لااا .. مستحيل !! هذي مو أم .. حسبي الله ونعم الوكيل

[الملازم أيمي]

السلااااام .. شخباركم
عساكم طيبين مع هالجووو الفنتق

هاي اول موضوع لي في هالقسم .. أعتقد ..
والي خلاني انزل هالموضوع
ان لحد الان مو قادره اصدق .. الي جافته عيني
ولا راضي يروح عن بااالي

القصه كالتالي ..:


كنا ربع قاعدين مع بعض
مثل ما يقولون يمعة بنات
وكان معانا بنات انا ما اعرفهم
يعني رفيجات رفيجاتي --->> تعال فجج ههههه
المهم
مالكم بالطويله
في وحده من البنات .. وهذي الي بقول لكم عنها
دشت معاها بنت صغيره
مع سوالف عرفت انها متزوجه ..
انزين من هني المشكله ..
عاد يوم دريت انها متزوجه سالتها عن البنت الي معاها
قلت لها هاي بنتج !! لان في شبه بينهم واضح
قالت لي لا هاي اختي .....!!
طبعا الياهل كنت معانا ... صغيره
عمرها في حدود ال 8 سنوات .. تقريبا او اكبر بشووي
كلش كلش يمكن 10 سنوات

المهم .. مع السوالف
اكتشفت .. من خلال رفيجتي ..
ان هذي ما كانت اختها ... لاااااا
كانت بنتها

بنااااااااات انتوا متخيلين معاي الموقف
تنكر بنتها جدامي وجدامها .. هني الكارثه
الياهل مسكينه ساكته .. ومنزله راسها
ومبين على وويها الف سؤال وسؤااال
سالتي رفيجتي الي اعرفها وانا فيني قهر يترس ديره
قلت لها لااااااااااا حلفي ان هاي بنتها .. ليش جذبت علي
شنو الهدف .. ليش تجرح البنت ..
وليش تسوي جذي .. وليش وليش !!

تقولي اي اهيا ما تحب تقول حق احد ان هاي بنتها
ما تبي تكبر روحها
ولو انتي ما تعرفينها .. عادي تقولج انها مو متزوجه

بناات بذمتكم .. في احد هاي القسووه
في ام جذي مثلها !! !! !! :eh_s(14):

الي معور قلبي .. الياهل ..
الي لما اجوفينها تحسين انها مكتومه وفيها حززن

افففففف حدي انقهرت وانا اكتب ..
مابي اغلط على امها ..
ف بضطر اترك التعليق لكم

:
:

وسلامتكم ​

 

[♥ ݤليے ﻁﻔووله ♥]

حسبي الله عليهآآ
عقدت البنيه وهي مالهاآ ذنب

ماعلييييه باجر بنشوف شنو بينفعها سنها ولا بنتهآ

 

[فرفشه منعنشه]

حمدالله والشكر

عقليه متخلفه والله يصلحها

 

[Dalo0o3a Cute]

اعوذ بالله ماكو احساس

 

[^^yasmina^^]

خوش ام عقدت البنيه :/

 

[الملازم أيمي]

:
:

بالضبط ..
يعني حطي روحج انتي مكانها ..
شنو بكون شعورج ..

يمكن انتي الحين كبيره وتفهمين ويمكن تسايرينها ..
لكن الياهل ..

الله يعينها على امها ..
هاي اذا واهيا صغيره نكرتها ..
شنو بتسووي باجر لي كبرت

:
:

الملازم ., كانت هنا

 

[دنيتى زوجي M]

يمكن خايفه من العين ماتدرين ليش ماقالت الصج انا اعرف ناس جذي

بس حبيبتي ماتوصل لدرجه تتحسبين عليها بينها وبين ربها كيفها يعني اهي لا ضرتج ولا شي

لو قايله الله يهديها احسن بدال ماتدعين عليها

 

[الملازم أيمي]

يمكن خايفه من العين ماتدرين ليش ماقالت الصج انا اعرف ناس جذي

بس حبيبتي ماتوصل لدرجه تتحسبين عليها بينها وبين ربها كيفها يعني اهي لا ضرتج ولا شي

لو قايله الله يهديها احسن بدال ماتدعين عليها

:
:
كلامج حلو ومنطقي
والله يسامحني اذا ظلمتها

بس لان ما شرحت ولا تحجيت عن امها ..
وشنو المستوى الي جفته بعيني ..

وبعدين العين من شنو الله يهداج .. كلهم متزوجين ومحد غريب فيهم
غير انا الي ما عرفتها
انا صديقتها قالت لي عنها ولا انا ما بحكم مني والطريج !!

اشكرج على نصيحتج ..

