مرحبا بنات
في كتير عم يتسألوا كيف بنحسن دخلنا او بيكون عنا مورد دخل تاني
و بهل الموضوع سمعت كتير نصايح متل :
1- ادخلي تجارة مثلا جيبي بضايع من المواقع الصينية او الامريكية متل الفناتك لانوا بسرعة بتتصرف وبيعي بالمنتدة عضوية سيدة الاعمال مبلغ بسيط يمكن 25 دينار
2- اذا انت عندك مهارة مثلا بالطبخ او عمل الحلويات او حرف يدوية اعملي و اعرضي بالمنتدى أو المعارض و بيعي شغلك
3- ممكن تشتغلي وسيطة او سمسارة بمعنىى مثلا وحدة عندها بضاعة و شخص تاني بدوا بضاعة خدي م الاول و زيدي السعر للتاني و انت أخدتي عمولتك ن تصريف البضائع يعني تصرفي بضاعة للتجار بعمولة
4- فيكي تشتغلي اضافي او بارت تايم بعد دوامك و تطلعي دخل اضافي و تحاولي تخلصي من كل التزاماتك
5- لاوم تقللي نفقاتك و مصروفك وتحاولي تمسكي ايدك شوي و تلاقي طريقة توفري من دخلك الحالي و المنتدى زاخر بكتير مواضيع بهل المجال
6- ممكن تشتغلي مسوقة عبر الهاتف او الانترنت أو مواقع التواصل الاجتماعي متل الفيسبوك و تويتر و تسوقي بضائع و خدمات بمقابل نسبة
7- اذا عندك مهارة معينة مثلا بالانكليزي ممكن تدرسي ولاد الجيران او ولاد معارفك بمقابل مادي (تعطي دروس خصوصية أو تعملي دورات خاصة ).
8- و مسك الختام حاولي تعملي اشياء منيحة مش ضروري تعطي مصاري ممكن تساعدي حدا محتاج المساعدة بطريقة معنوية او تعملي شي تطوعي او توعوي تفيدي مجتمعك حتى لو تبسمت بوجه عامل النظافة شوفي قديه رح تريحيلوا نفسيتوا لانوا الكلمة الطيبة صدقة و هل الحكي عن تجربة شخصية
و لا تنسوا قوله تعالى
((وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ))
سورة البقرة : الاية 186
هيدي النصائح اللي سمعتا انتوا عندكم نصايح تانية ما تبخلوا علينا فالنصيحة بجمل و سعر النوق مرتفع هالايام ...
بانتظار ردودكم و اقتراحاتكم القيمة
