:) كيف توفرين راتبك ومدخولك على طريقة بابل القديمة

[Qute-engineer]

نبدي مع نماين الراتب الكلي=900
نسبة ال10%= 90 دينار للتوفير طويل الاجل كل اخر سنة يصير عندج 1080 دينار حطيهم وديعة وانسيهم وكل سنة جذي شيلي 10% من معاشج وحوليهم وديعة

الحين اللي باقي من راتبج =900- 150-90-50-10=600 دينار مخصوم منها مديونيتج والتزاماتج وال 10% للتوفير

نظميهم بهالطريقة =40 دينار للدوام
20 دينار بنزين شهري

يبقى عندج 540 دينار
خلي مصروفج مثلا كل اسبوع 70 دينار =70*4 =280
يبقى عندج 260 دينار حوليهم لحساب الطوارئ كل 4 شهور يصير فيه 1040 دينار هذا المبلغ خليه للطوارئ او السفر او اي شي بخاطرج يتراكم وسحبي منه على قد حاجتج مساند لمبلغ الجمعية وانا افضل ان تتعودون على التوفير وتنسون الجمعيات

اتمنى اكون فدتج وياريت اذا جربتي 3 شهور الخطة تعطينا تجربتج عشان البنات يستفيدون والله يوفق الجميع

 

[Qute-engineer]

الحين h1ollo

اللي باقيلج 197دينار من معاشج هذا المبلغ نرتبه
شيلي مبلغ البنزين 15 دينار شهري
و20 دينار مصروف الدوام 20يعني كل اسبوع حطي 5 كمصروف للدوام
يبقى عندج 197-15-20
=162 دينار وزعيهم على 4 اسابيع يصير مصروفج الاسبوعي 40 دينار تقريبا

الجمعية ان شاءالله لما تخلصينها قيمة قسطها قسميه 25 دينار توفير طويل الاجل وكل ماصار فيها 1000 حطيها وديعة
الباقي 100 دينار حوليهم بحساب الطوارئ كل 10 شهور عندج 1000 دينار هذا المبلغ للطوارئ والحاجات
طبعا ان قللت قيمة نسبة ال 10% عشان مايصير التوفير ثقيل عليج انا هدفي ان التوفير الطويل الاجل يكون اخف مايمكن بحيث انج ماتملين وتضمنين انه عندج مبلغ للمستقبل وكل ماخلصتي التزام دخلي قسطه بحسبة النسب

والله يوفقج
بنات جربوا ونقلو تجاربكم

 

[h1ollo]

الحين h1ollo

اللي باقيلج 197دينار من معاشج هذا المبلغ نرتبه
شيلي مبلغ البنزين 15 دينار شهري
و20 دينار مصروف الدوام 20يعني كل اسبوع حطي 5 كمصروف للدوام
يبقى عندج 197-15-20
=162 دينار وزعيهم على 4 اسابيع يصير مصروفج الاسبوعي 40 دينار تقريبا

الجمعية ان شاءالله لما تخلصينها قيمة قسطها قسميه 25 دينار توفير طويل الاجل وكل ماصار فيها 1000 حطيها وديعة
الباقي 100 دينار حوليهم بحساب الطوارئ كل 10 شهور عندج 1000 دينار هذا المبلغ للطوارئ والحاجات
طبعا ان قللت قيمة نسبة ال 10% عشان مايصير التوفير ثقيل عليج انا هدفي ان التوفير الطويل الاجل يكون اخف مايمكن بحيث انج ماتملين وتضمنين انه عندج مبلغ للمستقبل وكل ماخلصتي التزام دخلي قسطه بحسبة النسب

والله يوفقج
بنات جربوا ونقلو تجاربكم

تسلمين وماتقصرين وأنا بإذن الله راح أطبق الحسبة لي شهر 6 وراح أنقل تجربتي لج ,,,
موفقة حبيبتي والله يجزاج ألف خير:eh_s(7):

 

[Qute-engineer]

اتمنى بنات ان تعيدون النظر بفكرة الجمعيات ترى الفكرة وايد ثقيلة تخيلوا لو ان القسط الشهري للجمعية يتراكم عندكم بحساباتكم وصار ظرف بعد شهر او 5 او سنة ماتتوهقون ان تنطرون دوركم بالجمعية نصيحة اخوية فتحوا حساب توفير وسووله استقطاع شهري بقيمة قسط الجمعية وانسوه الى الظروف والكماليات او الحاجات

