كيف تحببين الناس فيك وكيف يتذكرونك ؟! شاركينا بنقاط مهمه :)

[كلك ذووق]

السلام عليكم ورحمة الله وبركاته

كيـف تحببين النـاس فيـك ؟؟!!

أكيــد كل وحدة تتمنى انها تكون محبـوبة عند ناس تحبهم .. آو عند الكل بشكل عآآم

عن نفسي كثييير اشوف معانا بالدوام حريم وبنات عسسل وخفييفين جداً ومرحيين
وخوياتهم مثلهم
لكن والله انا مو خفيـفه مثلهم وهادية وهاذي مو شخصيتي .. كيف أصير مثلهم محبـوبة عند البعض << استحاله اكون عند الكل

ياليت الحين بالموضوع نستفيد من بعض وكل وحدة تقول تقطة مهمه تحبب الناس فيها آو تخلي الناس يتذكونها

عن نفسي .. الأبتسآآمه شيي فضيييييييع .. حتى انتي تكونين مستريحه اذا ابتسمتي .. ويكفي حديث حبيبنا محمد صلى الله عليه وسلم ان الابتسامه صدقة

جآآء دوركم حبوبااتي الكويتياات
كيف تحببين الناس فيك آو تخلينهم يتذكورنك :eh_s(22):

 

[كلك ذووق]

22 مشاهد
00 رد
:0bee2e8d89:
نوروا موضوعي شآآركوني
تروني متحممسسسة لردودكم

 

[غموض الصمت]

رد : كيف تحببين الناس فيك وكيف يتذكرونك ؟! شاركينا بنقاط مهمه

وعليكم السلام و رحمة الله و بركاته

استوقفني موضوعج وسؤالج كيف احبب الناس فيني ؟
اولا ان دل على شي فهو معناه انك تحبين الناس
وانه هالامر يهمك انك تكونين عضو فعال ومقبول
في وسط المحيط اللي تعيشين فيه سواء في الدوام
او بين الاصدقاء بشكل عام بين الناس
من نظري الاخلاق عنصر جدا مهم
وتواضعك مع الناس الكبير و الصغير والجيران
ايتسامتك عند دخولك المكان في عمل او في مناسبه
معاملة الكل سواسيه عدم التمييز بين الصديقات او الزميلات في العمل
السؤال عن الغايب و المريض و الكبير و الصغير
عدم التدخل في شئون الاخرين والخوض و الجدال في امور لا تعنيك
القيام بالعمل الذي يعهد اليك و انجازه في الوقت المحدد
أرسال رسالة من وقت لاخر حسب المناسبة
تهنئة او تذكير لعبادة من قيام الليل مثلا
وكل اللي ذكرته تستحضرين النيه اولا
حتى تأجري و لا يكون من باب الرياء و المجاملة
هذا اللي يحضرني الان
و اكيد هناك الكثير ولنا في رسولنا الكريم قدوة حسنه

 

[كلك ذووق]

غموض الصمت .. شكراً لمرورك حبيبتي .. اي والله احبهم .. نورتييي

 

[عسولة وكتكوتة]

رد : كيف تحببين الناس فيك وكيف يتذكرونك ؟! شاركينا بنقاط مهمه

غموض الصمت ماقصرتي حبيبتي وفيتي وكفيتي وبغيت اقولج انا حصلتلي كذا مرة لما وحدة تبي تحش بوحدة عندي حتى لو شي بسيط مثل تصدقين احس لما يت فلانة صارت مو ماخذين راحتنا انا وياج؟ اقولها لا حرام اهي تينن وامدحها فاكبر بعين اللي جدامي حيل ويدرون اني مااحش جدامهم ووراهم الحمدلله هذا اللي محبب الناس فيني

 

[كلك ذووق]

آآب آآب

 

[غربــــة اِحساس]

السلام اول ماتدخلين ورد السلام والسؤال عن الحال

النية الصافية

الابتسامة الهادية

وحب المساعدة طبعا بحدود مو لدرجة الناس تستغلج

وبالاخير مو لازم الناس تحبنا المهم نحب نفسنا خخخخخ

 

[أحب الليل]

