لاااااااازم وااااسطه؟؟!!

[Hanoni]

السلام عليكم
شخباركم شلونكم مع العيد ينعاد عليكم بالصحه و العافيه انشالله
بناات انا قبل فترة نزلت موضوع عن ولدي الله يحفظه و يشافيه انه فيه فتحة بالقلب و ضيق بالصمام الرئوي و يحتاج عمليه و البنات ماقصروا و نصحوني اوديه بره
احنا ابونا عسكري بالداخليه فقدمنا علاج بالخارج علي وزارة الداخلية الحين شلون لازم واسطه حق اللجنه الطبيه ولا يمشونه عشانه صغير؟؟
منو مقدم علاج بالخارج علي الداخليه يفيدني واللي يعافيكم
واللي ماتعرف ترفع الموضوع و تدعي لولدي الله يشافيه ياااارب ياشافي يامعافي ياقدر علي كل شي يا رحمن
و مشكورين

 

[ليالي الماضي]

الله يشافي ولدج ويعافيه ويخليه لج وتفرحين فيه
ماعندي خلفية عن العلاج بالخارج بس بغيت اسألج شلون عرفتي ان ولدج فيه فتحة بالقلب قبل لاتاخذينه الطبيب

 

[ام عفراء]

اللي اعرفه انه حالات الاطفال يتساهلون معهم بس اذا عندكم واسطة حركيها افضل ،، لانه اعوذ بالله الديرة كلها صايرة ماتمشي الا بالواسطة
والاهم من كل هذا اخلصي بالدعاء و الصدقات والله يسهل اموركم ويشافي لج ولدج

 

[worood82]

الله يشفيه يارب ويحفظه لچ بالهزمن كلشي واسطه بس والله السهالات والتوفيق من رب العالمين انشاءالله ما تحتاجين واسطه



( افوض امري الى الله ان الله بصير بالعباد)

 

[washwoshh]

الله يشافيه يارب


وانا قريت بمنتدي اهنيه انه الفتحه تتسكر مع الوقت ويارب ولدج تتسكر فتحته من غير علاج يارب

 

[q8 knosha]

انا اقول شوفيلج واسطه اهني كل شي بالواسطه

 

[Hanoni]

حبايبي مشكورين علي الرد
ليالي الماضي انا ليمن ولدته سمع الطبيب صوت بقلبه حولوني علي الصدري مناك سوله سونار طلعت الفتحه كبيره ١٠ سم و فيها لفه بسيطه بالشريان
الله القادر علي كل شي سبحانه يااارب يشافيه من غير عمليه انما يقول لشي كن فيكون
المشكله اللي ماعنده وااااسطه شيسوي؟؟

 

[-فلانة-]

عسى الله يشافيه و يعافيه و يبلغج فيه..
وعسى الله يعطيج الصحة و الصبر و القوة يا حبيبتي..
ما عندي فكرة عن العلاج بالخارج بس الأكيد إن كل شي بالواسطة يمشي..
عسى الله يسهل أمورج و يسخرلج عبيده إن شاء الله.​

 

[mama-dodo]

الله يشفيه ان شاء الله
اذا كان الولد تعبان ادعي ربج واللجنه اكيد بتكون معاكم
بس اختي الي سمعته ان الحين العلاج بالخارج مصكر والله اعلم

 

[Hanoni]

والله اني قاعده ادعيله كل دقيقه و ثانيه الله يشفيه يااارب
شلون مصكر احنا عطونا موعد الاثنين للجنه؟؟
مادري والله عنهم يسونها ربعنا 

 

[Hanoni]

عفيه بناات ابي تجاربكم
مافي وحده قدمت للعلاج بالخارج عن طريق الداخليه و قبلوها من غير واسطه
انا واسطتي الله احسن من الكل
بس ابي تجارب كوني جديده علي هالشغله؟؟

 

[PuPa^^SWeeT]

لازم واسطة

لانه العلاج بالخارج اتلاقين اللي يبي يروح سياحة


دبر واسطة و راح سكر عالمرضى الفعليين



دبريلج نائب اتعرفونه ولا احد دكتوور يعرف احد هناك

 

[•Brown•Sugar•]

ربي يشافيه ويعافيه من كل شر