لائحه المشتريات

[خبيرة اعشاب]

كل شهر يا بنات اروح الجمعيه و اشتري لي اغراض شيل البيت بالشئ الفلاني ..و دايما استغرب لان اكلنا عادي و ما في شي زايد عن الناس ...
المهم الشهر اللي طاف قلت لازم اوضع حل للسالفه ها دي فشنو سويت ؟
اخاف الموضوع مكرر ...
بس انا اول مره اسويها
المهم ما اطول عليكم
حطيت لائحه فيها المنظفات يعني كلوركس و صابون و فانش و ديتول و خلافه
و معلبات : فاصوليا و فول و ذره و شمندر ..............الخ
مجمدات: دجاج و باميا و بطاط و لحم مفروم و نقانق ..............الخ
شاي و حليب : فيها الشاي الفل و الورق و الليبتون و الحليب الكرنيشن و المحلى و المربى
الاجبان : كل الاجبان اللي اشتريها و الزيتون
اغراض الاطفال: الحليب و المناديل المرطبه الكاكاوات و البطاط و العصاير
العنايه الشخصيه:معجون اسنان و كريمات و شامبو و بلسم و شاور جل .......
البهارات و المعكرونه: هادي عاد فيها الرز و البهارات و الماجي و المعكرونه و اللازانيا ........
بعدين حطيت متفرقات فيها كلينكس و الصبار و السكر مال التقديم و الشغلات حقت الكيك ..و العصاير و البيبسي .....يعني الخرابيط اللي ما لها لزمه اصلا و نشتريها و تاخد عندج بالكبت سنه ما استخدمتيها ....
و شنو صار وياي ..اني لما جيت احاسب ...انصدمت بالفاتورة تقريبا طايح منها النص....ليش؟
لاني التزمت بالشغلات اللي سجلتهم في اللائحه .....و بعدين رديت البيت و اقول اغراضي ناقصه و رح ارد بعد يومين اشتري بعد ....بس العجيب اني الشهر هذا ماشاء الله ما نقصنا شي الحمد لله ...
يعني كنت اضخم الفاتورة باشياء حنا ممكن نستغني عنهم
اتمنى ان موضوعي مو مكرر و ان كل اللي تدش تقول رايها ...مو تطنشونا عاد

 

[جارة القمر]

مشاركة: لائحه المشتريات

seule12


شوفي حبيبتي

أنا دايما قبل ما أروح الجمعية ولا مركز سلطان

أكنب ورقة

فيه كل احتياجتي واحتياجات البيت


بس تبين الصج

ساعات أروح الجمعية بعد ما أجيب أغراض البيت

تقصر شغلات بسيطة

اروح ايبه


وأنا هالشهر تبين الصج


نفسج والله الحمد ما قصرنا شي


أنا عندي سالفة الورقة وتكتبين فيه كل شي أحسن تنظيم وتوفير الوقت لج بدل مو كل يوم جمعية






وأتوقع الموضوع مو مكررر

 

[xxx]

مشاركة: لائحه المشتريات

انا مثلكم أكتب بورقة

لا وجنه صج معاي قلم و أشطب

بس لازم اروحي مني ومناك واخربط

 

[رفرف]

مشاركة: لائحه المشتريات

انا اكتب ورقة بس مالتزم فيها اشتري دبلات اللي بالورقة للأسف اغلبها مالها داعي

 

[al7anona]

مشاركة: لائحه المشتريات

÷هههههههههههههههههههههههههههه احلا شي الجمعية تروحيين بتشترين شي واحد وتاخذين ل اللي بالجمعية

 

[خبيرة اعشاب]

مشاركة: لائحه المشتريات

شفتوا شلون....ترى كلنا حاطيين لائحه بس عمرج ما تلتزمبن فيها ....انا اكثر ما يذبحني اني اخذ لي شغلات مو معتازتهم اصلا و اقول خلاص هاذي بربع ...هاذي بدينار ...مو مشكل ...
و لا حاسبتي تصير الشغلات ام نص و ربع ب 35 دينار

 

[زيـنـه]

مشاركة: لائحه المشتريات

مشكوره على سالفة اللائحه .. انا اسويها مرات .. بس ما التزم فيها مرات وايد لاني ساعات انسى بعض الاشياء و ساعات تغريني عروض او منتجات تكون مو طاريه على بالي فاشتريها .. و الله كريم

 

[al7reyaa]

مشاركة: لائحه المشتريات

انا اكتب باورقه بس اكو اشياء لازم تردين الجمعيه تشترين لان تنتهي مدتها بسرعه بس الحفاظات والحليب اكووووود تكود والكلينكس ادق على بشاير الخير اييبون لنا كرتون 6.30

