ابي اقدم لكم كيكة بريد توك البيضة بطريقة سهلة وبسيطة وغير مكلفة كللللللللللللللللللللش ....
انا للامانة شيرت وخمنت الطريقة وطلعت نفس الطعم بالضبط فقلت افيدكم في الطريقة احسن من انكم تشترونها من برة واكيد واااايد ارخص وكل مقاديرها متوفرة في كل بيت ....
المقادير :
كيكة روبن هود (فانيليا)--> للكيكة تحتاجين حليب سائل وثلاث بيضات
علبة مربى فراولة
سكر بودر
------------------------------------
الطريقة :
تسوين الكيكة مثل ماهو مكتوب عالعلبة (علبة كيكة الروبن هود) وتحطينها بالفرن لما تستوي
*تحطين خليط الكيكة في قالب مدور
اذا استوت الكيكة تطلعينها من الفرن وتشيلينها من القالب
وبعدين تنطرينها لما تبرد تقصينها بالنص (بالعرض بحيث تكون طبقتين فوق وتحت)
تحشين الكيكة من داخل بمربى الفراولة وعقبها تحطين الطبقة الثانية فوق الاولى وترشين السكر البودر فوق الكيكة بكثرة بحيث تكون كلها بيضة من السكر البودر
وبالهنا والشفا وعوافي عليكم ،،،،
