:) كيف توفرين راتبك ومدخولك على طريقة بابل القديمة

[sweet pure hart]

انزين انا ابي حل حق تبذيري بالراتب ودوم افلس من نص الشهر واتسلف بعد وهذا انا في دائره مغلقه مع ان صار لي موظفه 11 سنه بس ما اعرف اوفر شي بالمره:krkrkr:ابي النصيحه بليييييييييييز راتبي 771 دينار وعندي قسط القرض 305 دنانير يبقى 466 دينار اشلون اوفر منهم فيدوووووووووووووووووووني بليز

 

[S p a n i s h]

انا طالبة واعانتي 200 دينار ومالي شغل بالمصاريف اليوميه كلها ع الوالد الله يخليه
شسوي فيهم :bbbiu: ؟

 

[Qute-engineer]

سويت هيرت حلج ان شاءالله وايد سهل وحاولي تلتزمين فيه كثر ماتقدرين عشان تستانين اكثر

نسبة التوفير 10%= 77 دينار فتحيلهم حساب توفير خاص وانسيهم وكل ماوصلوا 1000 دينار حطيهم وديعة وخليهم للمستقبل

نسبة المعيشة 70%=771x.7 =
539.7 دينار
نسبة المديونية 20%= 154.2 دينار هذه المديونية المفروض الكلية بس شنسوي
نقول 305-154.2=150.8 دينار

الباقي =539.7-150.8= 388 دينار هذا المبلغ المعيشي الشهر شتسوين فيه حبوبة

اول شي خصصي مبلغ للبنزين مثلا 20 دينار شهريا
خصصي مبلغ شهري للدوام =40 دينار شهريا يعني (10لكل اسبوع)
مصروفج الشخصي =200 دينار (كل اسبوع 50 دينار)
يبقى عند 388 -260= 128 دينار
اذا كنتي مديونة لشخص دفعيله المبلغ المطلوب على دفعات مثلا 40 كل شهر وخشي الباجي ذا ماعندج خير وبركة
حوليهم بحساب الطوارئ يعني كل 8 شهور 1000 دينار خليهم حق الاشياء الحلوة اللي في بالج واذا ماحتجتيهم لاي طارئ خليهم يتراكمون والله سفرة مشتهية شي بخاطرج والله دفعة حق سيارة سحبي على القد وبالنهاية الفلوس عندج صرفيها عالاشياء الحلوة واللي تسوى
وان شاءالله اكون فدتج

 

[Qute-engineer]

هيونا مافي شي اسمه مايسوى هذه الطريقة ماخوذه من شخص من اهل بابل القديمة كان انسان فقير ومديون وتوصل الى هذه النسب حتى اصبح اغنى شخص في بابل

راتبج 1500 ريال
نسبة الادخار طويلة الاجل 10%=150 ريال وفريهم بحساب توفير وانسيهم الى المستقبل
نسبة المصاريف المعيشية 70%=1050 ريال هذه مصاريفج المعيشية الشخصية
دام ماعندج اي مديونية او اقساط فخلي نسبة ال20% للتوفير قصير الاجل =300 ريال كل سنة يصبح عندج 3600 ريال اذا احتجتيهم الى مصاريف خاصة او سفر تمتعي بهم واسحبي على المقدار اللذي تحتاجينه حاولو تراكمون المبالغ

 

[Qute-engineer]

بنات الاعانة 200 دينار تكفي مصاريفكم خلو 20 للبنزين و30 مكالمات و150 وزعوها على مصاريفكم الاسبوعية يعني كل اسبوع حطي في بوكج 35 دينار واذا طلعتوا مع صديقاتكم مطاعم دفعوا مع بعض مو تدفعون عن غيركم دايما مو عيب بالعكس هذه طريقة الاجانب اتمنى الكل يستفيد وينقل تجربته عشان الكل يستفيد

 

[جروح ودموع]

رد : كيف توفرين راتبك ومدخولك على طريقة بابل القديمة

مرحبا اختي انا باذن الله راح اطبق طريقتج وعلمت رفيجاتي هالطريقه وطلبت منهم يجربونها ويدعون لج وبصراااااحه تستاهلين التقيييم

 

[Qute-engineer]

تسلمين جروح ودموع مشكورة على نقلج للموضوع اتمنى ان الكل يعلم اللي حوالينه عشان الفايدة تعم والله يوفق الجميع يارب

 

[هيونا2010]

يالبي قلبك والله حمستيني وشجعتيني اطبق هالنظام علي راتبي يعطيك الف عافيه حبيبتي<

 

[جدة الحلوين]

