لاتنسين تحطين هالأشياء بجنطة السفر!!

[cat_q8]

السلام بنات
قرب وقت السفر والكل قاعد يتزهب حق السفره
وانا قاعده اكتب اللسته حق جنطة السفر بديت بأهم الأشياء
اللي لازم تكون معاي فقلت أحطلكم هالأشياء اللي كتبتها انشالله تفيدكم وتذكركم

اول شي وأهم شي ( المصحف)


لا تنسين حصن المسلم ( اذكر الله يذكرك) فيه اذكار السفر واذكار الصباح والمساء وكل اذكار المسلم



البندول وايد مهم وخليه بجنطتج اللي بتاخذينها بالطياره أحسن



كريم ميبو حق الحروق البسيطه (الله يكفيكم الشر)


لزاق جروح متعدد الأحجام



جهاز قياس الحراره خاصتا اذا معاج يهال



جل معقم ديتول للايدين ( مهم وخلية دايما بجنطة ايدج)



خافض حرارة اذا معاج يهال



زعتر حق عوار الجبد والبطن


يتبببع

 

[cat_q8]

كمون حق الاسهال والترجيع تكرمون( بالسفر يتغير الجو والأكل عليكم فاحتمال تحصلكم هالأشياء)




حلبه ( تسحب الهوا من الجسم وتهدي الآلام)



أغراض القهوة العربية ( اذا كنتي مدمنة نفسي راح تحتاجينها)



فازلين (مهم حيل واستخداماته وايد )



لعبة ولدج/ بنتج المفضله( راح آخذ بارني حبيب ولدي)



لاتنسين الكاميرا


ملقط-مقراضه- جلاليب-مقص صغيرون-بكرة وابرة



دهن ابو فاس نفس الفكس (تدهنين فيه الصدر او الظهر حق الكحة) اخذية ضروري لأنج ماتضمنين الظروف

 

[cat_q8]

علج مستكه حق الطياره ( يخفف الضغط على الاذن ويخفف لوعة الجبد)



أمواس حلاقة وجل حلاقه حق ريلج




أتمنى انكم استفدتوا حبايبي واللي عندها اي شي اذكرنا فيه ياريت ماتقصر:tek:

 

[سمبوسة]

يا بعد عمري يزاج الله خير وبزيد عليهم مطارة ماي حار ساعات يحوشج برد من تغيير الجو و كريم للعضلات لأن تشد مع المشي وابريج الحمام وانتوا بكرامة ضرووووري

 

[cat_q8]

يا بعد عمري يزاج الله خير وبزيد عليهم مطارة ماي حار ساعات يحوشج برد من تغيير الجو و كريم للعضلات لأن تشد مع المشي وابريج الحمام وانتوا بكرامة ضرووووري

مشكوووووره قلبي صح ابريج حمام مهم حيل بعض الدول مافيها ماي بالحمامات:eh_s(14):

 

[سمبوسة]

وبعد تذكرت بوصلة القبلة العام نسيتها وتوهقنا أشوة طلعناها بالانترت وبعد تطبعون ورقة بمواقيت الصلاة للدول اللي بتروحونها ولي ذكرت بعد بقول أدري داشة عرض بموضوعج حبيبتي :dddds:

 

[cat_q8]

وبعد تذكرت بوصلة القبلة العام نسيتها وتوهقنا أشوة طلعناها بالانترت وبعد تطبعون ورقة بمواقيت الصلاة للدول اللي بتروحونها ولي ذكرت بعد بقول أدري داشة عرض بموضوعج حبيبتي :dddds:

عدل كلامج مواقيت الصلاة وايد مهمه
وهذا موقع يبين مواقيت الصلاة بكل مدن ودول العالم
http://http://www.mehtag.com/cgi-bin/pray/arabic/PrayawyOnline.cgi

 

[زيـنـه]

نسيتي

السياده و الثوب و البوصله ومواقيت الصلاة طبعيها من سايت موثوق فيه من الانترنت
ابريج او دولكه صغيره بلاستيك للحمام
شاحن الموبايل او الكاميرا
بلاك او موزع الكهرباء للسفر لان في دول غير عنا كهربتهم او بلاكاتهم

يعطيج العافيه

 

[انادي]

الصراحه يعطيج الف عافيه​

:ggdw:

 

[Hello_kitty]

مشكووووووووووره ويعطيج العافيه

 

[دمـوع الشـموع]

يسلمو
بس اتخيل شايلة كعي حلبة بالسفر
ماكلتها بالديرة والنفاس اكلها بالسفر

عموما الاعشاب اذا بتاخذينها لامريكا واوربا بياذونك بالتفتيش
ماله داعي

 

[Miss Golden]

وايد شغلات حلوه ومهمه بس ضحكتيني على سوالف القهوه العربيه والاعشاب وووووو بارني:dddds:


الله يعطيج على قد نيتج و ان شاءالله تستانسون بالسفره ولا تحتاجون للادوية والاعشاب..



عاد هااا.. مو تنسين الصوغه :klhfl:


مشكوره على الموضوع الحلو ويعطيج العافية :tek:

 

[عمة فاتو]

انتي مسافرة ولا رايحة كشته؟؟!!!

 

[cat_q8]

وايد شغلات حلوه ومهمه بس ضحكتيني على سوالف القهوه العربيه والاعشاب وووووو بارني:dddds:


الله يعطيج على قد نيتج و ان شاءالله تستانسون بالسفره ولا تحتاجون للادوية والاعشاب..



عاد هااا.. مو تنسين الصوغه :klhfl:


مشكوره على الموضوع الحلو ويعطيج العافية :tek:

وايد مشكوره حبيبتي

 

[cat_q8]

انتي مسافرة ولا رايحة كشته؟؟!!!

!!!!!!!!!!!!!!!!!!!!!
عندج كلمه حلوه قوليها ولا ...............!

 

[autointoxication]

عجيييبه ماخذه مطبخكم كله ، قمه في الاستعداد لأي ظرف طارئ

انتي عكسي

انا زين مني اخذ هدوم

احب اشتري كل شي من هناك

احس بحرية اذا سافرت بدون جنطه حده وناسه

 

[وين^العهود]

يعطيج العافيه

 

[حاااايره]

يسلموووووووووو حبيبتي

 

[كويتية أصيله]

مشكوره حبيبتي cat_q8 بس ترى فيه ملاحظه أستراليا ممنوع دخول الأعشاب والأدويه والقهوه العربيه والهيل والزعفران يعني ممكن تتعرضون لمشاكل .


سمعت والله أعلم إذا القهوه العربيه مغلفه من المطحنه ومكتوب عليها مكوناتها وتاريخ الصلاحيه يمكن يدخلونها بس لازم تقومين بالتصريح فيها بالمطار هذا والله أعلم

 

[doll2008]

مشكوورة عالتذكير والموضوع الحلوو..