رد : كيف تحببين الناس فيك وكيف يتذكرونك ؟! شاركينا بنقاط مهمه

شوفى حبيبتى انا مثلج هاديه ومو خفيفه بس فى اشياء اسويها محببه الناس فينى مثل
الابتسامه الصافيه اللى من القلب عشان اتدش القلب سيده
احب اساعد الناس بدون انتظار مقابل واحتسبه عند رب العالمين
حتى رفيجتى تقولى انتى تنحطين على الجرح يبرى من كثر ما احب الناس واحب اساعدهم
وسلامتج واذا تذكرت شى احطه

 

[الصيدلانيه]

السلام
الابتسامه
النية الصافيه
مساعده الناس من نفسج والاجر من ربج
وتسلمين ع الموضوع الحلو عشان نستفيد

 

[كيكه توفي]

أهم شي أهم شي النيه الصافيه والريج الحلو والابتسامه

 

[كلك ذووق]

يــعـطيــكــم آلعـآآفيـة على المرووور
منــوريـــن

 

[مستقله]

رد : كيف تحببين الناس فيك وكيف يتذكرونك ؟! شاركينا بنقاط مهمه

موضوعج حلو و مفيد
وإن شاء الله البنات يساعدونا
​

 

[‏ڝڋٸ ٵڸڪٿہـآڻ]

رد : كيف تحببين الناس فيك وكيف يتذكرونك ؟! شاركينا بنقاط مهمه

يمكـــن اكثر شئ من المعـــاملة الطيبــة ... بعد لمن تجين وتمدحين أحد زميلاتكـ إذا سوت قصة جديدة أو صبغت شعرهـــا ممكن تكبرين في عينهـــا .. بعد أنــا قرأت هالمعلومــة وطبقتـــها وحسيت بالفعل ناجـــحة تقريبا لمن تسلمين على وحدة دوبكـ متعرفه عليــها
مثلا أسمها أمل تقولين كيف حالكـ ياأمل ذكـــر أسم الشخص اللي قدامـكـ يعزز صداقتكـ فيه ...قصدي إنهــا رح تقول في نفسهـا عرفت أسمـي بدون ماأقولهـــا ... وهذا شئ حلو ..

 

[‏ڝڋٸ ٵڸڪٿہـآڻ]

رد : كيف تحببين الناس فيك وكيف يتذكرونك ؟! شاركينا بنقاط مهمه

مشكـــــــورة ع الموضوع

 

[ميار الغامدي]

رد : كيف تحببين الناس فيك وكيف يتذكرونك ؟! شاركينا بنقاط مهمه

2/387 ـ وعنه عن النبي صلى الله عليه وسلم ، قال : (( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض )) متفق عليه (228)


اللههم اجعلنا من المقبولين لديك ​

 

[الزين 85]

شوفي حياتي اهم شي الابتسامة حتى لوكنتي مهمومه وضايق خلقك صج احنا بشر ولنا طاقه بس ليش انكد على الناس
أنا عن نفسي ابتسم للبنات اللي اعرفهم ومااعرفهم مااحب اكشر بوجهه احد
وفيه وحده كله تبتسم وتضحك بوجهك والله انها ادخلت قلبي من صفاء نيتها لاحظي صفاء نيتها يعني اللي تضحك بخباثه ومن ورا قلبها يبين ترا ولو شنو سوت ماتقدر تخفي الكره اللي بقلبها بس الانسان البسيط والطيب يبين سبحان الله تفزينه فز

واوقات ناس يمرون من عندي مايسلمون التمس لهم العذر يمكن ماشافوني ولا اشيل بقلبي ولمن اشوفهم ابتسم لهم واسلم عادي واخلي العلاقه رسميه اذا اهما يبون العلاقه رسميه
واهم شي الابتسامة على الوجه والروح الحلوه والضحك بصوت واطي مو عالي ووجبي الناس وأسألي عنهم وساعديهم بس مو درجة يستغلونج لا حلو الواحد يكون طيب بس مو لدرجة الغباء

واهم شي ارد واقولج الابتسامة تذوووب القلوب الحجر والصخر

 

[كلك ذووق]

شكراً لمروركم حبوبآآآتي
نورتوا ..

 

[مظلومة حيل]

رد : كيف تحببين الناس فيك وكيف يتذكرونك ؟! شاركينا بنقاط مهمه

نيتي صافية و قلبي ابيض و انكت و دايم على نياتي و ان زعلت بسرعه ارضى
و ما اشيل بقلبي على احد