لايطوفكم اتيليه اديبا الحبوب

[اشواريا.]

السلام عليكم عرايسناًالحلوين انا بكتب لكم موقف صر لاختي عروس خذت بدلة عروس من اتايه اديبا المحبوب وطبعا طلعت روحنا عطتنا البدله قبل العرس بجم ساعه بس مع انه الاتفاق قبل العرس بيوم وطبعا كانت البدله يبيلها تصليح وماصلحتها اختي لبستها بالعرس مضطره واااسعه وتلوع الجبد ولما رديناها ثاني يوم سكتو مارضت ترد العربون ال100 دينار تقولي البدله فيها كريم اساس انزين طبيعي معطتها عروس بيصير فيها كريم اساس قلتلها خلاص ولايهمج اوديها مصبغه على حسابي تخيلو هم مارضت الا تاخذ التامين وسوت سالفه ولسانها طويل جنها دلاله ماجنها مصممه لها سمعتها ومرمطتنا علي التامين مارضت ترده لنا والله يابنات 3 ايام رايحه وراده عليها جان اروح حماية المستهلك واشتكي عليها تصدقون قالي الموظف هذي معروفه بهالسالفه وبنفس اليوم كلموهم جان يرجعون العربون خافو من حماية المستهلك لا واللي يحر لما كنت اروحلها كنت اروح مع ابوي ريال كبير بالسن ماحترمته ولسانها طويل فوووق ماتتخيلون جنه قاعدين نطر التامين منها والله ولماكنت اسولف لبنات الدوام عن اللي صارلي تخيلو معاي وحده عرسها من سنتين كانت ماخذه منها ونفس الشي تقولي ماردت لها التامين كل يوم تقولها باجر ليما البنت ملت وخلت التامين يولي اللي بوصله ياعرايس انتبهوا لاتوهقون فيها من الحين اقولكم التامين يروح عليج والبدله تتوهقين تستلمينها قبل عرسج بجم ساعه ومن غيرًتعديل حق حرقة الاعصاب بس بيومها انا انقرصت منها وحبيت انبهكم والله مهما تسوي عروض واسعار مخفضه وووووووووويع والله لوماخذين لنا بدله بالف اشرف لنا مايسوا علينا حرتنا بهاليوم نصييييحه انتبهوااااا اللهم بلغت اللهم فاشهد :eh_s(14):

 

[حآلية الذوق ~]

مشكوره ع التحذير

 

[كلي لكـ]

شكرا عالتحذير وبصراحه شكثر عرايس اكتبوا مواقفهم معاها
الله يهديها يعني عروس موناقصه ضغط وتوتر كافيها اللي فيها

 

[ريمااا المطيري]

ااب اب

 

[معلمة شيسمونه]

تدرين عاد توني قبل شهر كنت عندها قاعده اشوف ملابسها

وتيي عروس مع ريلها وتاخذ منهم عربونهم وهم معطيتها البدلـــــــــــــــــة مشقوقه الطرحه
وتقولها انتي شاقتها مو انا

وتهاوشوا وخذت العروبون ما ردته وقالوا لها نشتكي بحماية المستهلك قالت روحوا سووا اللي تبون خنشوف


هالشي صار قبال عيني والله


وعلى فكره نفانيفها ما تسوى

وروني القديم كله لما قلت لهم يلوع الجبد طلعوا لي جم نفنوف حليوين بس مو بمستوى النفانيف اللي بالاتيليهات الحين
​

 

[البرنسيسة غلا]

ـآلله يهديهآ خربت سمعتهآ كـ مصممه
شتسوى عليهآ محد يجيهآ


يسلمو حبوبه على ـآلتنبيه​

 

[اشواريا.]

هلا حبايبي مشكورين علي ردودكم انا والله ويشهد الله علي ماكتبت هالتحذير الا عشان تنتبهون ومايصير فيكم مثل ماصار باختي مايسوا عليها حرتها مسكينه بهاليوم وحرقة اعصابها واعصابنا معاها بدال ماتفرح قامت تبجي ودشت القاعه والبدله وسيعه صوب الصدر كانت ماجرتها قبلنا بيوم عشان جذيه مامداها تعدل فيها بس والله حره انا بعرف اهي ماتخاف من الحوبه والدعاوي عليها طبعا امي من الحره دعت عليها لين قالت بس اختي لبست البدله وهي تبجي بس مضطره وكلمن قالنا ليش بدلتها واسعه مومخصره عليها حسبي الله عليها ونعم الوكيل الله لايوفجها ولايرزقها وين ماراحت تتكسب علي دموع العرايس مساكين.

 

[ظل الياسميـن]

امبيييييه
اشتسوى عليها الحين خربت على عمرها

 

[!witcha!]

حدي انقهرت امبي !!! حسبي الله عليها .......... الله لا يوفقها انشاءالله :rgewrg: حتى ستايلها مليق ويع وايد سمعت انها مشكلجية قطيعة :eh_s(14):

 

[bride2011]

من زين عاد موديلاتها قاصين علينا تلقين البدله ملبوسه اكثر من مره انا هالمصممات مابلعهم اشتري جاهز واريح راسي ناتضمنين البدله جم مره ملبوسه ومابي اظلمهم كلهم فيه اكيد مصممات يخافون الله وفيه مصممات ماديات حسبي الله عليها جانها سوت باختج جذي

 

[لهلووووووبااااا]

سبحان الله
المحبه من الله هالادمية انا ما اواطنها ليش تسوي جذي حمدلله والشكر هاذي اللي صج بتنحش الاوادم من مشغلها لازم تكون دبلوماسية وحبوبه وروحها حلوة مع الزباين
​

 

[كويتية فاهمة]

الله يسامحها

ومشكوووووووووووووووووووووووووووووووورة حبيبتي

 

[LoLaTi]

اسمها اديبه المفروض تتأدب قليلة الادب وهذي معروفه اصلا مااااااااااااديه وموديلاتها لوووووووووعه مصممه على الطل يعل بوتيكها مادري اتيليها الحرق هالأديبيه الي ماشافت الادب شلون صاير

 

[ريناداا]

لا حول ولا قوة إلا بالله


المهم أن أختج طلعت روعه يوم عرسها



وتظل ذكرى تنذكر ماتنعاد

 

[بـلآكـ مآتدري]

قطييييييييعة شهالطمع الله لايبلااانا
ثانكس حبوبة ع التحذير

 

[اشواريا.]

مشكووورين حبوبات ويكفي تضامنكم معانا والله لايوري اي عروس اللي شفناه ويوفقكم انشاالله بنوتات ويرزقكم الازواج الصالحين ياااارب واللي متزوجات الله يهنيهم ويسعدهم مع ازواجهم حبيباتي وخواتي والله يااحلي منتدى

 

[beren saat]

مشكوره ع التنبيـه

 

[سارة العجمي:]

مرة رحنالها انا و خواتي وامي مع خالتي عاد قاعد نسولف معاها و خالتي بصوت واطي تقول هاذي نفسية و الله لو قلنالها الثوب يبي تعديل تقوم وتقطنا و تقط النفنوف معانا من الدريشة وامي قادة تضحك فصلت و الله صج نفسية و عاد الصراحة ثيابها ما تستاهل و كذا وحدة تذمها ومشكورة حبيبتي عالتحذير