذوا اخوك علي قد عقله وانا اتوقع اخوك يبيكم تتزوجون واحد من اقاربكم يعني يرد الخطاب ينتظر منهم يخطبون
بهالحاله انتم مالكم غير حل واحد اللي هو الاشاعات ان فلان يقول فلان اللي هو اخوكم حاجر خواته يبينا ننسابه كيف نناسب شخص مافيه خير لخواته بكره يطلعون عيالنا عليه والله يتجنن اخوك من هالكلام
ومن ناحيه يفك عنكم اخوك متعصب واناني وياما قريت قصص اخرتها يوافق علي راعي سفريات ولا تارك لصلاة اهم شي ولد عمها ولا خاله
وانتم لا تنسون ان الله وحده هو القادر علي كل شي الله يبعد عنكم كل من فيه شر ويقرب لكم كل من فيه خير يارب

 

[أورآق الصفصآف]

صح كلام قمر بيت ابوها ابتعدي عن سوالف المحاكم ديري بالج الناس بأجر يطلعون عليكم سوالف