كيف تستغلي عشر ذي الحجة ... حياكم ويانا^^

[صلي على *محمد*]

اللهم صلي وسلم وبارك على سيدنا محمد وعلى آله وصحبه أجمعين​

بنات كل وحدة تحط أفكار لكيف نقدر نستغل عشر ذي الحجة الاستغلال الامثل​

هذه بعض الامور اللي المفروض نحافظ عليها في كل الايام مب ببس في عشر ذي الحجة بس خلونا نزيد منها في عشر ذي الحجة:​

* لا تنسون صلاة الضحى يا بنات ... كل وحدة أول ما تقوم تصلي لها 4 او 6ركعات او قد ما تقدر وكل ما زدنا كل ما كان افضل​

* القرآن .. أكثروا من قرائته في هذه الايام ... خلونا نقرا في كل يوم جزء او حزب للي عندهم دراسة وامتحانات (شراتي انا) تقدرون تقرون بعد كل صلاة صفحة (ويه وظهر) وبكذا راح يون عدد الصفحات اللي قريتيها فاليوم هو 5 صفحات يعني حزب من القران ... واذا كل يوم حزب معناته تقدري تخلصي 5 اجزاء في هذه العشر ايام
او اذا قدرنا نقرا بعد كل صلاة صغحتين (ويه وظهر) معناته بنقدر نخلص جزء من القران وبكذا في نهاية العشر بيكونوا 10 اجزاء​

* النوافل الاخرى كثروا منها ... مع الفجر والظهر والمغرب والعشا​

* قبل النوم صليلج 4 ركعات او قد ما تقدري اذا انتي من النوع اللي ما يقوم بالليل​

* واهم شي النية ياا بنات .. اخلصوا النية لله ... وكل شي تسوينه تقدري تحطي في اكثر من نية .. يعني مثلا حتى وانتي تدرسين حطي في بالج انه انتي تبين اجر من ورا الدراسة لان انتي تطلبين العلم وبذلك قدوة لما امر به الحبيب المصطفى
وانا سمعت يا بنات ان حتى لما تنامي حطي نية يعني ان انتي تنامي عساس تريحي جسمج لان مسؤؤلة وحاسبة عنه يوم القيامة وبذلك الله ان شاء الله يكتبلج اجروانتي نايمة​

* والصدقة شي راائع .. ترا هي بركة في المال وسعة في الرزق ... وتدرون ان ما نقص مال من صدقة .. والصدقة تطفئ الخطيئة كما يطفئ الماء النار
يلا كل حد مقتدر عليه بالصدقة ​

* صلة الرحم شي طيب ... ولا تنسوها​

* تقدرين ترسلين مسجات بالجوال لربيعاتج وزميلاتج واهلج تذكريهم بالله عساس تكون السنتنا رطبة بذكر الله طول اولقت ان شاء الله .. ولا تنسين ان لما الناس تبدا تسوي فورورد للمسج اللي دزيتيه انتي تحصلي اجر وهالاجر يكثر كلما كان الناس يتداولوه بينهم​

* خلي ذكر الله على لساانج طوول الوقت يعني رددي استغفر الله او الحمدلله او الله اكبر او سبحان الله ... كل هذه كلمات خفيفة وتقدرين تقوليها طول الوقت بينج وبين نفسج ... حتى وانتي تطبخي وانتي تمشي لغرفتج وانتي ترتبي المكان ... اي شي تسويه شغلي لسانج بذكر الله
ومرة حلو اذا تعودتي على هذي العادة على طوول​

يلا بنات شدوا الهمة وخلوا شعاركم لن يسبقنا إلى الله احد
إذا أي وحدة عندها اي افكار ثانية تحطها فالموضوع
وارفعوا الموضوع بذكر الله ودعوة طيبة للتذكير كل من يمر من هنا طول هالايام المباركة
كثري من الصالحات عسب تنفعنا ان شاء الله يوم لا ينفع مال ولا بنون إلا من أتى الله بقلب سليم​

ولا تنسوني من دعواتكم الطيبة في هذي الايام المباركة​

أختكم في الله​

صلوا على *محمد*​