:
:

الملازم ., كانت هنا

 

[بآتونيآ]

الله يهديها بس

 

[leeny]

حمدالله والشكر

 

[متوترة]

ول استغفر الله العظيم هذه متخلفه وتسمع بالعين والحسد

صج ناس عقليتها زفت
يعني لو يرزقني الله ببنت تلاقيني امشي بكل مكان واقول هذه بنتي من الوناسه
الله يعين بس
واللهم لاشماته

ووانا اقرا الموضوع استغفر الله حسيت اني لعنتها الف مره واشهق ومتحمسه ><
الله لايعاقبني

 

[ام شيخوه]

ماادري اشوف الموقف عادي وليش تتعقد البنت !

 

[الملازم أيمي]

يسلموووو الي ردوا

على راسي والله ..

ام شيخوه حبيبتي .. يمكن عندج عادي .. بس اذا انتي فعلا ام وعندج بنت اسمها شيخه
جربي ولو لمره انج تنكرين انها نتج جدام الناس .. علشان محد يقول عنج ام
يمكن احساسج يختلف .. عن احساس بنتج
الي المفروض تحس بان امها تفتخر فيها جدام الناس
حالها حال اليهال الي كانوا موجودين معانا

يسلموو على ردج حبيبتي ..

:
:

 

[LadY BuG 80]

ما فهمت طريقه تفكيرها ! ما اعتقد انه هاذا اسبب عشان لا تبين كبيره .. مو مقنع

ايش بتستفيد لو اثبتت انها صغيره ؟؟ بلعكس انا اشوف البنات يتفاخرون اذا هي صغيره و عندها بنت بطولها تقريبا . يعني انها ام سكسيه و عيالها كبار

تصرفها ماله مبرر .. و اذا هي كذبة لانك ما تعرفينها . طيب البنات الموجودات ايش كان موقفهم و هي تكذب و تستخف!! دمها محد علق ؟

الموقف غريب و تصرفها اغرب ,,

الله يهديها و يسلمواا :eh_s(17):​

 

[سويت فانيلا]

حرام عليها

 

[اسينات]

الله يخلف على عقلها بس

 

[الملازم أيمي]

ما فهمت طريقه تفكيرها ! ما اعتقد انه هاذا اسبب عشان لا تبين كبيره .. مو مقنع ​

ايش بتستفيد لو اثبتت انها صغيره ؟؟ بلعكس انا اشوف البنات يتفاخرون اذا هي صغيره و عندها بنت بطولها تقريبا . يعني انها ام سكسيه و عيالها كبار ​

تصرفها ماله مبرر .. و اذا هي كذبة لانك ما تعرفينها . طيب البنات الموجودات ايش كان موقفهم و هي تكذب و تستخف!! دمها محد علق ؟ ​

الموقف غريب و تصرفها اغرب ,,​

الله يهديها و يسلمواا :eh_s(17):​

مووو هاي الي صدمني
قالت لي لا هاي مو بنتي .. وجدام رفيجتها الي تدري انها بنتها
وبعدين عقب الصدمات المتتاليه لطبيعة الام وافعالها
سالت رفيجتي وقلت لها ليش تجذب
قالت لي اهيا دايما جذي.. احنا تعودنا عليها
لدرجة محد يدخل ويقاطعها ويقول لها جذابه

الام صغيره ..
في بداية العشرين ..
اتمنى الله يهديها من جميع النواحي .. مو بس من ناحية بنتها !!!

:
:

 

[الملازم أيمي]

سويت فانيلا ( اذا ما غلطت في الاسم السموحه )
اسينااات

يسلموووو على المرور .. والمشاركه

بنات .. هاي نموذج جدا جدا جدا بسيط ..
من الي اجوووفه ..

الي بوصله لكم ..
الي عندها بنت .. او ولد .. ترى والله العظيم لما الام تفتخر فيهم جدام الناس
وخصوصا لما تعرفهم على صديقاتها .. وتقول هاي بنتي وهاي ولدي
وتمدح فيهم
والله ثم والله .. ياثر بشكل جدا كبير على الطفل

ترى ذلين عيالكم . . حطوهم في عينكم
تحملوا فيهم .. المال والبنون زينة الحياه
لا تنكرين بنتج .. ترى الدنيا دواره

بااجر وانتي في اعز حاجتج حق احد يشيلج ويهتم فيج
محد بشيلج غير بنتج وولدج .. ومحد بيهتم فيج كثرهم
بيهتمون فيج بدون مقابل .. ولا بمنون عليج .. ولا بملون منج لما تربينهم على الصح
لا تنكرينهم اليوم .. علشان لا ينكرونج باااجر
بعدها ما ينفع الندم

:
:

.,

 

[! بــدويه وآآيــد !]

،


عادي مامن صحااااوه
ودام ماتبي تقول انها بنتها ليش ماخلتها بالبيت

 

[شوق العجمان]

ما تبي تكبر عمرهاااا