لأي درجة ؟؟

[.،:"$الـعـوبــــة$":،.]

:33_1185028183:مرحبا حبايبي ،،:33_1185028183:

أخباركم مع رمضان ؟؟ أنا عن نفسي سهالات لأني مودوام الحمدلله ،،:eh_s(8):

موضوعنا اليوم للنقاش ، واذا فيه مواقف حتى لو مو معكم ، مع ناس تعرفونها ، شاركونا ،،

الموضوع يالغالييين ،

لأي درجة تخلين اهلك يتدخلون بحياتك الزوجية !!

اللي جاب الطاري ، مسلسل شر النفوس 3 ، عاجبني واتابعه ! وقاهرتني هند البلوشي !!

كل ماقالت لها امها شي قالت اي والله ! وشاشت ! وفعلا ترى فيه حريم كذا !:jumpon:

ميخالف ، اهلك عزوتك ، اكيد بتلجئين لهم اذا الرجال حدك !

بس أنا اقول على شغلات تسوى وكبيرة !!

مد ايده ! يشرب أو مدمن ! يغازل عينك عينك !:cxxxp:

مدري بس شغلات قوية !!

وفيه شغلات معينة يكونون الأزواج متفقين عليها وعايشين حياتهم عادي ،:27d66a9c24b146327bf

تساعده بالمصرف ، تساعده بعياله ومشاويرهم اذا كانت تسوق ، تلبس لبس مالبسته عند أهلها ( نقاب - عباة راس - تسوس ) - مايرضى يخليها تروح عروس الكل مع انه مو مقصر عليها بالطلعات والزوارات ، المهم من هالسوالف !!

كيفهم هم راضين ومتفقين ،
تجي امها أو أختها أو حتى رفيقتها تقولها (لااااااااااااا ليش تصرفين ؟ خل هو يصرف ! أو لاااااااا ليش تلبسين هاللبس ؟ هو ماخذك من عندنا وانتي هذا لبسك ؟ أو ليش حاكرك ! )

انا عن نفسي عقدتي الرجال اللي يجبر المرة عالمصرف ! او يمد ايده ! أو يسويلي فيها مراهق ومغازلجي!!

اشياء ثانية ممكن اطوفها عادي !

أنتوا شرايكم ؟:080402ask_prv:
شنو الموضوع اللي ممكن تدخلون اهاليكم فيها ؟؟ منو تعرفين وحدة خربت حياتها بسبب تدخل الناس واهلها بحياتها !؟وعلى قولة البنات ، اترك المايك لكم ،،​

 

[اشتياق]

ببداية زواجي بالصغيره والكبيره قالي سوالي ماوداني صرخ علي اذاني:bbbiu:

بس الحين كبرت على هالسوالف ومستحيل احد يتدخل بحياتي نهائيا :wqedqw:

بس اذا ابي افضفض اطلب انهم يكونون مستمعين لا اكثر..

وسواة هند بالمسلسل خبال وقلة عقل

لو عندها شخصيه ماتتبع الراي من غير تفكير

الوحده تفكر وتوازن الامور وتاخذ الايجابي من الكلام وتترك السلبي

وبسسسسسسسسسس

فديتج على هالموضوع المهم للبنوتات حديثي الزواج ..
:eh_s(7):

 

[دلع العتبان]

حسب الريل في بعض رياييل موكفو تسكتين عنة لازم تدخلين الاهل بالموضوع

وفي بعضهم العكس

 

[**(فـيـلا دانـتـيـل)**]

عمري مادخلت احد بيني وبين زوجي

وما افكر ادخل احد أبـــــــــــد!!

الله لا اييب الزعل

 

[@الليدي لين@]

انا مثل رايج ما احب ادخل الاهل




بس اذا مرت الوحده باشياء كبيره حيل مثل الخمر وهالسوالف الله لا يبلانا اي لازم ادخل اهلها


ومشكووره عالموضوع ان شاء الله يفيد البنوتات

 

[UNICORNA]

صراحه انا مثلك ماحب ابدا الرجال المغازلجى او اللى يتكل على زوجته الا لو كانت تداوم فلازم وطبيعى تساهم

بالبيت او اللى يمد يده او يتطاول او او او ما اسمح فيه ابدا

ولكن شخصيه هند البلوشى جدا مستفزه وفعلا فى منها بالواقع كثير بس مايسوى سواتها الا اللى بداخلها اصلا شر

وتحب الشر

وعن نفسى ما اخلى اهلى يتدخلون بشى والحمدلله حياتى مستقره وزوجى مايضايقنى ولا يجى على بشى

ولكن لو حصل منه شى وانا شفته عادى لانه فعلا عادى وحاول احد من اقاربى او اهلى يكبرون الموضوع او يتدخلون ما اسمح لحد ما

لانى زمان كنت اخلى كل اقاربى ومعارفى واهلى يتدخلون بكل كبيره وصغيره بحياتى وخلال سنتين تقريبا

