ماقصرت الأخت unicorna ، وفعلا عطور أمريكا وأوروبا مركزة وتقعد سنين ماتتغير ريحتها ، ونصيحة أكثر عطور مميزة وتصلح
للعروس العطور الكلاسيكية مثل عطورات شانيل وعطورات ديور واحرصي على البارفيوم مو التواليت وأخذي الست كامل العطر والشاور
واللوشن .و احرصي تنوعين مابين العطور الحادة والعطور الباردة ولاتاخذينها كلها نفس الشي فيكون تأثيرها واحد . ولا تنسين توصين على
الhair mist عطور الشعر ، عندج هير مست توم فورد يصلح مع العطور الشرقية ، وفي بعد هير مست من ألور ومادموزيل من شانيل
حلوين بعد وهير مست أنجل حلو بعد ، شانيل نمبر فايف ماعجبني وماركات واجد بس هذا اللي جربته .
وهاذي اقتراحاتي من العطور
عطر هايبنوتيك بويزن الأحمر Hypnotic Poison نزل سنة 1985 ولازالت الشركة تنتجه من كثر الطلب عليه وصنف من أكثر
العطور إثارة ، وفعلا عطر مسائي و مايصلح بأي وقت ومكان .
ايديل من جيرلان حلو وأخذي بودرة الجسم منه حدها عجيبة
وعندج انر جريس من فيلوسوفي يهبل بارد وصباحي ومنعش وفي منه شامبو للشعر ونزل الوردي اسمه أمازينغ غريس بس ما شميته .
وفي ماركة امريكية من نيويورك اسمها بوند نمبر ناين موجودة بالإمارات بمركز برجمان و موجودة عندنا ، معروف انه عطورها غالية ومميزة
ماشميتها لكن عطورها لها سمعة ، وهذا ويبسايتهم .
http://www.bondno9.com/
وعندج عطور جفنشي وأنغارو دايما مميزة ، وفالويب سايت اللي تحت موقع سيفورا وحاطين فيه أحدث العطور اللي نزلت مؤخرا
http://www.sephora.com/browse/section.jhtml;jsessionid=3GMFWAXMTBWO4CV0KQNQX0Q?categoryId=B23
