قوة بنات ~
امممم ما احب الهذرة الزايدة فبكتب الموضوع بإختصار
حبينا نغير عن الافنيوز انا وريلي بما انه الجو حلو حزة العصاري ,, طرى على بالنا الكوت وطيران رحناله ،، انا مارحت الكوت الا مرتين من قبل وروحتي هالمرة كانت حلوة ونااااجحة بالثلاث الحمدالله تغدينا في مطعم لابياتزا (ايطالي) واخذنا السويت في سكوب جيلاتو ،، اثنينهم كانوا برة صوب النافورةبالنسبة حق لابياتزا كان الطلب : شوربة لي ومكرونه بيني وبين ريلي و 2 كولا
تقييمي للمطعم كان ممتاز والخدمة حلوة وسريعه ,, جودة الاكل بييييرفكت الشوربة كانت ناطعة وحارة وهمن المكرونه ،، والسعر معقول كان 7.150 ~
وبالنسبة حق سكوب جيلاتو كان الطلب : برد مانجا وككاو وفراولة وماي ،، الخدمة سريعه وطعم البرد عادي فيه احلى منه الصراحة ،، والسعر كان 3.750 ~
وهذي الصور ,,,
شوفوا الوضع كان هادي حيل والجو عجيييييييييب ماشاء اله ماجنه بالكويت ،، حزتها كانت الساعه 4
الشوربة تهبل شوربة ماشروم لاتفوتونها ناطعه
وهذي المكرونه (بيني اربياتا) تهبل بنات ذوقوها
طلبنا وحده بيني وبين ريلي لان الطبق راهي ماشاء الله يصلح حق sharing
اثنين كولا
بالعافية
هذي فاتورة لابياتزا
يم لابياتزا اكو كافيه بول وكوستا وسكوب جيلاتو الي قعدنا فيه
شوفوا شكل البرد يغري بس الطعم حده عادي ترى باسكن روبنز احلى .. الككاو نكهته فريرو روشيه كان شيرة حيل
سوري نسيت اصور الفاتورة كان السعر 3.750
الزبدة انصحكم تروحون هالمكان بأيام مو ويك إند خصوصا بهالجو الحلو ،، القعدة ونيسة وهادية وتفرفش
اي سؤال انا حاضرة بنات حياكم ~