يعنى بعد ما تزوجت بفتره مسحت كل شى

وراجعت نفسى وصرت اتخذ قراراتى بنفسى واشوف شنو مناسب وشنو مو مناسب والحمدلله مرتاحه على قراراتى

او اى رده فعل اسويها وصرت ما اخلى احد ابدا يتدخل او يقولى ليش زوجك سوى او راح او جاب

او ليش يصرف على شى مايستاهل انتى اولى كل هذا اتمنع منعا باتا والحمدلله صرت مرتاحه وكل واحد يخله بأموره

والله اللى تدخل الناس والاقارب والاهل بحياتها ماراح تشوف خير وخاصه لو زوجها طيب ومحترم ويخاف الله

اما يكون زوجها فاشل وصايع وضايع هذا عادى تاخذ راى الاهل لين تضبط امورها

 

[الأميرة الحزينة]

احنا من بداية زواجنا اتفقنا ان امورنا ومشاكلنا تتم بينا :yaaaaaarb:.. واهلي عمرهم مادروا عن شي لأني تزوجت كبيرة 25 مو صغيرة كنت موظفه وخواتي تزوجوا قبلي شفت شلون لما دخلوا اهلي تكبر المشاكل وما تنحل ..من جذي خذيت درس حتى لما اتضايق حيل منه وابي اروح بيت اهلي :RoadRunner: اقوله بروح اريح جم يوم اغير نفسيتي وارد.. منها اريح ومنها يفكر بالكلام اللي اقوله له وفعلا يتغير عقبها..وامي طبعا تحس ان في شي بس ماقولها شنو في بالضبط اقولها بقرصه شوي فتسكت ما تلح علي وما اقعد اكثر من يومين وارد .. الأهل مايتعمدون يضرونج بس حرصهم وخوفهم عليج يخليهم يتسرعون احيانا ..نصيحه كل وحدة تخلي اسرارها ببيتها ولا تدخل اهلها الا بالشي الجايد مخدرات والا خمر والا بنات لا سمح الله غير جذي موضروري الأهل يتدخلون ,, سوري طولت خووش موضوع عجبني :eh_s(7):

 

[حرم_طيار]

رد : رد: لأي درجة ؟؟

عمري مادخلت احد بيني وبين زوجي

وما افكر ادخل احد أبـــــــــــد!!

الله لا اييب الزعل

سيم سيم:sfg:

 

[@ام ضاري@]

رد : لأي درجة ؟؟

انا مادخل في حياتي احد ولا اروح استشير احد ابد

تساعده بالمصرف ، تساعده بعياله ومشاويرهم اذا كانت تسوق ، تلبس لبس مالبسته عند أهلها ( نقاب - عباة راس - تسوس ) - مايرضى يخليها تروح عروس الكل مع انه مو مقصر عليها بالطلعات والزوارات ، المهم من هالسوالف !!

واااااااااااااااااااجد من ها النوعيه كثيرررر خلاص الزوجه دشت بيت رجلها يعني دام حكم عليها بالبس هذا تلبسه اهي مجبوره

تسمع كلامه انا عندي بنت خالتي قبل لبسها عادي النقاب بو سير

الحين بعد الزواج حتى تسوس تلبس ليش رغبت رجلها جذي

وفي ناس اتدخل في كل صغيره وكبيره وهذا شي مو حلو

وسالفت المساعده كلنااااااا نساعد والله نادر اللي تدش تقولج لاوالله ماساعد رجلي بشي

 

[RaQawY]

اي والله صج هذي احسن نصيحة للي توها متزوجة ‏..
انا من بداية زواجي اتفقنا انا وزوجي انه مشاكلنا بينا ‏
ماندخل احد بيناتنا ‏..‏ لو شنو يكون السبب ‏..والحمدلله للحين احنا جذي ‏..
بس مرات الوحدة تحتاج احد تفضفضله ‏..‏ او تسمع راي ثاني ‏..
عاد ذيك الساعة اقول حق حماتي ‏..

 

[الغاليه نونو]

الحياه الزوجيه يعني بيت مصكوكه بيبانه بينج وبين ريلج واللي يصير بينكم مايتعدا عتبة الباب لان ربي سبحانه ماخلق داء الا جعل له دواء وكل مشكله تنحل ماكو شي ماله المره السنعه اهيا اللي توصل ريلها للسما جدام اهلها واهله حتي لو هو جلب وينبح تكرمون وتحاول في صلاحه وتصبر وتحتسب الاجر من الله سبحانه والريال كذلك يصبر علي مرته ويعلمها علي اطباعه اول سنه زواج وتالي عاد في اساليب يعاقبها فيها بس بما يرضي الله هذا بحال اذا عاندت واستخفت واذا طابت وغدا شرها ماعليها باس ابد


ولوكل وحده تفكر ان اطول مشكله واكبر مصيبه تصير بين الزوج وزوجته ماتتعدا ساعات والا يوم والا ايام وكل شي يرد لحاله الطبيعي ليشششش تزعزع علاقتهاها بريليها جدام اهلها وتنشر غسيلها ليش؟؟؟؟؟؟؟؟؟؟ ماله داعي كلش ملشششششششششششششش

 

[.،:"$الـعـوبــــة$":،.]

