كيف اكسب مرت حماي الجديده

[احلام واقفه]

اهلين ياكويتيات
بقولكم عن قصتي وعطوني الحل

انا متزوجه ولد خالي
وام زوجي عندها مشاكل كبيره وقديمه مع جدتي وخالاتي اللي هم يصيرون لها ام زوجها وحمواتها
والمشكله ان ام زوجي كرهت عيالها كلهم بأهلهم فصارو مايحبونهم ولا يحترمونهم ابد

فطحت بين الحبلين اذا رحت بيت جدتي يتكلمون عن مرت ولدهم وعن عيالها ((اللي هي ام زوجي وبناتها
واذا رحت بيت اهل زوجي تكلمو عن جدتي وخالاتي

وبالنسبه لزوجي صاف مع امه اكيييد
والكلام قديم وانا اللي علي اني اسكت ماتكلم بس اسمعهم واضحك وبس

المشكله زوجي حقد عليهم كثير واحيانا مايرضى اروح بيت جدتي يقولي لا

بس الحمدالله مع الايام تحسن اشوي

اللي صار الحين انا علاقتي معاهم كثير حلوه وحماي من زمان يخطبون لها

لهم 3 سنوات
والحمدالله بعدين لقو لهم وحده وتفاجاءت كثير ان زوجي جاني يقولي
اليوم ملكت اخوي
تخيلو ماجابولي سيره ابد ولا جابو سيره لزوجي ابداااا
كل هذا على شان اذا دريت بالملكه بقول لااهلي
واهم مايبون اهلي وجدتي وخالاتي يدرون
والمشكله اني ليله الملكه كنت سهرانه عندهم لين الساعه 1
ولا جابو سيره ابد
ويوم الملكه داقه على زوجي تقوله الملكه بس رجال
وانا بروح مع اخواتك 2 بس وبتجي معي اختي
زوجي عصب وقالها في ناس اهم وساكنين معك بنفس البيت

تخيلو تقوله زوجتك لاتجي
بس بروح انا وبناتي واختي

ودرات مكالمه طويله بينهم اخر شي قالت له خلاص قل لمرتك تجي قالها انتي كلميها وعزميها قالت لا قل لها انت

المهم انا مادريت عن هالمكالمه

بس جاني زوجي وقالي اليوم الملكه وروحي معهم امي دقت تقولي

قلت خلاص وعادي لبست وكشخت ورحت ووديت معي شوكولاته وغلفتها
ورحت الملكه او مادخلت على طول حمواتي قالو يوووو جااات

انا هينا استغربت

ودخلت وتفاجات ان بنت اختها موجوده يعني معقوله مين الاولى انا مرت ولدك اللي ساكنه معك بالبيت ولا بنت اختك
انا سلمت ودخلت وعاديه جدا
يوم دخلت العروس تفاجات كثير من حركاتها
تخيلو يعني انا مااعرفها ولا تعرفني وفجاءه يوم جات تسلم على ام زوجي وحموتي سلمت عليهم سلام قوي

يوم جات تسلم علي سلمت علي بأطراف اصابعها وخشمها واصل السماء

وراحت واجلست وكل ماطاحت عيني بعينها اشوفها تطالعني من تحي خشمها وتغمض عينها وتلفها تخيلو انتو

انصدمت ليه انا شسويت لها
مع اني كنت متحمسه كثير اني اصادقها وقلت باخذ رقمها وبتعرف عليها

بس من شفتها وشفت تعاملها معي تراجعت عن قراراتي
ولا ادري شسوي الحين

خطوبة حماي بعد شهر

شتنصحوني فيه شسوي

نظراتها باين عليها انها منقهره مني او كانها موصيه انها تعاملني بهالممعامله

وانا وحده على نياتي كثير وباين عليها شخصيتها كثير قويه

نصحوني لان هذي اول مرت حمى لي

وانا اهل زوجي من النوع اللي بيطيرون فيها بالبدايه يعني جاتنا فلانه وجابت وياها
وكلمتني فلانه وفلانه ماشالله عليها

 

[reem1987]

اشدعوااا عليها عامليها مثل ماتعاملج
الحمدلله والشكر
ربي لا تذرني فردا وانت خير الوارثيييييييييييييين

 

[سلطانه العتيبي]

سمعي حبيبتي نصيحتي روحيل بكامل شياكتك وسوي الواجب وشيلي من بالك تكسبين ولا ما تكسبين اهم ما عندك زوجك والباقي عامليهم بالحسنى والابتسامه لان المشكله من زمان وانتي لو شو ما تسوين بتجيبين الهم لنفسك خليك معاهم كلهم نفس الشي لا تودين كلام ولا تجيبين كلام واللي تسمعينه من هالاذن طلعيه من الثانيه عشان حياتك تمشي والله يهدهم يارب ويسعدك ......

 

[ايمان80]

عامليها باخلاقج وتربيتج اللي اهلج ربوج عليها

عجبها اهلا وسهلا
ماعجبها كيفها
المهم بالاخير انتي الكسبانة

والناس بتذكرج بالخير لأخلاقج

 

[الأماكن]

أنا اقول عاملي الناس بالطيب و مالج شغل بأحد

اللي فهمته منج ان الوضع مشحون يعني اقل غلطة الدنيا بتقلب عليج ...

من الحين أقولج "العلاقة خليها سطحية" والله بترتاحين

ألزم ما عليج زوجج عيالج بيتج ... والباقي عامليهم بالحسنى

لا تقصرين معاهم بالواجب ... وجبي اللي يوجبج .. واصلي لا تقاطعين ... غيره لأ ...

