لاحول كل شهر تطلع لي سالفة جديدة ؟؟؟؟

[كويتية ملاك]

محبا بنات شلونكم شخباركم

سالفة الشهر هذا شنوووووو
انا يابنات من شهر 3 استخدمت ابر تنشيط ولمدة 3 شهور ......وبعد هلابر \شنو صار .................صار عندي تضخم بالمبيض والحين انا اعالج هالتضخم هذا
شسوي الدكتور نصحني بمنظار يابنات اسويه ولا لا
والله خايفة ولاعت جبدي وزهقت
:eh_s(11)::eh_s(11)::eh_s(11)::eh_s(11):
شلون يروح التضخم؟؟؟؟؟ في اعشاب تشيل هالتضخم
وشلون ترجع هرمونات الجسم نفس اول؟؟؟؟؟

ودكتوري الله لايسامحه لعب فيني لعب بالابر هذي اللي وصفاها لي بزياده وهو دكتور
تودور بمستشفا الراشد بالجهرا :rgewrg:

اما الحين اعالج عند ماجد الشمري ونصحني بالمنظار

يااااااااااااااااااااااااااارب شسوي :krkrkr:
تكفون ردواااااااااااااااااااا علي والله مافي شي ماسويته صرت حقل تجارب:eh_s(4)::eh_s(4):

 

[MeMeالحلوة]

​

الله يكون بعونج حبوبه والله مادري بس ان شالله البنات يفيدونج

 

[زين ودلال]

حبيبتي سوي المنظار وغيري الدكتور اللي لعب فيج
وشوفي اكثر من دكتور

 

[الزيـــــ^^ـــــن]

مادري حبيبتي
الله يرزقج

 

[OM-TURKY]

الله يفرج همج انشاءالله ويروح عنج التضخم غيري الدكتور شوفيلج دكتووور احسن وادعي ربج واقري سورة البقره ريحي نفسج واستغفري

ترى النفسيه لا اتعبت اتأثر على كل شي . كل شي بصبر زين لاتحاتين قولي الحمدالله والله اذا قال كن فيكون ادعيه حبيبتي .​

 

[مواصله]

انا مره دكتورتي عطتني جرعه زاااايده من ابر التنشيط

صار معاي فرط تبويض مثل عنقود العنب وتضخم واحتباس سوائل

قالت لي صبري تنزل الدوره وبيرجع كل شي طبيعي وممكن احتاج اصبر دورتين بعد


لاتسوين شيئ..ريحي جسمج وبعد الدوره سوي سونار وشوفي وضعج ولاتاخذين منشطات3شهور اقل شي

 

[ام غااليه]

والله أنا عن نفسي ماخليت دكتوره مارحتلها قعدو يلعبون فيني آخر
شي طنشت بالعيادات وتوكلت على الله وقريت سورة البقرة وسبحان الله
حملت كنت كل يوم اختمها أنا وريلي وبعدين حبيبتي حق تكبير المبايض
مافي احسن من النادي لعبي رياضه بس التضخم ماعندي فكره
الله يرزقج بالطفل المعافى الصالح عاجلا غير آجلا يارب العالمين

 

[ام رحومي]

الله يعينج استخيري استخيري استخيري واذا تقدرين تروحين عمرة روحي انا صدمني الدكتةر قال عندج اكياااااااااااس وااااااجد عالمبيض وانا بس كان عندي ضعف وانصدمت وقعدت ابجي وقالي بنسويلج عملية كي وصبغة ونحشت منه ورحت عمرة وقاعد اقوم الليل وبروح لام فيصل لما تنزل الدورة وخذيت من ابوطلال عسل للتكيسات واكلت حلتيته واللهم لك الحمد حسيت بفرق وقفت الرطوبة نهائيا والافرازات قلت حييييل السموحة عالاطالة بس بغيت اقولج تجربتي مع الاطباء

 

[ام رحومي]

وسوي سيرج بقوقل عن هالعملية واذا لها اضرار لاتسوينها حجمي وشوفي اي اعشاب تنزلها هالاطباء لعبو فينا جايتهم فيني ضعف مادريت الا صاير فيني اكياس مثل المسباح المبيض من الابر والحبوب مالت عليهم

 

[ام رحومي]

ولاتنسين حبيبتي 7حبات حبة البركة مع ماي زمزم على صلاة الفجر فيها شفاااااااء لكل دااااااااء الا الموت والله حاسة فيج

 

[قاهره عذالي]

هو على اي اساس عطاج تنشيط
شنو كانت مشكلتج؟
تكيس؟

 

[دانة الدنيا144]

حبيبتي الله يشفيج وعمليت المنظار انا سويتها والحين صارلي 25 يوم مخلصتها ترا سهله حيل

 

[رجائي جنة ربي]

حبيبتي ملاك بخصوص العملية المنظار انا سويتها وجدا ً سهله وبسيطه وبنج كامل ساعه او ساعتين وانتي طالعه ومافيك الا العافيه حتى ماتحسين ان شاءلله حتى بدوخه بعد العمليه ، أما بخصوص التضخم ماعندي فكره والله بس مادام المبيض تضخم معناتها ان المبيض استجاب للعلاج بس هو زاد نسبة العلاج روحي للدكتورة فوزيه القطان تقريبا ً هي احسن دكتوره حاليا والدكتوره شيماء بعد زينه ويمدحون الدكتور دسوقي و لا تروحين عند اي دكتور لا تاثقين بحد قبل ماتسالين مجرب ..

ولا تيأسين من رحمت ربي وعسى الله يرزقك ويرزقني ويرزق كل محرومه ومشتاقه

(( لا تحزن إذا منع الله عنك شيئا تحبه **فلو عَلِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته.. ))

 

[دانة الدنيا144]

واي سؤال انا حاضره راسليني على الخاص انا بعد من كثر المنشطات صار فيني تضخم بالانبوب
وانا انصحج سوي المنظار ترا العمليه نص ساعه وانا تندمت ليش ما سويتها من زمان

 

[يحفظك ربيB]

والله مايبط جبدي الا اللي متعبه رووحها بالمشاركه وماعندها غير...

( والله مادري بس ان شاءلله البنات يفيدونج )

والثانيه ترد ( مادري حبيبتي الله يرزقج )

يعطيكم العافيه على حل مشكلة الاخت !!!


​

 

[الكادي 2011]

الله بعينج ويشفيج

 

[الزيـــــ^^ـــــن]

يحفظك ربي ...... يعني اذا ماعندنا علم بهالحاله وداشين نرفع الموضوع وندعي لها شنو المشكله شلي حارج مواحسن من احد يطنشج ولايرد عالموضوع ....؟

استغفر الله ياربي

 

[عسل حدي]

اب اب اب