السلام عليكم ورحمة الله بركاته
شلوونكم خواتي ....خلووني أدش بالموضوع علي طوول عندي بنت أخت ريلي أكبر مني تقريبا بسنه وأم عيال وصارلها ست شهور ساكنه يديد عندي بنفس العماره أللي أنا فيها بعد ماكانت عند بيت ريلها ساكنه شنو المشكله أنا ماعندي عيال والله مارزقني ليما الحين فا لما أيظيق خلقي أدق عليها أتيي عندي تسولف واهي نفس الشي أدق علي أروحلها ونسولف ونظيع وقت بس أكتشفت شغله لاعت جبدي منها بصراحه ونصحتها بس أحس زعلت وتظايقت بقولكم شلون مثلا أتيي تقعد عندي تقول فلانه بقوم أروح أتسبح علي الساعه 12 بالليل ويكون زوجها طالع قنص مثلا أمس تقول تخيلي صارلي يومين من جامعت ريلي وماتسبحت قلت نعم يومين وماتسبحتي شلون الصلاة ماتصلين قالت الله غفور رحيم وعيال ولويه وريل قلت وأذا أم فلان ماتخافين الله ياخذ أمانتج وأنتي عليج جنابه مايجوز الله يهديج قالت والله أحيانا يصير جماع بالليل أروح لدوامي وأرد ولاحظوا دوامها طريج يعني الله لايقوله لويصير لها شي أو حادث شلون بتقابل ربها وأهي مونظيفه مره صار عزاء عند ناس يصيرون لريلي من بعيد أبوهم توفي وقال زوجي روحي بعد صلاة العصر روحي عزيهم رحت ودقيت عليها قلت أم فلان ترويحين معاي للعزاء صراحه ماعرفهم وأستحي قالت أول ماتصلين العصر مريني أول مايأذن ويخلص أنا أنطرج تعالي طقي الباب وأطلعلج أذن العصر وصليت وقعدت عشر دقايق قلت خلها أهي أدق ولايقول زوجي يالله يبه روحي مستحيه من فلانه عادي قلت أوكي وأروح وأطق باب الشقه عليهم ويطلعون عيالها الصغار قالوا ماما بالدار قلت اوكي وأقعد أنطرها عند الباب أفتشلت أدش جان أتيي الخدامه قالت ماما يقول أذا يت فلانه خليها تنطرني بالصاله رحت وقعدت ونطرت بالصاله ولاطالعه من دارها بقميص نوم ومبين كان فيه شي من العفسه أللي أهي فيها جان تقول فلانه بس أبدل وأييج راحت بدلت ويت جان أنا صراحه تليقفت جان قلت فلانه ريلج بالدار قالت أيه قلت سوري بس أنتي مسويه شي جان تضحك قالت شدراج قلت فلانه روحي تسبحي أحنا رايحين عزا والموت عضه وعبره وحرام أدشين عزا وأنتي مونظيفه يعطونج كتيب فيه قرأن شي أو والله ياأختج ماينقال عن الطريج روحي أنطرح تسبحي لو بماي موزين جان تقول لالا لا رديت وااي فلانه شفيج من صج عيزانه قلت كيفج والله كرهتها رحنا وعزينا وطلعنا وحاولت أنصحها قالت أنا أكثر من مره أزورج في بيتج وتقومين تتسبحين وتقولين أنا أمس العصر وقبل أمس صاير جماع وتروحين وأتيين والجنابه عليج صلاتج شلون بذمتج جان تقول لو سمحتي لاتصيرين داعيه علي راسي أنا الله أعلم بضروفي عيالي يبي أللي يباريهم الريل يبي أللي يشوف طلباته مشغوله حدي مع أنه ماعمري شفتها تطبخ كله الخدامه ولاتلبس اليهال كله الخدامه قلت بكيفج بس الله مايرضي باأللي تسوينه والدنيا حياة وممات ولاتروحين لله ألا أنتي نظيفه وطاهره نفست وماحاجتني ليما وصلنا لبيوتنا جان أنزل وأدش شقتي قلت توبه أروحلها وأقرب صوبها هذي منو يشرب عندها شي منو ياكل عندها شي بيت كلش موقايم علي الطهاره أستغفر الله يارب....
مادري بنات أللي سويته صح ولاغلط ... لأن ريلي يقول شفيج مقاطعه فلانه مادري شقووله ....
