لازم نتحدى الزمن

[مريوما الحلوه]

انا بتحدى الزمن الي بيتحدى الزمن معاي يلا انا شفت اصاله 38 عمرها بشرتها زوووغه شفتهها بكان بدون مكياج صج بشره قالت انا اشرب كتيييييير ماي وخضراااااااا وفاكهه بسوي مثلها وانغام 35 ما يبين وهيفا كبار بس المكياج حلو عليهم
انا ببدي شرب ماي 10 اكواب ماي و باكل فراوله و سلطه كل يوم جرجير وطماطم وروووب مع ان ما احبه ببطل حليب كاكاو وببيبسي وماكدونالد وهارديز
بلشت حبوب النظاره ايميدين
بلشت كل شهر تنظيف بشره و محاربه السواد تحت العين
ويلالالالا كل وجده تقولنا شلون تحارب الزمن

 

[sKyLiTeGirL]

يعطيج العافيه عالافاده مريوما

وانا انضم لج بتحدى آثار الزمن

سمعت وايد عن شرب الماى بكثره اشكثر ايفيد البشره

لانه حسب معرفتى المتواضعه ايساعد فى نقل الاوكسجين للخلايا ويطهر الدم

وفيه شغله مهمه كتيييييييييييييييييييييييير>>>على طارى هيفا واصاله وانغام هههه

وهى الحاله النفسيه لها دور كبير فى هالآثار . كل ماكانت الوحده فيننا متوتره وهامله راحتها

كل مابين عليها بسرعه

واضيف شغله انا قاعده احاول واجاهد واناضل انى ما اتعشى او عالاقل اوقف اكل قبل الساعه 8

هالشى سمعت انه ايأخر علامات التقدم فى السن(مو هاين على اقول شيخوخه)

واذا عرفت شى ايفيدنا ان شاء الله ماراح اقصر

ومشكوووووووووورااااااااااا عالموضوع الحلو

 

[مريوما الحلوه]

الله يحيييج يا بنات تفاعلاو معانا نسيت الاهتمام بالشعر اسوي حمامات الزيت واقص اطرافه كل 5 اشهر يالله همتكم معانا كل وحده تقولنا برنامجها لتحدي الزمن انا ليلحين 25 بس عقب 4 اشهر ادش 26 ابي اوقف عند 25 وبس

 

[hessa82]

خوووش فكرة
(المفرووووض) رياضه يوميا عشااان لما نكووون بالاربيعانات يكوون جلدناااا شاااد ومسمووت مثل بنات العشرينيات.. ولوو اني من الحين جلدي مو شاد

 

[روائع الالم]

الله يحيييج يا بنات تفاعلاو معانا نسيت الاهتمام بالشعر اسوي حمامات الزيت واقص اطرافه كل 5 اشهر يالله همتكم معانا كل وحده تقولنا برنامجها لتحدي الزمن انا ليلحين 25 بس عقب 4 اشهر ادش 26 ابي اوقف عند 25 وبس

مريوما اسم الله عليج لا تقولين جذي الله يعطيج طولة العمر يا رب مع العنايه والاهتمام اتوقع بتكونين احلى منهم انشالله بس شدي حيلج

 

[مريوما الحلوه]

روائع الالم مشكوره انا احلى منهم من زمان الثقه الثقه شاركينا شلون تتحدين الزمن من عنايتج بنفسج وانا بسوي الي يقول عنه دكتور اوز اليوم

 

[marioom]

