{{كيف تطلبين الستيك}}

[الصابرة المحتسبة]

السلام عليكم

بما ان هالقسم أكثر قسم يحتوي على المطاعم


فحبيت أحط لكم هالموضوع وان شاءالله

تستفيدون منه:eh_s(7):





الكثير منا يحب اللحم , واذا راح للمطاعم يشتهي يطلب ستيك .
طبعًا يقعد الواحد يقلّب في المنيو ويشوف أنواع الستيك الكثيرة ويحتار شنو يطلب
أساسًا البعض يقول كله لحم شنو الفرق بالله واذا رسى له على نوع ستيك
وسأله الويتر كيف تبي طريقة الطبخ ؟! يبقق عيونه ويقول أنت شنو تنصحنا ؟!

المهم .. يوم شفت الوضع السيء عند البعض وليس الكل , قلت بنزل هالموضوع
اللي يشرح أنواع قطع الستيك , والفروقات بين طرق الطبخ وكيف يأثر هذا كله على طعم الستيك !





​

 

[الصابرة المحتسبة]

أول شي نشوف هني شكل البقرة ومن وين ياخذون قطع اللحم​

كل جزء مبين عليه الـ Cuts ومن وين ياخذونها من أي جزء .. الـ Sirloin والـ Rib واضحين , والباقي بوضحه
بعد شوي كل واحد على حده ان شاء الله​

أنواع الستيك /​

طبعًا الستيك أنواعه كثييرة , وتعتمد على البلد والأنواع اللي دارجة فيه وتلقى قبول من الزباين !
بالنسبة لـ عندنا واللي موجود بـ مطاعمنا من خلال تجربتي لقيتها تقريبًا 4 أنواع , راح أخذها
كل واحد لحال .. وأشرح وضعه بالضبط ويفرق عن الباقين بشنو ​

Sirloin Steak​

شحم قليل والنكهة موجودة , السيراليون هو الأكثر رواج عندنا , ميزته أن سعره
عادةً يكون أقل من الباقين وبنفس الوقت فيه نكهة , والنكهة طبعًا جاية من الشحم اللي فيه​

وزن السيراليون بالعادة معقول ومُشبع لـ الشخص الجوعان .. وسعره بعد يكون معقول جدًا .
طبعًا لو ترجعون لصورة البقرة بتشوفون من وين ينأخذ السيراليون وعادة ياخذونه من فوق .​

بـ اختصار لو ما تبي تتعب راسك , اطلب هذا وأنت مرتاح لأنه فيه شوي من كل شي.​

Tenderloin Steak , Fillet Mignon

​

التيندرلوين أو الفيليه منيون , حطيتهم كلهم في نوع واحد لأنهم تقريبًا نفس الشي .. ميزة
هالنوع أنه بدون شحم ! .. اللحم يكون طري وهو الاختيار الصحي دايم بس لو نرجع
مرة ثانية لصورة البقرة اللي فوق وندور عن المكان اللي ياخذون منه التندرليون بنلقاه صغير
وهذا اللي يسبب أن هالنوع بالعادة يكون غالي ! شي ثاني لازم تنتبهون له وتعرفونه
أنه هالنوع بالعادة يكون وزنه أخف من باقي الستيكات .. لأن الشحم هنا ما ياخذ مساحة وبحالة
الفيليه منيون يكون شكل اللحم دائري وتكون القطعة صغيرة وبالعادة ما تشبّع الناس الجوعانة​

يعني لو تبون شي صحّي & بدون شحم , وبنفس الوقت انتوا مو جوعانين وايد .. اختاروا هذا

​

من اسمه واضح وش فيه .. فيه عظمة على شكل حرف T , وعلى أجنابها فيه اللحم ..
وطبعًا موجود شحم بهالنوع , ميزة هالستيك بـ وزنه الكبير عادةً وكمية اللحم الكبيرة اللي فيه !
هذا النوع هو المُفضل للناس اللي تقدّر الستيك لأن طعم اللحم اذا انطبخ يصير عجيب

ولكن بنفس الوقت للي مهم راعين ستيك ما يعجبهم لأن تقطيعه مشوار والعظم يسوي زحمة
سعره غالي بالعادة وهذا شي طبيعي بسبب وزنه الكبير مقارنة بباقي الانواع .

