لافام اين يقع ؟؟؟-تجمع مشتركات لافيم

[يمّه مني]

قووه هوانم
ازيكم ؟
توني سويت سيرج حق لافام بس ماعرفت العنوان بالضبط " يعني اختي المشرفه ترى الموضوع مومكرر "

ابي وحده تتكرم وتعطيني العنوان كامل واذا الرقم معاه بعد خوش تمام

مشكورين

 

[ii DareeN ii]

اذا قصدج لافيم الي بالخالديه يصير يم نادي الفتاة يمه مني متى صج اخذ شايي

 

[يمّه مني]

لقيته ورحت شفته وسجلت
مشكووره دارين
متى ماتبين عطيني خبر

 

[مستشاره قانونيه]

انزين عفيه

ممكن تعطينا معلومات عن النادي

اسعار الاشتراك واهم شي بالسنه جم

واشلون النادي كبير و زحمه ولا لأ و التفاصيل بليييييييييز

لان راح يخلص اشتراكي بفلكس ودي اغير وايد يمدحون لافام

 

[يمّه مني]

من عيوني
بس الشرح ابربع دينار

شوفي حجيه
النادي كشكل عام حلوو تقدرين اتقولين نفس طقه فلكس
المشي والقواري والويت مشينز الاجهزه اقدر اقول نفس مستوى فلكس
وفي غرفتين وحده نفس فلكس مال السبننغ وحده فيها قواري وشاشه تلعبين عليهم
حمام السباحه شكله نظيف ماشفت فيه احد
عندهم جهاز الهايبوكسي بس اشتراكه بروح
وصالات حق الرياضه جنه صالتين

اهوا يديد بس عطيه جم اسبووع ايصير تمام

الاشتراك الشهر 100
3 شهوور 200
6 شهوور 300
سنه 395

انا اشتركت شهر بس بسويه 3 شهوور او 6 مادري

روحي القيلج نظره حلوو انا من عقب فلكي ماكو نادي ترس عيني بس هذا اشووفه خووش نادي بستمر فيه انشالله

 

[ii DareeN ii]

بشترك عقب رمضان لان الحين ماضنش برمضان اقدر اروح النادي حيل بخاطري ويمه متى بتبلشين بنادي عشان امر اخذه منج من النادي لان قريب علي عطيني التفاصيل بالخاص عشان امر ولا اطرش اختي

 

[يمّه مني]

اوكي الحين ادزلج

 

[مستشاره قانونيه]

مشكووووووره حبيبتي

ودي اروح اشووفه

صراحه اسعاره وايد زينه

مو فلكس رافعين الاسعاااااار صايره خياليه السنه ب 577 شصاير شدعوه عليهم

 

[همسة وجدان]

أمممممممممممم حياتي

عننننندي سؤال لأن ودي اسجل فيه

.. اهو خلط ولا لأ

انزززين كل الأيااام للحريم ؟؟؟

وبعد بقووولج
شلووون معاملتهم لج ؟؟
وشلووون .. المكان ؟؟
وعندج رقم الناااادي من فضلج

وتسلمممين يا الغلا كله

 

[همسة وجدان]

وحياااتي من الساعه جم
لي الساعه جم ؟؟

 

[يمّه مني]

مستشاره
واااااااايد اسعارهم زينه فلكس عشان وسعو المكان وبيطفشون عينات غير مرغوب فيهم خخخخخخخ بصراحه في اشكال قامت تدش مادري اشلون قايلين كل ماشوفهم ارحب فيهم ابكوكب الارض خخخخخخخخخخخخخخخخخخخخخ

همس
النادي بس حريم
من السبت لي الخميس واليمعه عطله من 8 الصبح لي 10 بليل برمضان راح يتغير والمعامله ماشفت شي شاذ مالت الرسبشن كانت حيل حليوه معاي والرقم 4925666 والمكان انا ذكرت انه
زين مافيه شي يالله عطيني ربع دينار

 

[ii DareeN ii]

اقول لافيم عندهم رقص

 

[يمّه مني]

ايه عندهم
آيروو دانس اذا اللي تعطي متمكنه يعني الشحووم بتطير بسبوعين
وعربي
ولاتيني

انا حدي شايشه عالهايبوكسي ودي اشترك فيه بس مادري جان احد امجربه

 

[همسة وجدان]

خخخخخخخ

وااايد ربع

شراايج 200 فلس

زييين ؟؟؟


وتسلممممين حياتي

 

[همسة وجدان]

بناااات أنا توني دقيت
عليييهم

وسألت عن نظامهم برمضااان

قالوا لي
من الساعه 12 الظهر
إلى 5 المغرب

ومن الساعه 7ونص
لي 11 ونص

شرااايكم ؟؟

يسوى اسجل
أنا ودي بس لرمضان
أبي جسمــي يتسنع ؟؟؟

هاااا شقلتوا ؟؟

 

[يمّه مني]

طاااااالع حتى اهني اتكاسرووون !!!!!!!!!!!

انا اقول توكلي على الله وسجلي
حتى برمضان والله جني بروح حق الفترتين
ابي اضعف
ابي اصير سمبتيك
ابي البس وماحاتي
دقدي دقدي " اقدم "
دقدي دقدي " اقدم "

حمدالله والشكر فصلت:eh_s(1):

 

[ii DareeN ii]

انتو ياحلوين رحو جربو وانا عقب رمضان الحقكم انا صج ابي ارقص وابي ايروبكس مائي ابي اصير السمكه الذهبيه لول

 

[يمّه مني]

خخخخخخخخخخخخخخخ
المفروض امس اول يوم بس مارحت
اليوم انشالله بروح بشوف الوضع وارد عليكم باخر الاخبار

 

[ii DareeN ii]

ها شصار سبع ولا ضبع قمحه ولا شعيره رحتي ولالا

 

[يمّه مني]

لالالا ضبع بس راهي

امس رحت بس ماطولت ساعه الا ربع وطلعت يدوب لعبت عالمشي
بس الحلو ماكو غثقه انشالله الصبح اليوم بروح بس بطول