 

[Qute-engineer]

بنات اليوم نرد على محطمين التوفير والمحبطين

طبعا كلنا صادفنا او كنا بيوم مانفكر لا بتوفير ومانحب احد يكلمنا عن ميزانيتنا اليوم بنرد على كل الكلام المحبط

 

[ناتشوو]

معاج
موضوعج حلو

 

[Qute-engineer]

الاحباط الاول:الاموال خلقت لتصرف لا ليتم تجميعها
الرد: فعلا كلام صحيح لكن الادخار هو تاخير صرفها للوقت المناسب وبالكمية المناسبة

الاحباط الثاني:الاموال وسخ دنيا لاتستحق الجري ورائها
الرد:ان كانت كذلك فلم العمل والاجتهاد للحصول عليها .ان الاموال هي مجرد وسيلة فقط للحصول على رغباتنا وليست غاية

الاحباط الثالث: انا مؤمن بمقولة اصرف ما بالجيب ياتيك مافي الغيب
الرد:هذه اخطر فكرة تطرا على تفكير الانسان لانه ان تمكنت منه هذه الفكرة فانه سيهمل كل شي ويتفرغ لندب حظه العاثر وظروفه السيئة

الاحباط الرابع :اصرف المال لكي لا اصاب بالاحباط النفسي فهي وسيلة ترويح عن نفسي
الرد:مجرد وضعك لخطة مالية منظمة سوف يوفر لك راحة نفسية عحيبة لانك سترى انك تحقق اهدافك من سفر وشراء كماليات فضلا عن ادخار مبلغ اي انك لن تفلس لمجرد ان تصرف نقودك على سعادة مؤقتة

الاحباطات وايد نكملهم بكرة باذن الله

 

[كويتيه وافتخر]

شكرااا

 

[Business Girl]

ياكثر المحبطين لووول


مشكووره متابعه

 

[Killer^Girl]

موضوعج يهههههههبل
قريت كل كلمه فيه
وانا من زمان ودي اوفر
صارلي 5 سنين موظفه ومايمعت ولا فلس
عجبتني فكرة المعادلة
وراح اطبقها انشالله
مشكورة والله يعطيج العافيه متابعين

 

[Q8stylle]

مشكووووره

 

[جروح ودموع]

رد : كيف توفرين راتبك ومدخولك على طريقة بابل القديمة

بصراحه انتي عجييييييييبه وينج من زمان جان مو هذا حالي وترى انا كل يوم لازم ادش موضوعج واقراه واقرا حتى ردود البنات :eh_s(15):

 

[Qute-engineer]

بنات ماتدرون الوناسة اللي انا فيها كل ما اشوف الردود يارب الكل يستفيد واذا عندكم اي استفسار انا حاضرة او استشارة

وياريت اللي جربت تحط تجربتها عشان الكل يستفيد واللي ماقدرت تستمر على طريقتنا ياريت تكتب شنو المعوقات اللي حاشتها علشان نحلها

 

[غيهبةالشرق]

مشكوووووره

 

[Business Girl]

بالنسبه حق المعوقات اللي حاشتني اهي اختي


كل ما اطلع معاها سوق اتشجعني اني اشتري واتحن علي واتسويلي غسيل مخ ان هالشي وايد حلو واينن ف اشتري اللي احتاجه واللي ما احتاجه عكس لما اكون ابروحي بس اشتري احتياجاتي

واهي كلش ماتوفر ومو مقتنعه بسي اسمه توفير ف تبي اتخرب علي لووول

 

[Qute-engineer]

بزنس غيرل الاحباط اللي قاعد يحوشج من اختج انا اعطيج الحل اذا رحتي السوق وانتي ماتبين تشترين شي واختج ضغطت عليج بس قوليلها امممم مادري جني مومقتنعة فيه بفكر واردله اذا عجبني لا تقولين حق احد : انا قاعدة اوفر لان فيه ناس تصرف مافي الجيب ولاتدري مافي الغيب مايفكرون ان التوفير بس ترتيب للصرف مو بخل يمكن اهي بتشتري اشياء اكثر منج صح بس بعد فترة يمكن انتي تشترين شي واحد بس قيمة اغلى واحلى من كل اغراضها او يمكن تقدرين تسافرين سفرة اهي بصرفها هذا ماراح تقدر توفر قيمتها ويمكن تدخل اهي بموضوع قروض وديون وانتي الحمدلله يمكن مع الزمن تقدرين تشترين مزرعة بيت او تدخلين مشروع لاتقولين مستحيل بالعكس كله بالتنظيم يصير سهل حتى سيارتج عقب 5 سنوات من التوفير تقدرين تشترينها كاش ان شاءالله