اللي يبي يطلب هذا يا يكون مجربه قبل أو جوعان ووده يضرب بـ لحم صح

​

​

 

[الصابرة المحتسبة]

Rib Eye Steak​

هذا هو أكثر الأنواع شحم , وبالتالي الأقوى بالطعم .. طبعًا هالنوع ما راح يجوز الا للناس
اللي تحب طعم اللحم اذا انطبخ مع الـ Fat , ومتداول في أمريكا كثيير ويعشقونه هناك




​

 

[الصابرة المحتسبة]

أنواع الطبخ

الأنواع تتراوح بين Rare يعني نيء و Well Doneيعني مطبوخ , بس بما أن محد
يحب الني وهالأمور اللي مالها داعي , بـ أختصر السالفة وبحط الـ 3 أنواع المهمة ..

Medium

مثل ما أنتم شايفين بالصورة .. هذا هو الميديم .. الطبخ يكون نص استواء , من الداخل
بيكون لون اللحم وردي ومن برى بني , وقت الأكل بيكون الطعم Juicy شوي ومو ناشف

Medium Well​

نفس الشي نرجع ونشوف الصورة .. هذا بين النص استواء والمستوي , بالنسبة لي هو
أحلى شي يجي اللحم طري من داخل بس بنفس الوقت مطبوخ وما يعور البطن
يعني اذا رجعت البيت ومع البيبسي الأكل يتهضم وما يقعد على قلبك , الخيار الممتاز.

Well Done​

مطبوخ بالكامل , مشكلته أنك ما تضمن المطعم ممكن بكل سهولة يحرقونه لك من الأطراف
ويصير ناشف وتتغصبه وما أفضله أنا أبدًا لكن يمكن للناس اللي ما تحب الستيك
او اللي تحب الأكل مستوي يكون هذا الخيار الأضمن , مشكلته بعض الاحيان يكون ناشف .











​

 

[الصابرة المحتسبة]

Steak Sauces

أنواع الصوصات كثيرة , لكن هالنوعين أبرزها :

الـ A1 موجودة بـ أمريكا ومنتشرة هناك
اما الـ HP هذي في بريطانيا .. بالنسبة لي أفضل الـ A1

​

 

[شذونه]

يسلموووو ياقمر

 

[جوك احلى جو]

خوش شرح

 

[ام جرااح]

يعطيج العافيه

 

[!! Ba6a 7lwa !!]

مشكوره ع المعلومات ويعطيج الف عافيه

 

[ام سعود ديكسون]

تسلمين يا عمري 
موضوع حلو حق اللي تحتار ش تطلب من المنيو 

 

[الصابرة المحتسبة]

يعافيكم ربي ويسلمكم

وعسى ربي يخليكم لعين ترجيكم

 

[هولنديه اياكسيه]

انا ماافكر اكل احم برا البيت يعني مطاعم بس شوقتيني

يعطييج العافييه خوش موضوع

 

[عنـــآق ..!]

حلووو شرحج

يعطيج العافييييييه ي قلبي ..

 

[أم حمودي**MALL**]

بالعافيه

 

[غدووور الكويت]

شكرااااااا

 

[الصابرة المحتسبة]

العفو يالغوالي

 

[noor salam]

شكرا جزيلا

 

[نوف الصقعبي]

الله ادمان انا وزوجى وعيالي عل ستيك خصوصآ


فرايديز​

 

[نوف الصقعبي]

يعطيج الف عافيه عالموضوع اللى صج مهم عن عشاق الستيك​

 

[orange blossom]

مشكوووره حبيبتي تسلمين على الموضوع الحلو