شلوونكم خواتي ....خلووني أدش بالموضوع علي طوول عندي بنت أخت ريلي أكبر مني تقريبا بسنه وأم عيال وصارلها ست شهور ساكنه يديد عندي بنفس العماره أللي أنا فيها بعد ماكانت عند بيت ريلها ساكنه شنو المشكله أنا ماعندي عيال والله مارزقني ليما الحين فا لما أيظيق خلقي أدق عليها أتيي عندي تسولف واهي نفس الشي أدق علي أروحلها ونسولف ونظيع وقت بس أكتشفت شغله لاعت جبدي منها بصراحه ونصحتها بس أحس زعلت وتظايقت بقولكم شلون مثلا أتيي تقعد عندي تقول فلانه بقوم أروح أتسبح علي الساعه 12 بالليل ويكون زوجها طالع قنص مثلا أمس تقول تخيلي صارلي يومين من جامعت ريلي وماتسبحت قلت نعم يومين وماتسبحتي شلون الصلاة ماتصلين قالت الله غفور رحيم وعيال ولويه وريل قلت وأذا أم فلان ماتخافين الله ياخذ أمانتج وأنتي عليج جنابه مايجوز الله يهديج قالت والله أحيانا يصير جماع بالليل أروح لدوامي وأرد ولاحظوا دوامها طريج يعني الله لايقوله لويصير لها شي أو حادث شلون بتقابل ربها وأهي مونظيفه مره صار عزاء عند ناس يصيرون لريلي من بعيد أبوهم توفي وقال زوجي روحي بعد صلاة العصر روحي عزيهم رحت ودقيت عليها قلت أم فلان ترويحين معاي للعزاء صراحه ماعرفهم وأستحي قالت أول ماتصلين العصر مريني أول مايأذن ويخلص أنا أنطرج تعالي طقي الباب وأطلعلج أذن العصر وصليت وقعدت عشر دقايق قلت خلها أهي أدق ولايقول زوجي يالله يبه روحي مستحيه من فلانه عادي قلت أوكي وأروح وأطق باب الشقه عليهم ويطلعون عيالها الصغار قالوا ماما بالدار قلت اوكي وأقعد أنطرها عند الباب أفتشلت أدش جان أتيي الخدامه قالت ماما يقول أذا يت فلانه خليها تنطرني بالصاله رحت وقعدت ونطرت بالصاله ولاطالعه من دارها بقميص نوم ومبين كان فيه شي من العفسه أللي أهي فيها جان تقول فلانه بس أبدل وأييج راحت بدلت ويت جان أنا صراحه تليقفت جان قلت فلانه ريلج بالدار قالت أيه قلت سوري بس أنتي مسويه شي جان تضحك قالت شدراج قلت فلانه روحي تسبحي أحنا رايحين عزا والموت عضه وعبره وحرام أدشين عزا وأنتي مونظيفه يعطونج كتيب فيه قرأن شي أو والله ياأختج ماينقال عن الطريج روحي أنطرح تسبحي لو بماي موزين جان تقول لالا لا رديت وااي فلانه شفيج من صج عيزانه قلت كيفج والله كرهتها رحنا وعزينا وطلعنا وحاولت أنصحها قالت أنا أكثر من مره أزورج في بيتج وتقومين تتسبحين وتقولين أنا أمس العصر وقبل أمس صاير جماع وتروحين وأتيين والجنابه عليج صلاتج شلون بذمتج جان تقول لو سمحتي لاتصيرين داعيه علي راسي أنا الله أعلم بضروفي عيالي يبي أللي يباريهم الريل يبي أللي يشوف طلباته مشغوله حدي مع أنه ماعمري شفتها تطبخ كله الخدامه ولاتلبس اليهال كله الخدامه قلت بكيفج بس الله مايرضي باأللي تسوينه والدنيا حياة وممات ولاتروحين لله ألا أنتي نظيفه وطاهره نفست وماحاجتني ليما وصلنا لبيوتنا جان أنزل وأدش شقتي قلت توبه أروحلها وأقرب صوبها هذي منو يشرب عندها شي منو ياكل عندها شي بيت كلش موقايم علي الطهاره أستغفر الله يارب....
مادري بنات أللي سويته صح ولاغلط ... لأن ريلي يقول شفيج مقاطعه فلانه مادري شقووله ....