 

[Qute-engineer]

انا كنت مثلج كل معاشي على السوق واشتري اشياء احتاجها واشياء ماحتاجها والمطاعم يوميا واطلب اطلب ومااكل نص الاكل
عقب بديت استوعب الملابس بالكبت ثلاث ارباعها مانلبسها غير مرة والا مرتين وننساها بديت اخذ سياسة اشتري هدوم كل شهر بس مثلا قطعة او قطعتين ماكثر وتكون قطعة تسوى والبق عليها شيلة واكسسوارتها وجنطتها اذا ماعندي شي لابق منها ارتحت وصفيت كبتي من الاشياء اللي مالبسها وصرت اشتري الشي اللي احس صج عاجبني والبسه ما اخربط
والحين اروح اي مطعم ابيه بس اطلب على اللي يكفيني مو شرط اغث نفسي وامتن لا احسب السعرات الحرارية وهذا نظامي الغذائي الحين الحمدلله

 

[Killer^Girl]

up up

 

[Business Girl]

بزنس غيرل الاحباط اللي قاعد يحوشج من اختج انا اعطيج الحل اذا رحتي السوق وانتي ماتبين تشترين شي واختج ضغطت عليج بس قوليلها امممم مادري جني مومقتنعة فيه بفكر واردله اذا عجبني لا تقولين حق احد : انا قاعدة اوفر لان فيه ناس تصرف مافي الجيب ولاتدري مافي الغيب مايفكرون ان التوفير بس ترتيب للصرف مو بخل يمكن اهي بتشتري اشياء اكثر منج صح بس بعد فترة يمكن انتي تشترين شي واحد بس قيمة اغلى واحلى من كل اغراضها او يمكن تقدرين تسافرين سفرة اهي بصرفها هذا ماراح تقدر توفر قيمتها ويمكن تدخل اهي بموضوع قروض وديون وانتي الحمدلله يمكن مع الزمن تقدرين تشترين مزرعة بيت او تدخلين مشروع لاتقولين مستحيل بالعكس كله بالتنظيم يصير سهل حتى سيارتج عقب 5 سنوات من التوفير تقدرين تشترينها كاش ان شاءالله

انا كنت مثلج كل معاشي على السوق واشتري اشياء احتاجها واشياء ماحتاجها والمطاعم يوميا واطلب اطلب ومااكل نص الاكل
عقب بديت استوعب الملابس بالكبت ثلاث ارباعها مانلبسها غير مرة والا مرتين وننساها بديت اخذ سياسة اشتري هدوم كل شهر بس مثلا قطعة او قطعتين ماكثر وتكون قطعة تسوى والبق عليها شيلة واكسسوارتها وجنطتها اذا ماعندي شي لابق منها ارتحت وصفيت كبتي من الاشياء اللي مالبسها وصرت اشتري الشي اللي احس صج عاجبني والبسه ما اخربط
والحين اروح اي مطعم ابيه بس اطلب على اللي يكفيني مو شرط اغث نفسي وامتن لا احسب السعرات الحرارية وهذا نظامي الغذائي الحين الحمدلله

اي والله كلامج صح فلوسنا كلها راحت عالسوق وهدوم ترس الكبت عالفاضي .. الحمدلله انا احس نفسي قدرت اتحسن للافضل بس قلت لج شنو المشكله اختي كلش ماتشجع واتموت على التسوق والصرف ف ساعات اتاثر علي ..
وخففت مطاعم وستاربكس وايد والحمدلله لاحظت الفلوس ماقامت اتطير بسرعه نفس قبل , لان انا قبل تقريبا يوميا ستاربكس بس الحين الحمدلله الفلوس اللي اسحبها واحطها بالبوك ماتخلص بسرعه نفس قبل

مشكوره كيوت وناطرين التكمله :eh_s(7):

 

[تحبني للحين]

موفقين باذن الله