لازم تحترمين اخووووج حتى لو يهينج هذا اخوج

[لوجين الكويتيه]

بنات هذا الله يسلمكم هذي رفيجتي تعبتني دوم تشتكي من امها تقول ان امها ماتحبها او بالاصح تحب عيال اكثر من البنات تحلف والله ان امها تظلمها تفضل رضى العيال اكثر وتبيها تصير مثل الخدامه لخوانها وتطيعهم واذا قالو لحاجه طلبتها لا خلاص لا لاتنقاش ولا تعارض واذا تكلمت معاهم والله باسلوب عادي تزعل وتدعي عليها وانها ماتحترم احد ويبدا الموال الهواش والزعل وفوق جذيه والله اخوانها مايلبون طالباتها الا بالغصب ومايحترمونها مثال انها تبي تغير جهازها صارلها خمس شهور هي تطلب بالبدايه رفضوا بعدين وافقوا بس ياجلون والشهر اللي فات والله كلهم شروا أيفوون تخيلو ولا احد فكريشتري لها وهي جوالها بحدود 80 اللي تبيه
والله مواااااقف واااااااايد امها دوم بصف العيال و تقول دوم تسبني انا وخواتي عند اخواني والبنت تحس هالشي هذا يقلل من قيمتها هي واخواتها عند اخوانهم ووالسوق طبعا رفيجتي ماتسوق اذا طلبة السوق بالغصب احد يتكرم ويوديها وتطلب امها علشان تقولهم ترفض الام تقولها وش مستعجله عليه اصبري والله احيانا يمر اسبوعين ماحد فكر وهم كله بالدوانيه مع ربعهم وبالعكس اذا اهما طلبوا شي والله والله ماتسكت الام تقول معاهم بكل شي ايه وسالفه مهمه دايم تدعي على بناتها اي سالفه زعلت تدعي واحيانا عيالها يغثونها تزعل عليهم والله حتى لو مقهوره مره ماتحب تدعي عليهم تخاف ترى البنات اصغر من العيال

بالله شتسوي مع امها كلش تحاول فيها البنت وتذكر لامه المواقف بس الام كلش معنده تقول هذولا اخوااااانج مهما يسووون لازم تحترمينهم وتطيعينهم
البنت قضيتها اكثر مع امها لانها بوجهه نظرها ان الام هي تحنن قلب عيالها على بعض مو تقوم مع طرف وتهين الطرف الثاني بحجه انهم بنات وتسبهم عند اخوانهم هذا يقلل قيمتهم بنظر اخوانهم وهذا اللي صاير معها؟


اب ردود علشان بتقولها لامها لان امها درت اني بنزل موضوع عنها

 

[مــ_ــا مــ_ــي]

الله يعينها وييسر امورها .. تربية الام لعيالها غلط .. والمفروض تربيهم على مبدأ الاحترام وحب بعضهم لبعض مو تفرق بينهم وهذا ولد وهذي بنت .. ما تقوي الصبيان وتطلع رجولتهم على خواتهم هذا اكبر غلط ... جذي تزرع الكراهيه بينهم..

واللي نشوفه الحين اللي نافع الام اكثر شي البنات هم اللي قلوبهم على قلب امهم ان تمرضت او تضايقت مو نفس الشباب صج بعضهم بار بأمه وابوه لكن مو مثل البنت الولد راح يلهى في بيته وعياله وزوجته .. اما البنت حتى لو عندها بيت وعيال ما يشغلونها عن اهلها ..

 

[الريشة]

الله يهدي امها ، غلط انها تدعي على بناتها لأنه دعوة الأم مستجابة...
و ليش صديقتك ما تكلم ابوها بالموضوع؟ وين دور الأب بالسالفة؟
اهم شيء خليها تصبر و تدعي ربها و تهتم بدراستها و باجر ان شاءالله تشتغل و يكون عندها معاش و ما تحتاج حق أحد.
و خل تدعي إن الله يرزقها بالزوج الصالح اللي يعوضها كل هالتعب.
و ترى سورة البقرة فيها الخير
قولي لها تقراها كثر ما تقدر
الله معاها

 

[Omniya]

والله في نااس حرام يسمعون كلمه يمه
باجر اطييح الام محد يشيلها غير بناتها ..

 

[.. آبيك لي ..]

آلله يهدي أمهآ يَ ربب
ويصبر رفيجتج !
,

وإن شآء آلله آلآم تقرـآإ آلموضوع وتحن وتعطف شوي ,

ولـآإهنتي عَ كل حـآإل !

 

[عبير العنزي]

للاسف في ناس للحين عايشين بعصر الجاهليه ويفضلون الولد ع البنت

مادري اذا تفكير امها جذي

صعب يتغير

مالها غير الصبر والدعاء

 

[روانتي 12]

وييييييي

ياشين الولد المدلع وييييييييع والله اذا كبر يوكلهم تبن و يأكل اخوته اكل

الام هي الاساس اذا اعدلت بينهم يصيرون ياحليلهم و اذا ماتعدل يكبرووون ويصيروون قشر كل واحد يأكل ثاني اكل

 

[brettey]

هذه مو ام اعوذ بالله منها
الله يعين رفيجتج ويهدي امها لها

 

[بشاريه طربانه]

نفس الحال ،، بس انا اهون

 

[الغلا كله لبوي]

ياشين الام الي كذا
واذا جا الصج ماينفعها الا البنت
الله يهدي امج لج

 

[najma.q8]

بتاكلها ان شاء الله الام باجر عند الحساب أمام الله والله يمهل ولا يهمل لانها ضيعت الامانه وما صانتها
بتاكلها لما عيالها يفضلون حريمهم عليها وتدور بناتها ماراح تلقاهم لانهم وقتها بتكون نفرتهم منها وكل وحده بتقفل عليها بيتها ومستحيل ينسون الاهانه مهما كبروا مو لانهم حقودين او عاقيين لا سمح الله بل لانها ضيعت احلى سنين عمرهم وشبابهم بالمغثه والمذله .. ان شاء الله يوصل كلامي لها ولامثالها لان مو كل الامهات تحت اقدامهم الجنه فقط الامهات اللي يخافون ربهم

 

[m&ms2]

خل تدعي ربها ان الله يسخرها لهم

 

[~.ąvȍƈaȚ.~]

للحين في ناس بهالزمن يسوون جذي !! للأسف والله

باجر هالعيال يتزوجون و ينسون امهم و اهلهم كلهم و محد بيبقالها غير البنات لأن لو شنو ما يقسى قلبهم على امهم

الله يهديها..