كيكة الحلوى والرهش

[ماكو اسامي]

مرحبا يا قمرات
هذي الكيكه اختراعي الجديد ويارب تنول الرضا طبعا ملينا شوكلت وكرميل وغيرها
صرنا نحن للقديم ويارب تحبونها

المقادير
2 كوب طحين ابيض
1 م ص بيكربونات صودا
2 م ص بيكنج باودر
1/2 م ص ملح
1 م ص هيل مطحن
1 م ص زعفران مفروك
تخلط جيدا المقادير الجافه
2 بيضه كبيره و فانيلا
كوب زبادي
كوب وربع سكر
نص كوب زبده او القالب الصغير
كوب حلوى مقطعه مكعبات صغيره ويفضل تبريدها ساعه قبل التقطيع عشان تتقط مرتب
بعد التقطيع رشيها طحين الى ان تتغطى وتنفصل عن بعضها

اخفقي الزبده والسكر جيدا 3 دقايق وبعدها البيض والفانيلا وبعدها خليط طحين والروب او الزبادي وبس تنعم وقفي الخفق واضيفي الحلوى واخلطيها بخفه بالملعقه
تنصب في قالب مفرود عشان ما تكون سميكه
تخبز في فرن متوسط ساعه او حسب فرنك المهم مو حار حيل
تبرد
نص كوب رهش او حلاوة طحينيه ويفضل اللي بالدبس تذوب بملعقه الى ملعقتين حليب سايل
وبس تذوب تبرد وتصب على الكيكه
تزين بقطع حلوى وفستق ورشة هيل ناعم قبل التقديم مباشره وذوقي الطعم الاصيل

 

[حصوص الكويتية]

يسلموووووووووووووو واللة اطباقج روعة صكت على الباجى

 

[جارة القمر]

مشكوووووووووره

وتسلم ايدج حبيبتي

 

[Snow angel]

ماشاء الله تبارك الرحمن

تسلم يدينك يا الغاليه

الله يحفظك من كل شر

 

[قمر نجد]

ماشاء الله عليج تسلم ايدج والله يوفقج وينولج كل اللي في بالج

 

[ماكو اسامي]

جزاكم الله كل خير يا قمرات
وبالعافيه يارب

 

[القرآن ربيع قلبي]

ماشاء الله شكلها لذيذ
اللهم ارزق ماكو اسمي ما تتمنى وفرح قلبها وقر عينها برؤية مناها حقيقة اللهم امين

 

[ماكو اسامي]

جزاج الله كل خير على الدعوه الطيبه ويبلغج ما تتمنين يارب وييسرلج كل امورج يارب

 

[@راسي مرفوع@]

تسلم ايدج والله ينولج اللي ببالج

 

[ماكو اسامي]

تسلمين لي يارب