كيكة المانجا ضروووووووووووري

[برنسيسة Q8]

شلونكم شخباركم

بنات بغيت اعرف منكم طريقة عمل كيكة المانجا ضروري

والله يعطيكم العافية

 

[dal3 kuwaiti]

تفضلي طلبج يالغالية

الاخت جارة القمر ماااقصرت

وهذا رااابط لموضوووعهاااا

http://www.q8yat.net/showthread.php?t=65740

وصراحه انااا مجربتهاااا وترى حدهاااا عجيبه :ggdw:

 

[Mis$ LeO]

وايد في طرق لكيكة المنجا

المقادير:

كيكة فانيلا ساده تقطع شرائح
شوية عصير مانجا

طبقة الكريمه:
1 علبة كيري حجم كبير
2 علبة قيمر
1 مغلف كريم كراميل
1 م . ك جيلاتين تذوب في شوية ماء
1 مغلف جيلي مانجا يذوب في نص كاس ماء ساخن

للزينه:
جيلي بنكهة المانجا
شرائح مانجا او فراوله

الطريقة:

تصف شرائح الكيك في قالب التقديم وتسقى بقليل من عصير المانجا

تخلط مقادير الكريمه وتصب فوق شرائح الكيك وتدخل للثلاجه حتى تجمد تماما

تسوين الجيلي حسب الطريقه بس قللي كمية الماي شوية وتتركينه الى ان يدفى شويه واذا تأكدتي ان طبقة الكريمه صارت حيييل سميه وجامده تصفين عليها شرائح الفواكه وتصبين عليها الجيلي بحذر

تدخلينها الثلاجه حتى تجمد

ويفضل تسوينها قبلها بيوم

عوافي مقدما وانشالله البنات يعطونج وصفات وافكار ثانيه

 

[جارة القمر]

مشكوريييييييييييييييييييين حبايب قلبي

 

[هيبة ملك]

أن ذقتها حدها لذيذة

بالعافية

 

[حرم الحوت]

أن ذقتها حدها لذيذة

بالعافية

 

[نظـــرات حـــائرة]

إحنا نسويها كـ التالي :_

كيك سويسرول فانيلا مقطع شرايح ..

بخلاط العصير حطي كيس مانجا مثلجة (تكونين منقعتها بماي وذايبه)

1 قيمـر

سكر

جيلي برتقال أو مانجا مسويته على النار مع ماي وضايفة له جيلاتين

وحطي هالخليط فوق الكيك بالبايركس ودخليها الثلاجة

بعد ما تصك سوي جيلي مانجا ..ووزعي فواكه مشكلة (معلبات)


وبالعافية

 

[srsr]

الياسمين حلوه وسهلة طريقتج
تسلم ايدج

 

[ديرتي الغاليه]

مشكورين ..................بغيت عصير المنجا <<<<<<<لان عندي لب المنجا المثلج