لامتى على هالحال تعبت شوروا علي؟

[ريوفي]

بنات كيفكم ابيكم تقولون لي وش اسوي انا متزوجه من سنه واربع شهور وزوجي لما يزعلني مايراضيني ابد كلا يقول لي انتي تزعلين على شي تافه وكل شي اسويه له ارسل له لاراح العمل واقوله يفكر بتصرفاته معي بس لاحياه لمن تنادي يقرا ويطنش حاولت ازعل كذا مره اقول يمكن يتغير ويجي يراضيني بس نفس الشي حتى اني كرهت ازعل لانه مايهتم فيني اتعب نفسي وازعل عالفاضي ليش مع اني مهتمه بنفسي وبكشختي مره بس مدري وش يعجب:cxxxp:
قولوا لي وش اسوي معه؟

 

[شووكولاته]

كلهم اول شي جذي وصح اول الزواج الوحده تكون حساسه وبسرعه زعل

نصيحتي لاتتزعلين على كل شي

 

[انا انت]

رد : لامتى على هالحال تعبت شوروا علي؟

عادي يبي سوي لنفسه شخصية

 

[wafa82]

رد : لامتى على هالحال تعبت شوروا علي؟

ديربالج اذا الريال شاف المره تزعل وايد يمل منها عاتبيه بس اذا شي بسيط ولاتكثرين الزعل الله يسخره لج حبيبتي

 

[نور الكوثر]

عاد انتي لا تدلعين وايد ترا راح يمل

 

[mochey_85]

عاد انتي لا تصيرين زعوووله

ترا طبيعه المره بدايه الزواج حساسه بسرعه تزعل

لا تزعلين وايد

تدلعي بس لا تزعلين

ترا يمل

و الله يسخر لج ريلج

 

[ملامح جنونيه]

رد : لامتى على هالحال تعبت شوروا علي؟

صح كلام البنات لاتزعلين واجد ترا مو زين

و هو في بداية الزواج مثل ماقالو تكون شوي حساسه

بس ديربالج وطنشي هالشي

وربي يوفقكم يارب

 

[منيرة خالد]

وليش تزعلين ؟؟؟

ترا في اشكثر رياجيل ما يحبون يراضون بشكل مباشر ، مثل يعزمج على شي او يساعد او يلبي لج طلب


وكثر الزعل مو زين

 

[i'm so happy]

الريال مايحب المره الزعولة خلج مرحة وحبوبة لا تزعلين على اقل قليل وتكونين حساسة بزياده مو حلوة ولا تنتظرن اراضيج

لانه عارف ان هل شي مايستاهل ان الواحد يزعل منه ياحبيبتي ..

 

[ام دليار]

رد : لامتى على هالحال تعبت شوروا علي؟

لاتزعلي شوفي حياتك اذا مابينتي انك زعلانة بيتغير
ولابظل هيك مطنش <هيك راح تعرفي طبع زوجك شو بحب جربي الزعل وجربي التطنيش حتى تعرفيه صح >

 

[غلا ماجد]

الرياجيل انواع بعضهم ما يعبرج لا زعلتي و بعضهم لبجتي و صحتي يدلعونج
لا تعودين ع الزعل

 

[شمس 20]

صح كلام البنات =)

 

[برونزية رشيقة]

واااااااااااااااااااااااااضح جدا إن ريلج مل من تصرفاتج

زعلي عالشي القوي مو كل يوم زعلانة ..

علشان جذي ما قام يعتبر لج أي اعتبار ولا قام يراضيج

 

[ريوفي]

يعطيكم الف عافيه حبايبي بس والله اني ماازعل الا على الشي اللي يستاهل وزوجي بطبيعته عصبي ومشاكلي معه كثرت من ولدت لما يشوف ولدي يصيح يعصب ويتنرفز حتى انه يعصب عليه وهو طفل مايعرف شي وانا ام تعرفون قلب الام ماتحمل اشوف ولدي يصيح وهو يقول خليه يصيح الين يسكت وياويلك ان شلتيه تعبت معه وربي

 

[عاشقة-الكفيل]

رد : لامتى على هالحال تعبت شوروا علي؟

عادي الريال عزة نفسه ماتسمحله يعتذر الا بالشديد القوي

 

[kookiz]

مادري شقولج في ناس مايعرفون يراضون وانشالله يتغير قعدي معاه قوليله بخاطري لمن ازعل تراضيني وتحسسني بغلاتي عندك

 

[om_dodo]

اب

اب

 

[*peace*]

عدل كلام البنات

لاتزعلين عليه ٢٤ ساعه لول

طولي بالج طوفي تغشمري معاه

لاتصيرين غثيثه

 

[Cander]

كل ريال له طبع

وانتي المطلوب منج تعرفين طبع ريلج وتفهمينة وتعرفين شنو يقيد معاه

الزعل ما يفيد ، جربي الحقران ، او شي ثاني

انتي وطريقتج

 

[دلوعه فوفو]

رد : لامتى على هالحال تعبت شوروا علي؟

انتي نفس معناتي انا مايعرف يراضي وبصراحه انا بعد عودته لا زعلت ارضي بروحي بعدها طفشت وصرت لازعلني ما اكلمه واكشخ احلا شئ واطنشه او انزل عند اهله بعد ما نتهاوش المهم حس انه مايهمني واللحين مايتحمل زعلي