حتى الشي اللي لاحظته ، إنا لما نسولف لأهالينا حتى لو بضحك ، عن موقف صار وانغثيتي ، مع انه خلاص عدى وتراضيتوا ، بس تقولينها بضحك !
تلقين الناس كلها تنسى الا أمك أو خواتك ! يشيلونها بقلوبهم ! وينقهرون عشانك طبعا !
وبعدين لا بغيتي تمدحينه أو تسوين له شغلة وتاخذين رايهم !
تلقينهم للحين السالفة اللي قبل بقلوبهم !!
ويحبطون فيك ! وهم مو قصدهم اي شي ثاني بس لاشعوري ، من حرتهم!​

 

[RaQawY]

اي والله صج هذي احسن نصيحة للي توها متزوجة ‏..
انا من بداية زواجي اتفقنا انا وزوجي انه مشاكلنا بينا ‏
ماندخل احد بيناتنا ‏..‏ لو شنو يكون السبب ‏..والحمدلله للحين احنا جذي ‏..
بس مرات الوحدة تحتاج احد تفضفضله ‏..‏ او تسمع راي ثاني ‏..
عاد ذيك الساعة اقول حق حماتي ‏..

 

[@حنين 2008@]

عمري مادخلت احد بيني وبين زوجي

وما افكر ادخل احد أبـــــــــــد!!

الله لا اييب الزعل

بالضبط ولله الحمد

 

[هيبة ملك]

عمري مادخلت أهلي بيني وبينه

ودايم أحل أمورنا بينا حتى لما يسألوني عنه ما امدح ولا أذم أرد برد مختصر

لما أزعل منه حيل حيل حيل أكتب هني للبنات

هو الله يهديه طبعا تعرفون حياتي معاه وطبعه لما يزعل مايلكني ولا يردعلي

لكني أتفأجا بعد حين إنه مسولف لأم كل شئ يمكن لأن ماله أم وأب ولاخوات

وطبعا أمي ماتكلمني وقتها لأنهاتأعرف إنه مجرد فضفضة لها

مع هذا ماكان ودي يدخل حد بينا

 

[أحلى الألماس]

ابداااااااااااا ماادخل اهلي بمشاكلي وعلى راي شواقه
اذا بفضفض اخليهم بس مستمعين فققققط لان محد يعرف زوجي
كثري واللي عندها شخصيه ماراح ابد تسمع لهذي ولذيك

 

[عيش و مرق]

ابدااااااااا ماقووووووووووول ماحب احد يعرف شعندى شماعندى المهم جدامهم زينين وحلوين وكولو تمام يافندم

 

[BiiShOoO]

الحمدالله محد يتدخل بمشاكلنا لانه السالفة راح تكبر لو انها صغيرة

 

[@حنين 2008@]

حتى الشي اللي لاحظته ، إنا لما نسولف لأهالينا حتى لو بضحك ، عن موقف صار وانغثيتي ، مع انه خلاص عدى وتراضيتوا ، بس تقولينها بضحك !
تلقين الناس كلها تنسى الا أمك أو خواتك ! يشيلونها بقلوبهم ! وينقهرون عشانك طبعا !
وبعدين لا بغيتي تمدحينه أو تسوين له شغلة وتاخذين رايهم !
تلقينهم للحين السالفة اللي قبل بقلوبهم !!
ويحبطون فيك ! وهم مو قصدهم اي شي ثاني بس لاشعوري ، من حرتهم!​

صح كلامج صارت فيني م مره والله بس بعدها قمت اسكت ولا اقول شي عشان لايعصبون ولايحطون في قلبهم
مشكله صج الأم والخوات ماينسون على اقل شي يذكرونج بالأولي والتالي تكرهييييين انج تكلمتي بشي:eh_s(16):

 

[طواري لـ((العنقا))ـيل]

ما ادخل اهلي الا بالشي الكــــــــــــــايـــــــــــد


والحمدلله واللهم لا اعتراض انا عن نفسي حاليا" مو راضيه عن حياتي 100% بس شنسوي البنت مالها الا زوجها ومو كل يوم فبيت رجال

وانا عن نفسي بخصوص الشي اللي يغثني بصراحه ومااكذب عليك اقول حق اختي الكبيره حبيبتي
او اقول حق امي والحمدلله ماقد احد شيشني منهم لكن صادقه فيه بعض الخوات تشيش الوحده ع زوجها او تنتقدها ع لبسها اللي لبسها او حكرته لها و و و و و و و ... إلخ لكن الجيده والرزينه تعرف وش تاخذ من النصيحه ووش تخلي وانا كذا ولله الحمد ..

وعزالله صدقتي يالعوبا احيانا" تنسين انتي بس خواتك ماينسون هههههههههههه مدري ليش هالشي بس الظاهر من زود الحرص او يشوفونا طيبات بزياده ..




وثانكس ع الموضوع الحلو ياحلو