لااأأ جد العبو بنفستى عدل...؟؟؟؟؟

[ياحلو ديرتى]

السلام عليكم ورحمة الله وبركاته

فزعتكم يابنات ديرتى يمكن البعض يقول ماعندى سالفة وان السالفه ماتسوى بس والله هالموضوع موترينى حيل ولعب بنفسيتى واتمنى تلاقولى حل بليزززززز؟؟؟.....


الموضوع ومافيه انى تخرجت من المعهد وانا متشوووووووقه موت انطر الوظيفة بس والله
ماهمنى لامعاش ولايحزنون ودى جذى ارافق بنات ويصيرلى ربع

وراحت الايام وجت وتعينت ولايحوشكم فرحتى اصلا طرت:RoadRunner:


ومتشوقة لدوامى االمهم اول يوم ادوام انصدمت بالواقع وحطونى بقسم بنات مااادرى شمشكلتهم مايخذون ولايعطون معاى وكنه احد حالف عاليهم مايضحكون...

ولانضام حزب ومايبون احد يدشه سج فية بنت مومعاهم بس هالبنت مالها فيهم مره كبيره وعندها اعيال فامالها شغل فيهم وعازله نفسهم امااا انا المسكينه ضايعه باالطوشه..:bbbiu:


وياليت جذى وبس كله يقطوون الشغل على لدرجه مرره بالصدفه سمعت وحده تقولهم ارحمو البنت كراف فيها والا

الصدمه

يردون


خل تووووولى زين خل نكرفه دامها جديده...شرايكم

ا

نا طبعا قصت بقلبى هالكلمه ولاحسست احد بشى ولابالعكس حاولت اكسبهم اكثر وادخل معاهم بكل الطرق لكن لاالاسف هم مايبووون ونضام حقارره..

وماوقفو عند جذى وبس نادتنى المديره والاانصدم رايحين لها وسبينى عندها وبيحطون بينى وبيها ويقولها هذى ماتشتغل وادوام وتزرق وسوالف ماتنقال وكله جذب..

لا بطق انا اجى 7واطلع اخر وحده فيهم وهم الهوانم نضام يجون9 ورارأأ لدرجه شكيت بالدوام وحزته

ولاسالتهم قالو استذان خوووش استذان الشهر كله

ويسولى اشياء مافهما انا توجديده وانصدم بنيته انهم بيطحونى باى طررريق



انا قلت هذولا شفيهم مع انى مامدح نفسى حبوبه وحب الغشمره والسوالف لين


لين

حللت السالفه


بسبت رفيجتهم انشالله مانى ضالمتها بس ماكو الاهالشى والاناس ماعرفهم ليش جذى يعاملونى::(((رفيجته هذى من الاهل من بعيد والضاهر تضايقت لان جيت نفس القسم بما معناته صكيت عليه ومراح تاخذ راحتها)))وانشالله مانى ضالمتها بس هذى اللى واضح حيل...

المهم مديرتى عسل وحبابه قالتى مايهمج احد وان معاج وانا اعرفهم واعرف شسصير بالمكتب...


وفعلا عزلت نفسى وسج ارتحت عن المشاكل بس ضاق خلقى ماعندى احد اسولف معاها كنى جررربه بروحى وهم ضحك وسوالف وان بروحى باعده عن الشررر

بس هذى موحال الدوام حياة موساعة والاساعتين واتعبت نفسيتى لدرجة صرت الوم نفسى واقول لاانا السبب مكروه...


يابنات شسوى احس هالدوام يقتلنى بالبطئ وان انتقت اخاف مالاقى مسوله نفس مسولتى متعاونه وحبابه وان قعدت مت من الضيقة والهم...


جزالكم الله خير انصحونى لو انتو مكانى شتسوين؟؟؟؟؟؟؟؟؟؟؟؟؟؟

 

[هب العطر]

هلا و الله اختي

شوفي انا جربت هالوضع سنتين !!!

انا مدرسة و مدرستي القديمة بقسمي مسوين علي لوبي وايد مااااااااااااااااااااااصخ !!!

و يقطون حجي و يتطنزون بعد

بس كنت اقهرهم بشطارتي و تميزي

خذيت الشغل مكان عمل و بس

و الفلة بعدين برا الشغل

لما الله يسرها لي و انتقلت و الحمد لله

الله يوفقج آمين

 

[ريماس21]

الله يعينج والوظيفه حظ
حاولي افتري بالاقسام او غيري قسمج او مكان الوظيفه

 

[نيولوفر]

<<< اي و الله الوظيفه حظ ... نصيحتي حبيبتي حقريهم و سوي شغلج ع اكمل وجه و ماااااااااالج شغل فيهم و صدقيني بيموتون لي حقرتيهم

 

[ليتني مـآ كبرت]

أهم شي راحتج النفسية

حبيبتي آنا أنصحج تنقلين ,, و إن شاء الله ربي بيرزقج مسؤولة حبوبة نفس مسؤولتج

 

[حجيه هيونه]

طنشيهم خل يولون مالج شغل فيهم

وراح تجي الايام وتلقين رفيجات وتستانسين معاهم

انتي بس صبري

 

[الاء أم لولو]

ماعليك منهم اهم شي انتي انبسطي وتونسي بالوظيفه
وبعد لاتخلييييييييينك بالحيل طيبه وعلى نياتك ترى بعض الناس والله ماينفع معهم الطيبه واذا كنتي طيبه يقولون عنك ضعيفه ويستغلووونك الله يعين

 

[كسر قلبي زماني]

ليش ما تصادقين قسم ثاني وقعدي وياهم قسم حبوووب
وترا المدرساااات كله جذي لعاانه وانتي لاتهتمين وتعالي شكو تسوين شغلهم!!!!
انا هذا اللي قهرني بالموضوع

 

[q8_pearls]

النقل هو العلاج

 

[اميره1980]

و الله احسن شي جت منهم
تجنبيهم كثر ما تقدرين لان انا كانت علاقتي بالدوام معاهم مثل الصديقات و بعد عشرة اسنين اكتشف ان يحشو فيني غير تزليغ الوايرات اللي يحصل من اقرب قريبة
خليهم مجرد زميلات و علاقتج فيهم رسمية الى حد ما يعني ضحكي و جذي بس سرج او اي خصوصيات عنج لحد يدري فيها كلش
خلي صداقاتج بره الدوام احسلج و اذا على تقسيم الشغل خلى مسئولتج توزعه ما بيناتكم و داومي عادي و اللي تبي تطلع مبجر كيفها لان الله سبحانه بيحاسب كل بني آدم على شغله
الله يوفقج حبوبة