مريوما الحلوة قولي شنو قال الدكتور اوز بحلقة اوبرا ما شفتها للاسف المؤسف

المهم بقولج عن الاشياء اللي ابالي وطبعا اوف كورس ماسويت شي منها غير شي واحد
اول شي
*العصير الاخضر مثل ما انا اسميه عباره عن جرجير بقدونس نعناع وكرفس ويصير عصير وتشربينه كل يوم يطهر الدم طبعا
*اكلي فواكة كثر ما تقدرين وكثري من التفاح والبرتقال والرمان اخليه آآآخر شي وفي حكمة حق هالشي
*زيت الزيتون لا تستغنين عنه مره شفت برنامج ماذكر بأي قناة عرفت منه ان زيت الزيتون مايطلع التجاعيد بسرعه والافضل ان نشربه ونخلطه مع الاكل واندهن فيه جسمنا وشعرنا بس لازم يوم وترك لان يسد المسامات
*الزنجيل اهم الاشياء اغليه مع الماي ونقعيه عشر دقايق بعدين صفيه وشربي الماي قبل لا تنامين طبعا في دكتور قايل ان يساعد على سيوله الدم المهم ان يحمي من كل انواع السرطانات بعيد عنا وعنكم وينظف الجسم عدل
*الحلييييب كلش لا تفكرين اتخلينه يعني حلاته لما انحافظ على نفسنا من التجاعيد انكون بصحتنا مو ويهي مشدود وماقدر امشي من عوار الظهر الصحه اهم ترااااا
*شربي ماي وايد يطهر الدم من السموم بالتالي يرطب الجلد ويعطي نضارة وحيوية
*في عسل بمركز سلطان ينباع اهوه عسل بالفيتامينات ماذكر شنو اهمه بالضبط بس انا اخلطه من الجاي الاخضر
*والجاي الاخضر احم احم كافي ان يضعف لول وترا يعطي نضاره للوي ويخليج صحية فوايده واااااايد المهم ان سويلج جاي اخضر كوب كامل شربي ثلاث ارباعه والربع الاخير غسلي ويهج فيه وعليج بالعافيه النضاره
*الريااضه كل يوم على الاقل نص ساعه اتحرك الدورة الدموية بجسم الانسان كله فتعطي همن صحة ونظارة وعلى الاقل نص ساعه باليوم اول ما تقعدين من النوم واشتريلج اثقال كيلو واحد بس اذا اكثر يطلعلج عضلات بعدين المهم عشان يشد الايد بعد
*النووم لمبجر اذا مانمتي بالليل ولا شي من اللي فوق بفيدج لان البشره تبني نفسها وتتجدد خلاياها وقت الليل يعني النوم اول ماتطلع الشمس ما يفيد وانا ناوية اضبط نومي على الكورس الياي انشالله
*اكلي فيتامينات اهم شي انا الحين اخذ فيتامين زيت جبدة السمج صارلي شهر تقريبا او اكثر مع اني كاشته صارلي اسبوع لوول
*والاكل البحري بعد حيييييييييييل مفيد خصوصا للشعر والبشره اللي اعرفه ان حتى لي مرضتي بعيدالشر عنا وعنج بس اكلي سمج وتشافين بأذن الله .. على الاقل ثلاث مرات بالاسبوع اكلي سمج
*اليوغا مع ان بحياتي ماجربتها بس يقولون انها السر في رشاقة مادونا بشتريلي فيديو انشالله واجرب بالبيت لانها تعطي راحة للجسم وقوة وصحه
*دهني بشرتج دايما بزيوت مثل الجلسرين او اللوز يعطي ترطيب مضاعف للبشره وهمن رطبي بكريم مرطب يحاافظ على طراوة البشره ويحافظ عليها بعد من التجاعيد ولازم يكون كريم المرطب يحتوي على ثلاث اشياء اساسيه اهيه مادة الالفا هايدروكسي لانه هالماده اتحافظ على البشره من التجاعيد وترا موجوده بشكل طبيعي بالحليب .. ولازم يحتوي على فيتامينات عشان يغذي البشره .. ولازم يكون فيه نسبة حتى لو قليله حمااااية من الشمس
*وعلى طاري الشمس استخدمي كريم حماية بنسبة عاليه لان الشمس اتبجر من ظهور التجاعيد جربي بيوديرم حمايته 100%
*وشعرج بعد دهنيه بزيت الزيتون عشان يأخر من ظهور الشيب بين فتره وفتره وهمن زيتيه بزيوت ثانيه ولا تصبغين لان الصبغ يطلع الشيب بسرعه واذا طلعتلج شيبه حتى لو وحده لا تقطعينها لان جذي يطلع اكثر
*الفراولة اتبيض الاسنان واتأخر من ظهور التجاعيد اكليها وسوي منها ماسك للبشره بالاسبوع مره على الاقل
*اذا تستخدمين كريم اساس بشكل دائم وقفي من استخدامه وجربي البودره السايبه افضل واحسن وسلبياتها اخف بواايد من الاساس السائل

واذا تذكرت شغله انشالله راح ارد واكتب وراح اتابع الموضوع مشكورة وتسلم ايدينج يارب
​

 

[marioom]

صج تذكرت بعد شغله
الرسول عليه الصلاة والسلام وصى بأن ناكل 7 تمرات على الريج اللي اعرفه همن ان يأخرون التجاعيد
وبعد شغله تذكرتها
كل فصيلة دم لها نوع معين من الرياضات اتمارسه وانا ماعرف الا عن فصيلة دمي اللي اهيه B
وهذي انواع الرياضات

نوع الرياضه المده بالدقيقه . جم مره بالاسبوع
ايروبيك - 45\60 - 3
السباحه -30/45 -3
الركض - 30/45 -3
رفع الاثقال -30/45 -3
كره المضرب - 45/60 - 3
الجمباز -30/45 -3
الفنون القتاليه -30/60 -3
المشي لمسافه طويله -30/60-3
المشي السريع-30/60-3
ركوب الدراجه الهوائيه -45/60-3
الغولف -60-2
تاي تشي -45-2
يوغا-45-2
وسلااااامتج
​

 

[مريوما الحلوه]

مريوم ماشالله عليج سميتي يا حلاتج مشكوره الدكتور اوز يسوي عصير كل يوم الصبح يشربه عباره عن تفاحه وخياره شويه زنجبيل ليمونه شويه بقددونس وشويه سبانخ وبجربه ونشوف

 

[marioom]

مشكوووورة وايد على الطريقه وتسلم ايدينج عسوولة
​

 

[مريوما الحلوه]

العفو العفو ما سويت شي بشتري كتاب اسمه اسرار الحريم وبكتب الوصفات الي فيه ونشوف

 

[ريمه الكويت]

ماشالله عليكم وانشالله تظلون دوووووووم شباب وفعلا دكتور محمد اوز قال عصير الشباب (بالخلاطه يحط سبانخ وتفاحه ويعصر ليمونه وزنجبيل) ويشربه كل يوم وبعد يشرب زيت سمك القد لانه فيه اوميجا3 ويعصر فوقه ليمون والسلطات الي حاط فيها بربير بعد مدح الاكلات البحريه

وبالنسبه حق اصاله انا شفت لها مقابله تقول انا فيني هوس على بشرتي كل اطالع نفسي بالمنظره اخاف يطلعلي خط بويهي وتقول رفوفها كل عليها انواع من حبوب الفيتامينات الي تحافظ على البشره ومره اعترفت انها مسويه فيلرز حق خدودها وشفايفها طبعا غير الكريمات وتنظيف البشره واهي تلعب رياضه وحاطين لها صور تسوق قاري بالشارع
يعني مهتمه بروحها عدل مدل

 

[مريوما الحلوه]

اصاله مشالله شفتها بدون مكياج تينن بشرتها