كَـــــرهت رقم تســ 9 ـــعه

[وطن الاحساس]

مرحبا يا حلوت

انا مشاركة يديده في منتداكم الحلو ,, كنت بس اتابع و حبيتكم في الله فسجلت توني في المنتدى


بتستغربن من عنوان الموضوع,,, اسويلكم اثارة,,,:tomato2:


انا معرسه من ثلاث شهور تقريبا ,, ولين الحين ما حملت ,, مع اني اتخبل على شي اسمه يهال ,, ادري بتقولن بدري بس كل حد وما تهوى نفسه ..
على العموم..
من بداية 2008 لين هالشهر والدورة عندي تبدا كل يوم 9 من الشهر يعني 9/1 و 9/02 و 9/3 ليييين اليوم 9/10 واتم فيني 6 ايام...
واللي بمثل حالتي ياريت تفيدني بالحل
ما اعرف احسب ايام التبويض ,, عفيه ساعدني ,,

مشكورات حبيباتي على المطالعه والمشاركة ان وجدت

 

[كويتيه مذهله 87]

الله يرزقج يارب

 

[هيونه الكويت]

الله يرزقج بالذريه

 

[ام الكتكوته]

حبيبتي الله يرزقج الذريه الصالحه

ان شاء الله ويكتب لج الخمل الصالح

ايام التبويض

تكون يوم 14 من الدوره

يعني تقولين انزلت يوم 9 اول يوم

يعني يوم التويض عندج يوم 22

على شان تزيد فرصة الحمل يكويه جماع يومين قبل ويومين بعد

يعني يبتدي الجماع من تاريخ 20 الى تاريخ 24

وان شاء الله اكون قدرت افيدج

 

[نف نف22]

اللي تنزل الدوره عليها بنفس التاريخ يعني منتظمه ولا مو شرط الان انا كل 28يوم تنزل الدوره

 

[*caramel macchiato*]

الله يرزقج...توج عروس ....


وايد عروسات يحملون عقب اربع اشهر وست اشهر وسنة...وعقب السنة اذا ماحملتي راجعي الطبيب...

وان شاء الله ماتمر السنة الا وانتي حامل

 

[فتكات بنت كيداهم]

يا مرحبا فيج وغلا الله يرزقج الذرية الصالحة انشالله على العموم ياالحلوه ايام التبويض عندج يكون 14 من الدورة يعني احسبى اول يوم من نزول الدورة الى يوم 14 يوم من الدورة يكون اليوم مناسب للعملية وبعدين توناس عليج استانسى

 

[حـلا و ذوق]

مثل ماقالو البنات .. يوم 14 من الدورة يكون يوم التبويض عندج..

ونصيحة مني شربي كل يوم كاس ميرميه لان معروف عنها انها تنشط البويضات ..

والله يرزقج يااارب

 

[Emanova]

اشتري جهاز التبويض من الصيدليه يشبه تحليل الحمل و شيكي على التبويض من اليوم 12 علشان في حريم يبلشون من 12 ال 15 الدوره

و بعدج صغيره لا تفكرين علشان تحملين بسرعه

الله يرزقج يا رب

 

[pink-rose]

ياااااااارب يرزقج ان شاء الله
الحمدلله ان الدوره عندج منتظمه وهذا شئ زين

شوفي هالموقع وان شاء الله يفيدج:
http://www.sehha.com/medical/pregnancy/conceive.htm

 

[الدم البنفسجي]

بالتوفيق اختي بدري ع الحمال بس الله لايحرمج ذكرتيني انا كنت لي 4 اشهور احاتي ابي احمل والحمد لله

 

[وطن الاحساس]

شكرا حبيباتي على ردودكم الطيبه

والله يرزقني واياكم بالذريه الصالحة

 

[&رعبوووبه&]

لا تفكرين واايد

وانشالله لاحقه عاليهال عسى ربي يرزقج يارب

موفقه

 

[bnt_kwt]

طبيعيه دورتج ليش تبينها تتخربط
بالعكس لو تأخرت عليج يوم واحد عرفتي انج حامل
اذا ماشاء الله تبارك الرحمن جذي مضبوطه

ومثل ما قالوا البنات التبويض يبلش من ال 12 لي ال 16 تقريبا من الدوره
يعني بهالايام يكون فيه جماع واذا الله كتب بتحملين
بس نصيحتي لج لا تقعدين وتحسبين تواريخ التبويض وغيره
خلج جذي على البركه لما اتطوفين السنه وما حملتي ذاك الوقت قعدي وحسبي

 

[المهذبه]

التبويض عندج12و13و14و15و16من الدوره وأنصحج أشتري جهاز التبويض...