بس اذا كتبت ورقه رحت الجمعيه اشتري اللي بالاوراق واشطب بعد جني بنت الكويت .. وازيد عليهم خرابيط شوي وامووووووووووت على اللي وياهم عروض واشوف اشياء مو بالورقه واتذكر اكلات .. واتشهى اكلات وانا ادز العربانه واذا رديت اتعيييز

يعني تقريبا نروح الجمعيه 3 مرات بالشهر

 

[خبيرة اعشاب]

مشاركة: لائحه المشتريات

هو لازم تروحين مرتين او 3 ....لان فعلا في اغراض صلاحيتها تنتهي ...البيض و الحليب و الاجبان و الكورن فليكس...
الحمد لله صدج حنا بنعمه

 

[MaYoOoma]

مشاركة: لائحه المشتريات

لا انا ماحب اكتب احب اروح اتفرفر اذا ما وراي شي وامر على كل الارفف واللي احتاجه واللي ما احتاجه اخذه

 

[عسولة الكويت]

مشاركة: لائحه المشتريات

انا مثلكم اكتب اللي ناقصنا واتفاجأ اني شلت الجمعية كلها بدون ماادري عن نفسي

شكلنا كلنا نفس الشي بس لازم امسك نفسي عدل لان اغلب اللي اشتريه اكتشف انه خرابيط وماله داعي

 

[al7reyaa]

مشاركة: لائحه المشتريات

مثلا اليوم خدامتي قالت : مدام ماكو سابون دوم يعني صابون هدوم وماكو طبعا سكتتها وقلت لها كتبي.
انا اليوم ماره اعيال اختي جان تقول خدامتها : قولي حق مدام ماكو بامبرز .
بما ان اختي معزومه على عرس وريلها بالبر جان امر 24 ساعه مال منطقتهم
شريت :-
كرواسون تايد بنسيم الحدائق ديتول
دارلينقز حق اعيال اختي جيف فيري
ككاو مشكل حليب بروجريس بنجربه


فاتورتي9.210

طبعا ما شريت كل اغراضنا باجر بروح مع ريلي

وتونا مستلمين المعاشات

 

[ام طلال]

مشاركة: لائحه المشتريات

والله انا اكتب طلبات البيت بورقه ولازم ورقه لونها اصفر ليش ماادريبس مودايما التزم فيها ولما ادش الجمعيه تحوشني حاله غريبه عجيبه ودي احط كل الجمعيه بالعربانه مااخلي رف يطوفني جني موماكله منشهر او بتحوشنا مجاعه واغلب اللي اشتريه محد ياكله وينقط بالزباله بس ادعولي التزم

 

[jolie_q8]

مشاركة: لائحه المشتريات

انا اكتب بورقه .. وهم في اشياء تنقص ولازم ارد اخذهم

خاصه الخضار انا ما احب اكود...احب اخذ فرش

واصلا مستحيل الجمعيه اخليها شهريا << عادي 4 - 5 مرات بالشهر ..تعودنا

غير اذا اليهال حنوا.. واقرب شي الفرع ..نروح نحوس شويه وهم اقل شي 3 دنانير

الله يعينا

 

[خبيرة اعشاب]

مشاركة: لائحه المشتريات

ابشركم يا بنات
امس كنت بجمعيه الروضه ...و مصممه حدي اني ما اشتري غير اجبان و حليب و شغلات حق الريوق ....
فوانا قاعده افر لقيت شاي اعشاب يهبل الماني و حاطينه بكيس بلاستيك ..و بدينار و 800 قلت ما يخالف خلينا نجربه ..و خذوا العيال بطاط و عصاير قلت ما نقدر نردهم..تونا مستلمين المعاشات ..خليهم يستانسون
شريت 3 علب اكل للطير عشان ما اروح افر عليها مره ثانيه ...
لقيت شامبو جاك ديسانج عليه عرض قلت ما ينطوف ...خذينا منه بعد مع العلم اني من زمان بطلت استعمله
المهم ...لما وصلت الكاشير لقيت هم بعد عنده مجله انترنت بنص دينار و حطيتها و لما جيت البيت ما ادري وين راحت ......قطتها الخدامه يمكن تحسبها من الجرايد الاعلانيه
المهم كان الحساب حوالي 22 دينار مع العلم اني و انا طالعه دشيت الصيدليه و شريت دوا حق زوجي و خذيت بعد شراب كحه ..احتمال ان العيال يبردون و تحوشهم كحه لاننا نروح للبر الايام هاذي ...
شفتو اشلون ...بجم طلعت علي اغراض ريوق...عنا ما تريقنا
اخر شي قعدت افكر ...زوجي عمره ما اشتكى من مصروف البيت و لا قال ليش زايد...هو اشتك يوم ان صارت الفاتوره مو واجد و جاي طول الطريق يهددني ترى ان نسيتي شي و الله ما ارد اجيبه ....تراني انا مو خيطي بيطي على الجمعيه خلصي اغراضج ...........و و و و و
يا الله طولت حجي ....جايكم البر كثروا من الحب و البسكوت و لا تنسون كثروا معلبات ترى البر يجوع

 

[أم ضارى]

مشاركة: لائحه المشتريات

ماكو فايده هاذى مشكلتنا الازليه بالجمعيه

الحين السالفه مو ان احنا نكتب احتياجاتنا بورقه لالالالالالالالالالالالالا المشكله اشلون نلتزم باللى كتبناه !!!

