المقادير
كيكة جاهزة اي نوع
بيتي كوكر
او روبن هود الذهبية
+
3 بيضات
+
3/1 زيت ذرة
+
4/3 حليب سائل
+
هيل ناعم و زعفران
وبالخلاط لين يصير عندج الخليط ثقيل
تدهنين القالب الي حطيت صورته فوق بالزيت و استخدمي الفرشه احسن عشان مايتحطين زايد و يلزق الطحين
رشي شويه طحين بالقالب فوق الزيت و طقطقي زين و كتي الزايد
واهم الشي الثقب الي بالنص
مسحيه بالزيت عدل
وحتى الغطا من الداخل لا تنسينه من الزيت
مساح خفيف مو تكتكت
وعقب صبي خليط الكيكة في القالب
وزعيه عدل
وساوي السطح
تقدرين ترشين سمسم قبل لا تصبين خليط الكيك
الحين
سكري غطا الماعون
وشبي چولتچ العين العادية الكبيرة مو الصغيرة
وحطي التاوة او الحديدة
وحطي ماعون الكيك فوقه
حتى الموقت تقريبا 45 دقيقه بس خلال هالمدة لا تفتحين الغطا كلش ملش
بعد هالوقت طلي ع الكيكه وشوفيها اذا محتااجة وقت اطول
لين تشوفين لونها من فوق صار جذي
تقصرين ع النااار عل الاخر
ماتكون النار حامية
وبس تركيها تبرد من دون الغطا عشان ما ترطب
وقلبيها بصينية التقديم
ورفعي راسج فوق استعدادا للمدح الي بييچ
وبالعافيه