تصرفي ع طبيعتك

لا تتدخلين بشوؤن احد

قالوا لج تعالي انتي معزومة .. ما قالوا لج ما انهدت الدنيا مو مشكلة

يعني لا تقطين نفسج عليهم

من الحين و من واقع تجااااااااااااارب ... مرت الحمى ... تجيب العلة ... سطّحي العلاقة ... بترتاحين ... هذا لو ماجاج طشّار بعد

موفقة

 

[أم ميميتو]

حبيبتي يمكن البنت ما تقصد او يمكن شافتج ساكته و ما خذيتي و عطيتي معاها بالكلام ما حبت تتليقف و تكلمج و انتي عامليها بأصلج مافي داعي تحطين هالافكار براسج من الحين عشان ما يكبر الموضوع و تصير بينكم عداوه و غيره من الحين وانتو بعدكم ما تعرفون بعض

 

[انت غلاي]

عامليها معامله سطحيييه

 

[sosowaty]

والله مادري ان بعض الظن اثم

اخاف ظلمتيها انتي شوفيها بعد العرس اذا اهي صج جذي

عطيها اكبر طاااف ( اريحلج والله )

 

[foshia girl]

حبيبتي نصيحه خلج بعيدددددددده عن المشاكل يعني خلي علاقتج معاها سطحيه حيل سلام سلام ماكلمتج وماعطتج ويه وماسولفت معاج
خليها وروحي شقتج عند ريلج احسنلج وانشغلي بأمورج ابرك .. لان الحين اعووذ بالله ماتصير المشاكل الا من حريم الحمى

انتي اللي عليج توجبين يعني صارت مناسبه كشخي وروحي وسوي اللي عليج غير جذي خلج بعيده عن المشاكل ولا تصادقين ولا شي
يعني خلي علاقتج سطحيه معاها وعامليها باحترام ..


وموفقه يارب

 

[شيخة العوب2]

لاااتتسرعين وتحكمين عليهااا يمكن هي جذيه طبعهااا ويمكن اول مره تشوووفج وقبل شايفه خالتج وبناتهااا التمس الاخيك المسلم ٧٠ عذراا والله الدنيااا ماتسوااا عاامليهااا بطيب اصلك ولاتكبرين الموووضوووع وطنشي احسن لك تعيشين مرتااااااااحه

 

[حساسه]

هذا هو

خليك رسميه وخففي زيارتك خاصه اذا حسيتي انهم يتعمدون يغيضونك فيها اهل زوجك

 

[ابي اصير ممثلة]

ما عليج من احد المهم ريلج يمج

 

[هــنــوف]

يؤ. << ابرك لج خلج بحالج

حبيبتي الحين الي مايجي منه شر هذا زين
دام زوجج زين شتبين بعد ؟؟
انا اقول اذا صار نصيب وجات بيتكم سوي والواجب ولاتخلين علاقتج معاها قويه احسن خليها سطحيه ورسميه

 

[حظ من عنده انا]

ابعد عن الششر وغنيله


ششتبين فيهم

اهم ماعليج زوجج بسسسس


وهم خليج رسسميه

وقويه ومو قويه " مع نفسسها "


وين قاعدين حلبة مصارعه


ماعليج منهم بسس


اللي يجيج ياهلا ومرحبا واللي يروح مايشوف شر

لا تشفقين علي جمعتهم اذا مانادوج ولا علي سوالفهم ولا اي شي

 

[سمر شمر]

ياحليلج شاقية عمرج

يختي بالطقاااق عجبتيها او لا

خلاص شفتي اهل ريلج مايبونج لاتجينهم وايد


وهم لاتخسرين خوالج علشانهم

خليج قووووووووووية

اهم شي الوحدة تكون راضية عن نفسهاا

قوي ثقتج بنفسج وشكلج طيبة زيااادة عن اللزوم

ياماما اصحي احنا الحين 2012

والناس اختلفوو الله المستعان

 

[لذة الشوق]

مو لازم تكونين صداقه معها من وجهة نظري الحموات مهما كانت صداقتهم لابد وحده تلدغ الثانيه على قولة المثل سفينة الجارات تمشي وسفينة الحموات توقف وانتي لاتزعلين انهم ماعلموك لكل شخص خصوصيات يعني خلك واقعيه لو اخوك خطب بتعلمينهم؟ انتي معهم بنفس البيت بتقولين لهم؟ في اشياء مايجوز تنقال ويمكن هم ماخذينه على حديث الرسل صلى الله عليه وسلم " اقضو حوائجكم بالكتمان" ليش ناخذها من الشي السلبي او نظن ظن السوء وسعي صدرك ترى الدنيا ماتسوى

 

[!الجادل الصعب!]

شتبين فيها تكسبينها
اهم شي تعاملون باحترام وثقه ويمكن سلامها
عادي عليج لان اول مره تشوفج
اكيد شايفه خالتج والبنات من قبل ..
صفي النيه وخليج رسميه ارضي نفسج اول شي وبعدها
وازني العلاقات عدل بين حمولتج و اهلج ..
والعروس خل يطيرون فيها .. عروس ومن حقها تستانس
و تتدلع ويطيرون فيها وتطير فيهم
ومصير الامور بتطخ

 

[$$king moon$$]

اهم شي زوجج وبس

 

[نونه المنكوشه]

طنش تعش تنتعش ريحى بالج اتزوجوا راحوا يو كيييييييفهم سوى الواجب فقط لاغير قالوا ماقالوا طنش وان شاءالله اليايات اكثر واذا عندج مواجيب وله باجر عيالج اكبروا ان شاءالله بتزوجينهم لاتقوليلهم لاتجهدين تفكيرج ع ناس مافكروا فيج