والله احنا مشكله صراحه

ودى ودى شهر تزيد الميزانيه عندى والا على الاقل تكفينا ويريت على اشياء تستاهل كلها كماليات لالالا وتخترب قبل لانستخدمها

بس لايأس مع الحياة ولا حياة مع اليأس لازم نحاول

 

[Brounzi_girlly]

مشاركة: لائحه المشتريات

أولا مشكورة على الموضوع ودي أجرب طريقة تخليني أروح بس مرة بالشهر ياريت تفيدونا بنات
مع تحيااااااااااتي.........

 

[أغلى حبيبه]

مشاركة: لائحه المشتريات

انا اول الشهر اروح مع زوجي

ومعانا ورقه مكتوب فيها اللي ناقص

واذا نقصني شي زوجي يمر بالليل الجمعيه

بس جربت اروح بروحي ماكفتني الفلوس لا وكان مالي خلق

وماخليت شي ماخذيته

 

[آخر ذكرياتي]

مشاركة: لائحه المشتريات

انا اللي اييب أغراض البيت حق أهلي مع أخوي أو مع السايق والحمدلله عمري ما يبت شي مو ضروري اتري الشي اللي يلزم وبس

وانا كل روحة احط قائمة للأغراض أجبان معلبات خبز منظفات وصابون شاي بهارات واغراض حق الحلويات ومثلجات مثل الخضار المشكلة وهالسوالف ودياي وخضار وفواكه

بس دائما اييب الشي الضروري وبس

ونصيحتي للي تحس انها لما تروح الجمعية تخربط وايد انها ماتروح تكتب الأغراض حق ريلها بورقة وتخليه اهوا اللي اييبهم لأن الرياييل ماعندهم هالخرابيط أصلا أكثر الأغراض مايعرفونها فطبيعي انه اييب الشي الضروروي وبس

 

[خبيرة اعشاب]

مشاركة: لائحه المشتريات

الله يعطيكم العافيه يا بنات ....تعب راسي من الاغراض و الجمعيه الي ما تخلص ...صرنا عايشين بس على متى نروح الجمعيه و نبي من الفرع ..شنو لو اننا 20 فرد بالعايله جان اغراضنا مو جذي..و الله اني لما اقارن استهلاكنا بالكويت ببعض الدول الثانيه انخرع..صايرين مجتمع استهلاكي من الدرجه الاوليى
و البلشه اني افكر اشلون الجنسيات المقيمه بالكويت معاشاتهم ما تتجاوز 200 دينار ..و عندهم عيال و يدفعون ايجارات بيوت وصاريف علاج و حق مدارس عيالهم ...و مع ذلك يوفرون فلوس .. و يسافرون لديرتهم مره كل سنه ...وي وي وي
و حنا الي معاشاتنا بالالوف غير دعم الحكومه و غيييييييييييييييييير لا جيتينا اول اسبوع من الشهر مصفرييييييييييييييييييييييييين ليش؟ شنو الفرق يعني هم ما ياكلون و حنا الي ناكل و الله تلقين الولد عندهم خدوده تبي تطق ما شاء الله من العافيه و حنا عيالنا مسلوعين يخرعون مو مبينه عليهم النعمه هههههه
بس فالحين لا جت الساعه 1 كلهم يتهاوشون على التلفون يبون كنتاكي و هارديييز ..و الله اشوف عيال خواتي يعني ما يجون من المدرسه الا و يمر بيهم السايق اول شي على كنتاكي او برجر كينغ بعدين يبلعون ها الدهون و ينامون ..و لا قعدوا تهاوشوا الي يبي سبيس تون و الي يبي البليستيشن و الي دش الانترنت ..........و الي طلب فطاير و ما وصلت ..
صراحه حالتنا تكسف ..اذكر قبل امي تسوي لنا صمون جبن مثلث و لا رحنا المدرسه نستغرب اشلون في بنات معهم ككاو و بسكوت ...
و الله ما تصدقون كان في بنت ويانا كل يوم تبادلني تعطيني بسكوت و اعطيها الخبز مالي ...تدرون ليش ....عمرها ما شافت خبز بيت كله تاكل اكياس هههههه
انا حولت الموضوع على نقطه ثانيه بس ما يخالف
ياللله همتكم