:krkrkr:السلام عليكم حبيبتى انا يوم كنت موظفة كان معاشى الحمدلله1000دينا ماتصدقين ميبقى منة شى ليش .؟
لان الحلو زوجى يصرفة كلة على البيت ويعطينى مصروفى طبعا من معاشى300دينار ومع هذا ادش جمعيات
واجمعلى جم فلس علشان احجز شالية اواسافر وينادينى البخيلة
والحين بعد التقاعد احمد الله واشكرة اخذت كرت البنك منة يعنى معاشى فى إيدى وهو يدفع مصروف البيت طبعا انا اشارك
وقادرة اوفر وماشاء الله وفرت والحمدللة مبلغ حلو علشان إذا حبيت اسافر مع ولدى حبيبى
والودودة يشترى اى شى جدامة بدون معنى وإذا قلت مو محتاجبنة قال ياالبخيلة(من حرة الكرت)

 

[Qute-engineer]

جدة الحلوين الحمدلله انج قدرتي توفرين وبارادة قوية استمري حبيبتي وكل ماوفرتيلج 1000 حطيها وديعة تستفيدين من ارباحها باذن الله

 

[Qute-engineer]

قد يكون الامتناع عن فعل أي شيء من أعظم الأمور التي تفعلها، والدليل منحة الألف دينار

فهنيئا لمن مازالت الألف بحوزته

هذه الجملة منقولة من صفحة مؤلف كتاب رياضة الادخار الاخ فيصل كركري اتمنى انه يستفيد منها الكل

 

[sweet pure hart]

أشكرك عزيزتي كيوت انجنير على المساعده اذيتج وياي بس عزيزتي الحسبه طلعت غلط لان اللي يصفى من راتبي بس 466 دينار لان قسط القرض 305 دنانير تستقطع من الراتب اجباري عشان جذي ودي تعلميني اشلون اوفر من 466 دينار بس ويعطيج العافيه ما قصرتي عزيزتي

 

[حرمه المصون]

مشكوووووره انا خاطري اسكر القرض اول وعقب اوفر

 

[أحلى الجياكر]

مشكورة اختى على هالموضوع القيم ..و لا تنسون الصدقة بنات عشان تحل البركة بالفلوس

 

[Qute-engineer]

سويت هيرت الحسبة صح حبوبة شيلي من 466 مبلغ 77 دينار اللي اهو مبلغ التوفير طويل الاجل وكل ماصار في هالحساب 1000 قطيهم وديعة
يبقى عندج 389 دينار
قسميهم 20 دينار بنزين شهري
40 مصروف الدوام مثلا كل اسبوع حطي في بوك 10 للدوام يعني كل يوم دينارين
200 دينار مصروف طلعاتج وروحاتج يعني كل اسبوع خصصي 50 دينار كمصروف خاص (طلعاتج الخاصة مصاريفج الخاصة)
يبقى عندج مبلغ =389-260
=129 دبنار هذا المبلغ وفريه بحساب الطواري كل 8 شهور هالمبلغ يصير 1000 دينار صرفيه باشياء في خاطرج (بتحجزين شاليه-بتسافرين-ساعة -جنطة الخ ) وسحبي منه عالقد واعتبريه فيزتج مو شرط تسحبين المبلغ كله اخذي على حاجتج وخلي الباجي يتراكم للطوارئ والظروف
ان شاءالله اكون فدتج حبوبة واتمنى تجربين الطريقة ثلاث شهور وتعطينا اول باول تجربتج

 

[Qute-engineer]

حرم المصون عطينا راتبج والتزامتج عشان نقدر نضبط لج وبنفس الوقت تتعلمين طريقة تسكرين الديون

احلى الجياكر طبعا في اول الموضوع ذكرت اهمية الصدقة دينيا ومعنويا واتمنى الكل ماينسى صدقته و زكاته

 

[Business Girl]

وايد استفدت منج

جزاج الله خير ومشكوره

 

[sweet pure hart]

مشكوره وايد وايد عزيزتي كيوت انجنير فعلا انقذتيني يعطيج العافيه تشجعت وان شاءالله ببدي بأسرع وقت :eh_s(15):

 

[نماين]

موضوعك رووعة وتستاهلين تقييمي لك

انا معاشي 900

150 جمعية ( لقيت انها اضمن طريقة عشان اوفر الف للسفر او ولادة او ....)

50 خدامة

70 سايق

10 قطية ريوق (لووووووووووووووووووووووول )

فشرايك شسوي ؟

 

[h1ollo]

تسلمين على الموضوع الحلو والمفيد أخت كيوت أنجنيير
وحبيت أحط بين إيدج معاشي وإلتزاماتي بما إني مبذررة وأتمنى إنج تفيديني
معاشي 785
268>>> قسط
100 >>> معاش خدامة
125 >>> جمعيه ------وتخلص شهر 5
70 >>> طبيب أسنان
25 >>> إلتزامات
يعني مجموعهم 588
والباقي 197
هذا إللي يبقالي وما يكفي علما إن مالي شغل بالبيت على زوجي
وتسلمين وياعلة في ميزان حسناتج والله يجزاج خير