لاصفي مبتكر لخبرة من انا

[لمسات كويتية]

بليز بنات ساعدوني ابي لا صفي مبتكر لخبرة من انا :krkrkr:

 

[:: SeCRetS ::]

في لاااصفي مبتكر اسمه

حركات الجسم واايد حلوو وكله العااااب : )

 

[pink rain]

مساء الخير شلون يعني حركات الجسم ؟؟ شلون يطبق ؟؟ خوش فكرة

 

[fofowa_q8]

اي والله ياليت تقولين لنا شنو حركات الجسم؟

 

[لمسات كويتية]

يعطيج الف عافية على هالفكرة
بس يااااريت توضحينها أكثر وطريقة تطبيقها
بلييييز

 

[ابلة^روضة]

وانا بعد قوليلنا شلون يلا يا سيكرت يلا ياسيكرت لا يوقف لا يوقف لا يوقف....جكجكجكجكجكجكجك

 

[روحي رياضية]

أختي سيكرتس .. يا ريت تنفعينا كلنا .. وتفيدينا عن اللاصفي مال حركات الجسم ..

ونكون من الشاكرين

 

[miamy]

شوقتينا سيكرت

ناطرينج

 

[:: SeCRetS ::]

هو نشاط الهدف منه ابراز اهمية الاعضاء

ومهارة تحريكها


تفدريين تبدين بأي منبه يدل على أي عضو !

عقب بيكون كله العااب بما انه نشاط لاصفي


حطيت لكم لعبة كنموذج

عبارة عن مربعات

يختار الياهل مربع


مثلا اختار المربع الاول يطلع له واحد يسلم من الصلاة

تسألينهم شنو يسووي بيقولون لج يصلي

وليمن يخلص صلاة يسلم!


كيف يسلم! يحرررك الرقبة يميين يسار!

كلنا يلا نحركها

نحركها للأمام وللخلف


وعقب تكملون اللعبة في مربع صورة طير!

اشلون يطير بجناجه هي نقلد

مهارة تحريك الذراعين


عقب يقلدوون


بعدين صورة ارنب هيا نقفز بماذا بالارجل!

عقب صورة شريط


تكونين موزعة خلف كل طفل طووق

يمعي اطواااق الروضة كلها خخ


بس يطلع صورة الشريط بتسألينهم شنو هذا بيقولون شريط تكونين مزهبة شريط اغنية رياضية تطلعينه وتحطينه


مهارة تحريك الوسط



واايد استانست عليه الموجهة



بعدين تكونين مقسمهتهم مجاميع



مجموعة خارج الصف سوييلج مرمى وكرة عشان يحركوون ريوولهم


مجموعة عبارة عن وسيلة فيها صورة ويه بالوسط وتحطين حولها اتجاهات يمين يسار فوق تحت


وكل سهم تغطينه بورقة بس عالطررررف


عشان يقدر يفتح الورقة

فتحها يلقى تحتها السهم

فيمثل اتجاه السهم براسه




المجموعة الرابعه تلوين الاعضاء


المجموعة الخامسة سويلهم لعبة بالحاسوب او يشوفون فيديو عن الاعضاء



وبسسسسسس : )







http://up5.m5zn.com/tsq3uzkfvw56/___________________________________________.ppt.htm​

 

[pink rain]

مشكورة وايد وماقصرتي

 

[UMNASER79]

يامال العافية ياعسل وينولج اللي في بالج

 

[miamy]

تسلميييييييييييييييين وايد حلو وخفيف

 

[أم حمووود]

مشكوورة على هالنشاط ويعطيج العافية
يا قلبي

 

[روحي رياضية]

مشكوره وما قصرتي ... بميزان اعمالج ..

 

[بنت-أمها]

يبي الوان اصابع ملونه سئليهم عن الالوان وبشنو نستخدمهم ويبي كرتونه كبيره او وسيله وخليهم يطبعون ايدهم ويحطونها على الوسيله

ووزعي وسايل على الأرض وخلي الطفل ينام وانتي رسمي جسمه واطفال ثانين يقولون يلون جسمه بالوان الاصابع

 

[أتوش حياتي]

أفكار حلوة