كيك بالتوفو بدون طحين للي ما تاكل خبز وعيش

[شذي الفردوس]

خواتي انا عندي خبره طويله بالحلويات ولاني هالايام قاعده اخفف لا خبز ولا عيش وريلي بعد مثلي وكنت ابي اسوي حلو حق بيت اهل ريلي ونبي ناكل منه شوي ( مساكين شذنبهم:tomato2 خخخخ والله طلع شي عجيب وما تحسين انه ناقصه شي اساسي بعد لاني بدلته بالحليب صحي وافيد

المقادير : كوب حليب بودر استعملت حليب خفيف الدسم..ثلاث ارباع كوب زيت ,,,4 بيضات ...كوب جوز الهند...ملعقه طعام ونص بيكنج باودر,,, وملعقه طعام ونص نسكافيه...وكوب سكر

الطريقه : يشفشف الحليب مع الزيت عالنار لما يتحمر شوي
بخلاط الكيك يضرب البيض وبضاف السكر والبيكنج باودر والنسكافيه
وبعدها يضاف الحليب المحمص مع الزيت
وبعدها الجوز الهند
يخلط جيدا ويوضع بصينيه مدهونه بالهرده او الطحينيه عشان ما يتلصق الكيك بالقاع والصينيه مسطحه مستطيله عشان بتقطيعنه مربعات
وتوضع بالفرن نص ساعه او لما يستوي ويحمر الكيك
تعمل التوفو: يضاف كوب سكر عالنار مع شوي ماي لما يحمر شوي الخليط ( بس لايحترق يصير طعمه مر )
يضاف علبة قشطه ويحرك قليلا ويرفع من عالنار
(حطي بالج لانه يطيش حطي القشطه شوي شوي)
ولما شوي يبرد التوفو حطيه عالكيك وزينيه باللوز المبشور ودخليه بالثلاجه عشان يتماسك وقطعيه مربعات وحطيه بصينية التقديم ... انا دبلت المقادير لاني بغيت اكثر ويكفي الكل والحمدلله قضوا عليه

 

[قمر نجد]

تسلم ايدج

 

[sally]

روووووووعة ننتظر جديك

 

[القطانيه]

مشكووووره

 

[شذي الفردوس]

شاكره مروركم حيايبي